ຂໍ້ຕົກລົງຜູ້ໃຊ້ເຄື່ອງວັດແທກ HUAWEI AR
ອັບເດດຫຼ້າສຸດ: 22 ກັນຍາ 2021
1 ກ່ຽວກັບພວກເຮົາ
ຂໍ້ກຳນົດຕໍ່ໄປນີ້ຖືເປັນຂໍ້ຕົກລົງທີ່ມີຜົນຜູກພັນທາງກົດໝາຍລະຫວ່າງທ່ານ ແລະ Huawei Device Co., Ltd. (ເຊິ່ງຕໍ່ໄປນີ້ເອີ້ນວ່າ "Huawei"). ກະລຸນາອ່ານຂໍ້ຕົກລົງຜູ້ໃຊ້ເຄື່ອງວັດແທກ HUAWEI AR ແລະ ນະໂຍບາຍອື່ນໆທີ່ກ່ຽວຂ້ອງກັບການບໍລິການຢ່າງລະອຽດ (ເຊິ່ງຕໍ່ໄປນີ້ເອີ້ນວ່າ "ຂໍ້ຕົກລົງ" ສະບັບນີ້), ເພື່ອຮັບປະກັນວ່າ ທ່ານເຂົ້າໃຈຂໍ້ກຳນົດຂອງຂໍ້ຕົກລົງສະບັບນີ້ຢ່າງຄົບຖ້ວນ. ຂໍ້ຕົກລົງສະບັບນີ້ກຳນົດຄວາມຮັບຜິດຊອບ ແລະ ສິດທິຕາມກົດໝາຍຂອງທ່ານກ່ຽວກັບການໃຊ້ການບໍລິການເຄື່ອງວັດແທກ HUAWEI AR ຂອງທ່ານ (ເຊິ່ງຕໍ່ໄປນີ້ເອີ້ນວ່າ "ການບໍລິການ"). ໃນຂໍ້ຕົກລົງສະບັບນີ້, “ທ່ານ” ໝາຍເຖິງບຸກຄົນໃດໜຶ່ງທີ່ໃຊ້ ແລະ ເຂົ້າເຖິງການບໍລິການ. ໂດຍການສຳຜັດ ເຫັນດີ ເພື່ອເຫັນດີກັບຂໍ້ຕົກລົງສະບັບນີ້ ແລະ ການເຂົ້າສູ່ລະບົບແອັບນີ້, ທ່ານສະແດງໃຫ້ເຫັນວ່າທ່ານໄດ້ອ່ານ ແລະ ຍອມຮັບຂໍ້ກຳນົດທັງໝົດຂອງຂໍ້ຕົກລົງສະບັບນີ້ຄົບຖ້ວນແລ້ວ. ຖ້າທ່ານບໍ່ເຫັນດີກັບເນື້ອໃນໃດໜຶ່ງຂອງຂໍ້ຕົກລົງສະບັບນີ້, ທ່ານມີສິດຢຸດໃຊ້ການບໍລິການທັນທີ.
2 ຂໍ້ກຳນົດກ່ຽວກັບການໃຊ້ບໍລິການ
ຖ້າທ່ານເປັນເດັກນ້ອຍ, ທ່ານຈຳເປັນຈະຕ້ອງໄດ້ອ່ານຂໍ້ຕົກລົງສະບັບນີ້ກັບພໍ່ແມ່ ຫຼື ຜູ້ປົກຄອງຕາມກົດໝາຍຂອງທ່ານ ເພື່ອຮັບປະກັນວ່າພວກເຂົາເຂົ້າໃຈເນື້ອໃນຂອງຂໍ້ຕົກລົງສະບັບນີ້ຢ່າງຈະແຈ້ງ, ກ່ອນຈະຕັດສິນໃຈໃຊ້ການບໍລິການ. ກ່ອນຮັບເອົາຄຳຍິນຍອມຈາກພໍ່ແມ່ ຫຼື ຜູ້ປົກຄອງຕາມກົດໝາຍຂອງທ່ານ, ກະລຸນາຢ່າໃຊ້ການບໍລິການ. ນອກຈາກນີ້, ພວກເຮົາແນະນຳພໍ່ແມ່ ຫຼື ຜູ້ປົກຄອງຕາມກົດໝາຍໃຫ້ດູແລ ແລະ ໃຫ້ຄຳແນະນຳຢ່າງເໝາະສົມກ່ຽວກັບການໃຊ້ອິນເຕີເນັດ, ໂທລະສັບ ແລະ ອຸປະກອນອື່ນໆຂອງລູກຕົນ.
3 ການເຂົ້າເຖິງການບໍລິການ
ພວກເຮົາໃຫ້ການອະນຸຍາດແກ່ທ່ານແບບມີຂີດຈຳກັດ, ບໍ່ສະເພາະ, ບໍ່ສາມາດໂອນໄດ້, ບໍ່ສາມາດໃຫ້ການອະນຸຍາດຕໍ່ ແລະ ສາມາດລົບລ້າງໄດ້ ເພື່ອເຂົ້າເຖິງ ແລະ ໃຊ້ການບໍລິການ, ໂດຍຂຶ້ນກັບ ແລະ ປະຕິບັດຕາມຂໍ້ຕົກລົງສະບັບນີ້.
