Declaración acerca de Medición con RA HUAWEI e a privacidade
Última actualización: 26 de setembro de 2022
Medición con RA HUAWEI é unha aplicación que fornece Huawei Device Co., Ltd. (a partir de agora, "Huawei", "nós", "nos", "nosa", "noso", "nosas" ou "nosos") que se usa para medir obxectos e corpos humanos do mundo real. Huawei concédelle moita importancia á súa información persoal e a súa privacidade, e comprométese a tomar as medidas de seguranza adecuadas para protexer esta información segundo a lexislación correspondente e os estándares de seguranza establecidos no sector.
1 Como recompilamos e usamos a súa información persoal
Fornecerémoslle as funcionalidades descritas abaixo a través de Medición con RA HUAWEI. Para cumprir as nosas obrigas contractuais e garantir que poida usar ditas funcionalidades, procesaremos a información requirida para fornecelas tal e como se describe a seguir cando as use. Se non fornece a información relacionada, o seu uso das funcionalidades desta aplicación verase afectado.
Medición de obxectos e persoas
Para medir a lonxitude, a área e o volume dun obxecto, así como a altura das persoas, a frecuencia cardíaca e a frecuencia respiratoria (a funcionalidade dispoñible pode variar en función do modelo de dispositivo), precisamos procesar localmente a emisión de previsualización da súa cámara, información do acelerómetro, información do xiroscopio, información do sensor de gravidade, información do magnetómetro, información do sensor de orientación da pantalla, propiedades do sistema e modelo de dispositivo. Se usa Medición con RA para facer e gardar capturas de pantalla das medicións, procesaremos e almacenaremos localmente as capturas.
Ademais, Medición con RA HUAWEI permítelle compartir os seus datos de medición de obxectos (o que inclúe a lonxitude, a área e o volume) con aplicación de terceiros. Os datos non se ligarán con persoas. Antes de iniciar Medición con RA HUAWEI desde un software de medición de terceiros, consulte a política de privacidade do terceiro.
2 Permisos necesarios
Cámara: requirimos este permiso para identificar obxectos e corpos humanos do mundo real, usando algoritmos de RA a través da emisión de previsualización da cámara cando vostede usa os servizos de medición desta aplicación. Se non concede este permiso, non poderá usar a funcionalidade de medición desta aplicación.
Almacenamento (ou multimedia e ficheiros): requirimos este permiso para facer e gardar capturas de pantalla das medicións cando vostede toca o botón para gardar un resultado de medición. Se non precisa este servizo, pode revogalo en calquera momento. O seu uso doutros servizos non se verá afectado.
Pode xestionar os permisos para esta aplicación na Configuración do sistema.
3 Contactar connosco
Contamos cun departamento e especialistas encargados da protección da información persoal. Pode contactar connosco na páxina de Preguntas sobre privacidade. Responderemos o antes posible.
Se non lle satisfai a nosa resposta, e en especial se considera que o noso procesamento ou manipulación da súa información persoal infrinxe ou prexudica os seus intereses ou dereitos legais, pode pedir unha resolución externa presentando unha demanda no tribunal popular da xurisdición que corresponda, presentándolle unha queixa á asociación autorreguladora do sector ou aos organismos reguladores do goberno pertinentes, ou por outro medio. Tamén pode consultar con nós cales son as canles dispoñibles para expresar a súa queixa.
A nosa política de privacidade goberna a recompilación e o uso por parte de Huawei da súa información persoal. Para obter máis información, consulte a Declaración de privacidade de Huawei Consumer Business.