4 ເນື້ອໃນຂອງການບໍລິການ
ການບໍລິການສະໜອງການບໍລິການເຄື່ອງວັດແທກ HUAWEI AR ໃຫ້ແກ່ທ່ານ, ເຊິ່ງສ່ວນໃຫຍ່ປະກອບດ້ວຍຄຸນສົມບັດຕໍ່ໄປນີ້:
(1) ການວັດແທກວັດຖຸ
ເພື່ອໃຊ້ຄຸນສົມບັດການວັດແທກວັດຖຸ, ທ່ານຈຳເປັນຕ້ອງໄດ້ເລືອກ ວັດຖຸ ແລະ ເຮັດການດຳເນີນການຕາມທີ່ໄດ້ຮັບແຈ້ງເພື່ອວັດແທກຄວາມຍາວ, ເນື້ອທີ່ ແລະ ບໍລິມາດຂອງວັດຖຸ.
(2) ການວັດແທກຮ່າງກາຍມະນຸດ
ເພື່ອໃຊ້ຄຸນສົມບັດການວັດແທກຮ່າງກາຍມະນຸດ, ທ່ານຈຳເປັນຕ້ອງໄດ້ເລືອກ ຜູ້ຄົນ ແລະ ເຮັດການດຳເນີນການຕາມທີ່ໄດ້ຮັບແຈ້ງເພື່ອວັດແທກຄວາມສູງ, ອັດຕາຫົວໃຈ ແລະ ອັດຕາຫາຍໃຈ (ມີໃຫ້ໃນອຸປະກອນບາງລຸ້ນເທົ່ານັ້ນ).
5 ຂໍ້ກຳນົດການນຳໃຊ້
ທ່ານເຫັນດີໃນການໃຊ້ການບໍລິການຢ່າງຖືກຕ້ອງ, ຍອມຮັບຂໍ້ຕົກລົງສະບັບນີ້ ແລະ ຈະປະຕິບັດຕາມກົດໝາຍ ແລະ ຂໍ້ບັງຄັບໃດໜຶ່ງທີ່ມີຜົນບັງຄັບໃຊ້. ໂດຍການເຂົ້າເຖິງ ແລະ ການໃຊ້ການບໍລິການ, ສະແດງວ່າທ່ານຍອມຮັບ ແລະ ເຫັນດີເຮັດແບບນັ້ນໃນລັກສະນະທີ່ຖືກຕ້ອງຕາມກົດໝາຍ ແລະ ມີຈາລິຍະທຳ ແລະ ອີງຕາມຂໍ້ຕົກລົງສະບັບນີ້. ທ່ານຈະບໍ່ໃຊ້ການບໍລິການເພື່ອສົ່ງເນື້ອໃນ ຫຼື ການມີສ່ວນຮ່ວມໃນກິດຈະກຳໃດໜຶ່ງທີ່:
(a) ອັບໂຫຼດ, ດາວໂຫຼດ, ຈັດເກັບ, ເຮັດຊ້ຳ, ເຜີຍແຜ່, ສົ່ງ, ສົ່ງທາງອີເມວ ຫຼື ຈັດຫາເນື້ອໃນທີ່ຫ້າມຕາມກົດໝາຍ, ຂໍ້ບັງຄັບ ແລະ ນະໂຍບາຍຕ່າງໆ;
(b) ລະເມີດຫຼັກເກນພື້ນຖານຂອງລັດຖະທໍາມະນູນ;
(c) ເປັນອັນຕະລາຍຕໍ່ຄວາມໝັ້ນຄົງຂອງຊາດ, ເປີດເຜີຍຄວາມລັບຂອງລັດ, ລົ້ມລ້າງອຳນາດລັດ ຫຼື ທຳລາຍຄວາມສາມັກຄີຂອງຊາດ;
(d) ເຮັດໃຫ້ເສຍກຽດ ແລະ ຜົນປະໂຫຍດຂອງຊາດ;
(e) ເຮັດໃຫ້ເກີດຄວາມກຽດຊັງຕໍ່ກັບຊົນເຜົ່າ ຫຼື ການເລືອກປະຕິບັດ ຫຼື ທຳລາຍຄວາມສາມັກຄີຂອງຊົນເຜົ່າ;
(f) ທຳລາຍນະໂຍບາຍທາງສາສະໜາຂອງປະເທດ ຫຼື ເຜີຍແຜ່ລັດທິສາສະໜາທີ່ຊົ່ວຮ້າຍ ຫຼື ອຸດົມການສັກດີນາ ແລະ ຄວາມເຊື່ອງົມງວາຍ;
(g) ີ່ແຜ່ກະຈາຍຂ່າວລື, ລົບກວນການຈັດລະບຽບທາງສັງຄົມ ຫຼື ທຳລາຍຄວາມໝັ້ນຄົງທາງສັງຄົມ;
(h) ເຜີຍແຜ່ ຫຼື ອະທິບາຍເນື້ອໃນທີ່ກ່ຽວຂ້ອງກັບຄວາມລາມົກອານາຈານ, ຮູບພາບລາມົກ, ການພະນັນ, ຄວາມຮຸນແຮງ, ການຄາດຕະກຳ, ຄວາມຢ້ານກົວ ຫຼື ການກໍ່ອາຊະຍາກຳ;
(i) ການດູຖູກ, ການທຳລາຍຊື່ສຽງ ຫຼື ການລະເມີດສິດທິຕາມກົດໝາຍ ແລະ ຜົນປະໂຫຍດຂອງຄົນບຸກອື່ນໆ;
(j) ເປັນອັນຕະລາຍຕໍ່ສິນທຳທາງສັງຄົມ ຫຼື ຄວາມເປັນເລີດຂອງປະເພນີວັດທະນະທຳຂອງຊາດ;
(k) ລະເມີດສິດທິບັດ, ລິຂະສິດ, ສິດທິໃນເຄື່ອງໝາຍການຄ້າ, ສິດທິໃນຊື່ສຽງ ຫຼື ສິດທິ ແລະ ຜົນປະໂຫຍດທີ່ຖືກຕ້ອງຕາມກົດໝາຍອື່ນໆ; ຫຼື
(l) ຫຼືວ່າຖືກຫ້າມໂດຍກົດໝາຍ ຫຼື ລະບຽບການບໍລິຫານຕ່າງໆ.
ໂດຍເອກະສານສະບັບນີ້ ທ່ານຄ້ຳປະກັນ ແລະ ສັນຍາວ່າ:
(a) ຈະບໍ່ຜະລິດຊ້ຳ, ເຮັດການປັບປ່ຽນ ຫຼື ແກ້ໄຂ ເນື້ອໃນທັງໝົດ ຫຼື ບາງສ່ວນຂອງການບໍລິການ ຫຼື ສ່ວນໃດສ່ວນໜຶ່ງຂອງພວກມັນທີ່ຈະນຳມາຮ່ວມກັນ ຫຼື ລວມເຂົ້າໄວ້ໃນໂປຣແກຣມອື່ນໆໃດໜຶ່ງ;
(b) ຈະບໍ່ຮັບເອົາ ຫຼື ພະຍາຍາມທີ່ຈະເຂົ້າເຖິງ ແບບບໍ່ໄດ້ຮັບອະນຸຍາດ ຫຼື ທຳລາຍສ່ວນໃດໜຶ່ງຂອງການບໍລິການ ຫຼື ລະບົບ ຫຼື ເຄືອຂ່າຍທີ່ກ່ຽວຂ້ອງຂອງພວກມັນ;
(c) ຈະບໍ່ຖອດ, ແປງລະຫັດ, ວິສະວະກຳຍ້ອນກັບ ຫຼື ສ້າງຜົນງານເຊິ່ງມີຮູບແບບຈາກທັງໝົດ ຫຼື ບາງສ່ວນຂອງການບໍລິການ ຫຼື ພະຍາຍາມທີ່ຈະເຮັດເຊັ່ນນັ້ນເກີນກວ່າຂອບເຂດທີ່ໄດ້ຮັບອະນຸຍາດຕາມກົດໝາຍບັງຄັບໃຊ້;
(d) ຈະບໍ່ແຈກຢາຍ, ໃຫ້ອະນຸຍາດ, ໃຫ້ເຊົ່າ, ຂາຍ, ຂາຍຕໍ່, ໂອນ, ສະແດງຕໍ່ສາທາລະນະ, ເຜີຍແຜ່ຕໍ່ສາທາລະນະ, ສົ່ງຕໍ່, ຖ່າຍຖອດ, ອອກອາກາດ ຫຼື ໃຊ້ການບໍລິການໃຫ້ເກີດປະໂຫຍດອື່ນໆ;
(e) ຈະບໍ່ໃຫ້ ຫຼື ເຮັດໃຫ້ການບໍລິການທັງໝົດ ຫຼື ບາງສ່ວນ (ລວມທັງວັດຖຸ ແລະ ລະຫັດແຫຼ່ງທີ່ມາ) ມີໃຫ້ໃນຮູບແບບໃດໜຶ່ງແກ່ບຸກຄົນໃດໜຶ່ງໂດຍບໍ່ຮັບການຍິນຍອມທີ່ເປັນລາຍລັກອັກສອນຈາກພວກເຮົາກ່ອນ;
(f) ຈະບໍ່ປອມຕົວເປັນບຸກຄົນໃດໜຶ່ງ ຫຼື ແອບແຝງ ຫຼື ບິດເບືອນຄວາມຈິງທີ່ກ່ຽວຂ້ອງຂອງທ່ານກັບບຸກຄົນ ຫຼື ນິຕິບຸກຄົນ;
(g) ຈະບໍ່ໃຊ້ການບໍລິການ (ຫຼື ສ່ວນໃດໜຶ່ງຂອງການບໍລິການ) ໃນລັກສະນະຜິດກົດໝາຍ, ສຳລັບຈຸດປະສົງໃດໜຶ່ງທີ່ຜິດກົດໝາຍ ຫຼື ໃນລັກສະນະທີ່ບໍ່ສອດຄ່ອງກັບຂໍ້ຕົກລົງສະບັບນີ້ ຫຼື ການກະທຳແບບສໍ້ໂກງ ຫຼື ແບບມີເຈດຕະນາຮ້າຍ, ລວມເຖິງ ແຕ່ບໍ່ໄດ້ຈຳກັດສະເພາະ ໂດຍການແຮັກເຂົ້າໄປ ຫຼື ແຊກລະຫັດທີ່ເປັນອັນຕະລາຍ, ລວມເຖິງໄວຣັສ ຫຼື ຂໍ້ມູນທີ່ເປັນອັນຕະລາຍລົງໃນການບໍລິການ (ຫຼື ເຂົ້າໄປໃນເວັບໄຊທີ່ເຊື່ອມໂຍງກັບການບໍລິການ) ຫຼື ລະບົບປະຕິບັດການໃດໜຶ່ງ;
(h) ຈະບໍ່ລະເມີດສິດທິດ້ານຊັບສິນທາງປັນຍາຂອງ Huawei ຫຼື ຂອງພາກສ່ວນທີສາມໃດໜຶ່ງກ່ຽວກັບການເຂົ້າເຖິງ ແລະ/ຫຼື ການໃຊ້ການບໍລິການຂອງທ່ານ;
(i) ຈະບໍ່ເກັບເອົາຂໍ້ມູນຂອງຜູ້ໃຊ້ ຫຼື ເຂົ້າເຖິງການບໍລິການ ຫຼື ລະບົບຂອງພວກເຮົາ, ໂດຍໃຊ້ວິທີອັດຕະໂນມັດ ຫຼື ພະຍາຍາມທີ່ຈະຖອດລະຫັດການສົ່ງຜ່ານຂໍ້ມູນໄປທີ່ ຫຼື ຈາກເຊີບເວີທີ່ເປີດໃຊ້ການບໍລິການຢູ່;
(j) ຈະບໍ່ພັດທະນາ, ສະໜັບສະໜູນ ຫຼື ໃຊ້ຊອບແວ, ອຸປະກອນ, ສະຄຣິບ ຫຼື ວິທີການ ຫຼື ຂະບວນການອື່ນໆໃດໜຶ່ງ (ລວມທັງໂປຣແກຣມລວບລວມຂໍ້ມູນ, ປລັກອິນ ແລະ ໂປຣແກຣມເສີມບຣາວເຊີ ຫຼື ເຕັກໂນໂລຊີອື່ນໆໃດໜຶ່ງ ຫຼື ການໃຊ້ງານດ້ວຍຕົນເອງ) ເພື່ອຂູດຂໍ້ມູນຈາກການບໍລິການ ຫຼື ອີກຢ່າງໜຶ່ງ ອັດສຳເນົາໂປຣໄຟລ໌ ແລະ ຂໍ້ມູນອື່ນໆຈາກການບໍລິການ;
(k) ຈະບໍ່ໃຊ້ປະໂຫຍດການບໍລິການໃນທາງການຄ້າ ໂດຍບໍ່ມີການຍິນຍອມເປັນລາຍລັກອັກສອນລ່ວງໜ້າຈາກພວກເຮົາ;
(l) ຈະບໍ່ໃຊ້ການບໍລິການເພື່ອດຶງດູດການດຳເນີນການທາງທຸລະກິດໃດໜຶ່ງທີ່ຜິດກົດໝາຍ ເຊັ່ນ ການຄ້າຂາຍອາວຸດ, ຢາເສບຕິດ, ສານຕ້ອງຫ້າມ, ຊອບແວທີ່ລະເມີດລິຂະສິດ ຫຼື ສິ່ງຕ້ອງຫ້າມອື່ນໆ;
(m) ຈະບໍ່ໃຫ້ຂໍ້ມູນການພະນັນ ຫຼື ສົ່ງເສີມໃຫ້ຜູ້ອື່ນຫຼິ້ນການພະນັນຜ່ານວິທີການໃດໜຶ່ງ;
(n) ຈະບໍ່ຂໍຂໍ້ມູນການເຂົ້າສູ່ລະບົບ ຫຼື ເຂົ້າເຖິງບັນຊີທີ່ເປັນຂອງບຸກຄົນອື່ນ;
(o) ຈະບໍ່ມີສ່ວນຮ່ວມໃນການຟອກເງິນ, ການເບີກເງິນລ່ວງໜ້າທີ່ຜິດກົດໝາຍ ຫຼື ໂຄງການແຊລູກໂສ້ໂດຍໃຊ້ປະໂຫຍດຈາກການບໍລິການ;
(p) ຈະບໍ່ພະຍາຍາມ, ອຳນວຍຄວາມສະດວກ ຫຼື ສົ່ງເສີມໃຫ້ມີການລະເມີດຂໍ້ຕົກລົງສະບັບນີ້ (ຫຼືສ່ວນໃດສ່ວນໜຶ່ງຂອງມັນ); ແລະ
(q) ຈະບໍ່ໃຊ້ການບໍລິການໃນລັກສະນະໃດໜຶ່ງທີ່ອາດຈະສ້າງຄວາມເສຍຫາຍ, ປິດໃຊ້ງານ, ເຮັດໃຫ້ມີພາລະໜັກເກີນໄປ, ເຮັດໃຫ້ເສຍຫາຍ ຫຼື ເປັນອັນຕະລາຍຕໍ່ການບໍລິການ, ລະບົບ ຫຼື ຄວາມປອດໄພຂອງພວກເຮົາ ຫຼື ເຂົ້າໄປຫຍຸ້ງກ່ຽວກັບຜູ້ໃຊ້ອື່ນໆ ຫຼື ລະບົບຄອມພິວເຕີຂອງຝ່າຍອື່ນໆໃດໜຶ່ງ ຫຼື ແຮັກ ຫຼື ໄດ້ຮັບການເຂົ້າເຖິງການບໍລິການ ຫຼື ເນື້ອໃນຂອງ Huawei (ທີ່ກຳນົດໄວ້ຂ້າງລຸ່ມ) ຫຼື ຂໍ້ມູນທີ່ບໍ່ໄດ້ຮັບອະນຸຍາດ.
6 ເນື້ອໃນຂອງ Huawei
Huawei ແລະ/ຫຼື ຜູ້ໃຫ້ອະນຸຍາດຕົ້ນທາງຂອງຕົນ, ມີສິດ, ກຳມະສິດ ແລະ ສິດຜົນປະໂຫຍດທັງໝົດໃນ ແລະ ຕໍ່ກັບຂໍ້ມູນໃນຮູບແບບໃດໜຶ່ງ ລວມເຖິງ ແຕ່ບໍ່ໄດ້ຈຳກັດສະເພາະ ຂໍ້ຄວາມ, ວິດີໂອ ແລະ ສຽງ, ຮູບພາບ, ໄອຄອນ, ແອັບ, ການອອກແບບ, ຊອບແວ, ສະຄຣິບ, ໂປຣແກຣມ, ລິຂະສິດ, ເຄື່ອງໝາຍການຄ້າ, ຊື່ການຄ້າ, ໂລໂກ້ ແລະ ເນື້ອໃນອື່ນໆ ແລະ ການບໍລິການທີ່ມີຢູ່ໃນ ຫຼື ຜ່ານການບໍລິການ, ລວມທັງຮູບລັກສະນະ ແລະ ຄວາມຮູ້ສຶກຂອງພວກມັນ (ເຊິ່ງເອີ້ນລວມກັນວ່າ “ເນື້ອໃນຂອງ Huawei”). ການເຂົ້າເຖິງ ແລະ/ຫຼື ການໃຊ້ການບໍລິການໃດໆກໍຕາມຂອງທ່ານຈະບໍ່ໂອນກຳມະສິດ ຫຼື ສິດທິອື່ນໆໃນ ຫຼື ຕໍ່ກັບການບໍລິການ ຫຼື ເນື້ອໃນຂອງພວກມັນໃຫ້ແກ່ທ່ານ ຫຼື ບຸກຄົນອື່ນ, ເວັ້ນເສຍແຕ່ມີການກຳນົດໄວ້ເປັນຢ່າງອື່ນໃນຂໍ້ຕົກລົງສະບັບນີ້.
ທ່ານອາດຈະບໍ່ສາມາດເຮັດການປ່ຽນແປງ, ອັດສຳເນົາ, ການແຍກອອກ, ການແກ້ໄຂ ຫຼື ການເພີ່ມຕື່ມໃສ່ເນື້ອໃນຂອງ Huawei ຫຼື ຂາຍ, ອັດສຳເນົາ, ເຜີຍແຜ່, ອະນຸຍາດ ຫຼື ໃຊ້ເນື້ອໃນຂອງ Huawei ໃນທາງໃດໜຶ່ງທີ່ຜິດ. ຖ້າທ່ານຕ້ອງການທີ່ຈະຈັດພິມຄືນໃໝ່, ແຍກອອກ, ເຮັດຊ້ຳ, ເຜີຍແຜ່ ຫຼື ໃຊ້ເນື້ອໃນໃດໜຶ່ງຂອງ Huawei, ທ່ານຈະຕ້ອງຕິດຕໍ່ Huawei ລ່ວງໜ້າ ແລະ ໄດ້ຮັບການຍິນຍອມເປັນລາຍລັກອັກສອນຈາກ Huawei ກ່ອນ ຍົກເວັ້ນໃນກໍລະນີທີ່ໄດ້ລະບຸໄວ້ຢ່າງຊັດເຈນໃນຂໍ້ຕົກລົງສະບັບນີ້. ອັນນີ້ຈະບໍ່ກະທົບຕໍ່ສິດທິໃດໆທີ່ທ່ານອາດຈະມີພາຍໃຕ້ກົດໝາຍບັງຄັບໃຊ້ທີ່ຈະຕ້ອງໄດ້ປະຕິບັດຕາມ.
ຖ້າທ່ານເຊື່ອວ່າ ການບໍລິການ ຫຼື ສ່ວນໃດໜຶ່ງຂອງການບໍລິການນັ້ນລະເມີດລິຂະສິດ, ເຄື່ອງໝາຍການຄ້າ, ສິດທິບັດ, ຄວາມລັບທາງການຄ້າ ຫຼື ສິດທິດ້ານຊັບສິນທາງປັນຍາອື່ນໆໃດໜຶ່ງ ຫຼື ຖ້າວ່າທ່ານມີຄວາມກັງວົນໃຈອື່ນໆກ່ຽວກັບການບໍລິການ, ກະລຸນາແຈ້ງໃຫ້ພວກເຮົາຮູ້ ໂດຍໃຊ້ຂໍ້ມູນຕິດຕໍ່ທີ່ໃຫ້ໄວ້ໃນຂໍ້ "ການຕິດຕໍ່ພວກເຮົາ".
7 ເນື້ອໃນຂອງທ່ານ
ເນື້ອໃນຂອງຜູ້ໃຊ້ໝາຍເຖິງຂໍ້ມູນ, ເນື້ອໃນ ແລະ ເອກະສານອື່ນໆທີ່ປະກອບຂຶ້ນໂດຍຜູ້ໃຊ້ຜ່ານການໃຊ້ບໍລິການ, ເຊັ່ນ ກຣາຟິກ, ຂໍ້ຄວາມ, ຮູບ,ສຽງ, ວິດີໂອ, ຊອບແວ ແລະ ໄຟລ໌ຂໍ້ມູນ. ທ່ານຈະຕ້ອງຮັບຜິດຊອບທັງໝົດຕໍ່ກັບເນື້ອໃນຂອງຜູ້ໃຊ້ທີ່ອັບໂຫຼດ, ດາວໂຫຼດ, ປ່ອຍອອກ, ສົ່ງຜ່ານທາງອີເມວ, ສົ່ງ ຫຼື ຈັດເກັບໄວ້ໂດຍທ່ານ ຫຼື ໃນຊື່ບັນຊີຂອງທ່ານ. ເນື່ອງຈາກ Huawei ບໍ່ໄດ້ຄວບຄຸມ ຫຼື ເຂົ້າເຖິງເນື້ອໃນຂອງຜູ້ໃຊ້, Huawei ບໍ່ຮັບປະກັນເຖິງຄວາມຖືກຕ້ອງ, ຄວາມສົມບູນ ຫຼື ຄວາມເໝາະສົມຂອງເນື້ອໃນຜູ້ໃຊ້ໃດໜຶ່ງ. ທ່ານເຫັນດີວ່າ ທ່ານຈະຮັບຜິດຊອບຕໍ່ຄວາມສ່ຽງທີ່ເກີດຂຶ້ນຈາກການໃຊ້ເນື້ອໃນຂອງຜູ້ໃຊ້ຂອງຜູ້ໃຊ້ການບໍລິການອື່ນໆແຕ່ພຽງຜູ້ດຽວ. Huawei ຈະບໍ່ຮັບຜິດຊອບໃດໆຕໍ່ເນື້ອໃນໃດໜຶ່ງຂອງຜູ້ໃຊ້ທີ່ທ່ານພິຈາລະນາວ່າຫຍາບຄາຍ, ເປັນຕາລັງກຽດ, ລາມົກ ຫຼື ບໍ່ເໝາະສົມ.
8 ການຕິດຕາມການບໍລິການ
ໂດຍອີງຕາມກົດໝາຍ ແລະ ກົດລະບຽບທີ່ບັງຄັບໃຊ້ ທ່ານຮັບຮູ້ວ່າ ພວກເຮົາອາດຈະໃຊ້ມາດຕະການດັ່ງກ່າວໄດ້ທຸກເວລາຕາມການຕັດສິນໃຈແຕ່ພຽງຜູ້ດຽວຂອງພວກເຮົາ ແລະ ໂດຍບໍ່ຕ້ອງແຈ້ງເຕືອນທ່ານ ຕາມທີ່ພວກເຮົາຕັດສິນໃຈວ່າມີຄວາມຈຳເປັນສຳລັບຈຸດປະສົງໃນການດຳເນີນການ ແລະ ການປັບປຸງການບໍລິການ (ລວມທັງ ໂດຍບໍ່ມີການຈຳກັດສຳລັບຈຸດປະສົງດ້ານການປ້ອງກັນການສໍ້ໂກງ, ການປະເມີນຄວາມສ່ຽງ, ການສືບສວນ ແລະ ການສະໜັບສະໜູນລູກຄ້າ), ເຊິ່ງຮັບປະກັນການປະຕິບັດຕາມຂໍ້ຕົກລົງສະບັບນີ້ຂອງທ່ານ, ກົດໝາຍທີ່ບັງຄັບໃຊ້, ຄຳສັ່ງ ຫຼື ຄຳແນະນຳຂອງສານໃດໜຶ່ງ ຫຼື ຄຳສັ່ງໃຫ້ຍິນຍອມເຫັນດີ, ໜ່ວຍງານບໍລິຫານ ຫຼື ໜ່ວຍງານຂອງລັດຖະບານອື່ນໆ. ພວກເຮົາຂໍສະຫງວນສິດໃນການຕັດສິນໃຈຕະຫຼອດເວລາວ່າເນື້ອໃນຂອງທ່ານມີຄວາມເໝາະສົມ ແລະ ສອດຄ່ອງກັບຂໍ້ຕົກລົງສະບັບນີ້ຫຼືບໍ່ ແລະ ອາດຈະຄັດເລືອກເບິ່ງກ່ອນ, ຍ້າຍ, ປະຕິເສດ, ແກ້ໄຂ ແລະ/ຫຼື ເອົາເນື້ອໃນຂອງທ່ານອອກໄດ້ຕະຫຼອດເວລາ, ໂດຍບໍ່ຕ້ອງແຈ້ງເຕືອນລ່ວງໜ້າ ແລະ ຢູ່ໃນດຸຸນພິນິດຂອງພວກເຮົາ ຖ້າພົບວ່າເນື້ອໃນຂອງທ່ານມີການລະເມີດຂໍ້ຕົກລົງສະບັບນີ້ ຫຼື ລະເມີດກົດລະບຽບສາທາລະນະ ແລະ ປະເພນີທາງສັງຄົມ.
9 ຄວາມເປັນສ່ວນຕົວ ແລະ ການເກັບເອົາຂໍ້ມູນ
ເພື່ອສະໜອງການບໍລິການທີ່ດີຂຶ້ນແກ່ທ່ານ, Huawei ຈະເກັບເອົາ ແລະ ປະມວນຜົນຂໍ້ມູນສ່ວນຕົວຂອງທ່ານດ້ວຍຄຳຍິນຍອມທີ່ແຈ້ງໃຫ້ຊາບຂອງທ່ານຕາມກົດໝາຍ ແລະ ຂໍ້ບັງຄັບທີ່ບັງຄັບໃຊ້.
10 ການປະຕິເສດຄວາມຮັບຜິດຊອບ
ການບໍລິການນີ້ແມ່ນສຳລັບໃຫ້ທ່ານໃຊ້ແຕ່ພຽງຜູ້ດຽວເທົ່ານັ້ນ ແລະ ຈະຕ້ອງບໍ່ໃຫ້ພາກສ່ວນທີສາມໃຊ້. ທ່ານເຫັນດີວ່າ Huawei ແລະ ບໍລິສັດໃນເຄືອ, ພະນັກງານ, ຜູ້ອຳນວຍການ, ລູກຈ້າງ, ຜູ້ຮັບເໝົາ, ຕົວແທນ, ຜູ້ໃຫ້ບໍລິການການຊຳລະເງິນພາກສ່ວນທີສາມ, ຫຸ້ນສ່ວນ, ຜູ້ອອກໃບອະນຸຍາດ ແລະ ຕົວແທນຈຳໜ່າຍອື່ນໆຂອງຕົນ (ເຊິ່ງລວມກັນເອີ້ນວ່າ “ຝ່າຍ Huawei”) ບໍ່ຮັບຜິດຊອບຕໍ່ກັບການສູນເສຍໃດໆກໍຕາມທີ່ເກີດຈາກການໃຊ້ການບໍລິການໃດໜຶ່ງທີ່ບໍ່ໄດ້ຮັບອະນຸຍາດ.
ການໃຊ້ບໍລິການຂອງທ່ານອາດຈະຖືກຂັດຈັງຫວະ, ຊັກຊ້າ ຫຼື ຢຸດສະງັກເປັນໄລຍະເວລາທີ່ບໍ່ຮູ້ຈັກດ້ວຍເຫດຜົນທີ່ຢູ່ນອກເໜືອການຄວບຄຸມຂອງພວກເຮົາ. ທ່ານເຫັນດີວ່າ ບັນດາຝ່າຍຂອງ Huawei ຈະບໍ່ຮັບຜິດຊອບຕໍ່ຂໍ້ຮຽກຮ້ອງໃດໆທີ່ເກີດຂຶ້ນຈາກ ຫຼື ກ່ຽວຂ້ອງກັບການຂັດຈັງຫວະ, ການຊັກຊ້າ, ການຢຸດສະງັກ ຫຼື ຄວາມຜິດພາດທີ່ຄ້າຍຄືກັນດັ່ງກ່າວ.
ໃນຂອບເຂດສູງສຸດທີ່ກົດໝາຍທີ່ບັງຄັບໃຊ້ອະນຸຍາດໃຫ້, ບັນດາຝ່າຍ Huawei ຈະບໍ່ຮັບຜິດຊອບຕໍ່ທ່ານ ຫຼື ຕໍ່ບຸກຄົນອື່ນໃດໜຶ່ງສຳລັບຄວາມເສຍຫາຍໃດໜຶ່ງ ຖ້າທ່ານ ຫຼື ບຸກຄົນອື່ນໃດໜຶ່ງບໍ່ສາມາດເຂົ້າເຖິງ ຫຼື ໃຊ້ການບໍລິການໄດ້ ເນື່ອງຈາກ:
(a) ການໂຈະ ຫຼື ການຍຸຕິການໃຫ້ບໍລິການໃດໜຶ່ງໂດຍ Huawei ເພື່ອເປີດໃຊ້ງານວຽກການບຳລຸງຮັກສາ ຫຼື ການອັບເດດລະບົບ, ຊອບແວ ຫຼື ຮາດແວທີ່ຈະຖືກດຳເນີນການ;
(b) ຄວາມຊັກຊ້າ ຫຼື ຄວາມບໍ່ສຳເລັດໃດໜຶ່ງໃນການສື່ສານຂອງລະບົບ ຫຼື ເຄືອຂ່າຍທີ່ເປັນເຈົ້າຂອງ ຫຼື ຄວບຄຸມໂດຍບຸກຄົນອື່ນໆນອກເໜືອຈາກ Huawei;
(c) ທຸກການໂຈະ, ການຍົກເລີກ ຫຼື ການຍຸຕິຂອງສັນຍາ ຫຼື ຂໍ້ຕົກລົງໃດໜຶ່ງລະຫວ່າງ Huawei ແລະ ຜູ້ໃຫ້ບໍລິການການຊຳລະເງິນພາກສ່ວນທີສາມຂອງຕົນ;
(d) ຂໍ້ຜິດພາດ ຫຼື ການຂັດຈັງຫວະໃດໜຶ່ງ ເນື່ອງມາຈາກຄວາມພະຍາຍາມໃນການແຮັກ ຫຼື ການລະເມີດຄວາມປອດໄພທີ່ຄ້າຍຄືກັນ; ຫຼື
(e) ເຫດການ ຫຼື ສິ່ງທີ່ເກີດຂຶ້ນອື່ນໆໃດໜຶ່ງທີ່ເກີນການຄວບຄຸມທີ່ສົມເຫດສົມຜົນຂອງ Huawei.
ການບໍລິການຖືກສະໜອງໃຫ້ "ຕາມທີ່ເປັນຢູ່" ແລະ "ຕາມທີ່ມີໃຫ້" ໂດຍບໍ່ມີການຮັບປະກັນ ຫຼື ການຮັບຮອງໃນປະເພດໃດໆ. ໃນຂອບເຂດສູງສຸດທີ່ກົດໝາຍທີ່ບັງຄັບໃຊ້ອະນຸຍາດໃຫ້, ຝ່າຍ Huawei ປະຕິເສດການຮັບປະກັນ, ເງື່ອນໄຂ ຫຼື ຂໍ້ກຳນົດອື່ນໆໃນປະເພດໃດໜຶ່ງທັງໝົດ, ບໍ່ວ່າໂດຍສະແດງອອກ ຫຼື ເປັນໄນ ແລະ ບໍ່ມີການຮັບປະກັນ, ການໃຫ້ຄຳໝັ້ນສັນຍາ, ການຮັບຮອງ ຫຼື ການຄ້ຳປະກັນສຳລັບສິ່ງຕໍ່ໄປນີ້:
(a) ຄວາມຄົບຖ້ວນ, ຄວາມຖືກຕ້ອງ, ຄວາມເຊື່ອຖືໄດ້ ຫຼື ການທັນເວລາຂອງເນື້ອໃນໃດໜຶ່ງທີ່ເຮັດໃຫ້ມີໃນ ຫຼື ຜ່ານການບໍລິການ;
(b) ການບໍລິການ ຫຼື ເຊີບເວີທີ່ເປັນແມ່ຂ່າຍທີ່ປາສະຈາກຂໍ້ບົກຜ່ອງ, ຂໍ້ຜິດພາດ, ໄວຣັສ, ຂໍ້ຕິດຂັດ ຫຼື ອົງປະກອບທີ່ເປັນອັນຕະລາຍອື່ນໆ;
(c) ຂໍ້ບົກຜ່ອງໃດໜຶ່ງໃນການດຳເນີນການ ຫຼື ຟັງຄ໌ຊັນໃຊ້ງານຂອງການບໍລິການຕ່າງໆຈະຖືກແກ້ໄຂໃຫ້ຖືກຕ້ອງ;
(d) ຟັງຄ໌ຊັນສະເພາະຂອງການບໍລິການ, ຄວາມເຊື່ອຖືໄດ້, ຄຸນນະພາບ ຫຼື ຄວາມຖືກຕ້ອງຂອງຂໍ້ມູນໃດໜຶ່ງທີ່ທ່ານໄດ້ຮັບ ອັນເປັນຜົນມາຈາກການໃຊ້ ຫຼື ການເຂົ້າເຖິງການບໍລິການ ສາມາດຄ້ຳປະກັນໄດ້;
(e) ຄວາມປອດໄພ ຫຼື ລັກສະນະທີ່ປະສະຈາກຂໍ້ຜິດພາດຂອງການບໍລິການ; ແລະ
(f) ຄວາມເຊື່ອຖືໄດ້, ຄຸນນະພາບ, ຄວາມຖືກຕ້ອງ, ການມີຢູ່ຂອງການບໍລິການ ຫຼື ຄວາມສາມາດໃນການຕອບສະໜອງຄວາມຕ້ອງການຂອງທ່ານ, ໃຫ້ຜົນຮັບບາງຢ່າງ ຫຼື ບັນລຸຜົນໄດ້ຮັບ ຫຼື ຜົນຮັບບາງຢ່າງ. ຝ່າຍ Huawei ບໍ່ຮັບຜິດຊອບການສູນເສຍ ຫຼື ຄວາມເສຍຫາຍໃດໆຕໍ່ທ່ານທີ່ເກີດຂຶ້ນໃນທັງໝົດ ຫຼື ບາງສ່ວນ ໂດຍທ່ານໂດຍການອາໄສ, ການໃຊ້ ຫຼື ການຕີຄວາມໝາຍການບໍລິການ ຫຼື ຂໍ້ມູນອື່ນໆທີ່ໄດ້ຮັບຜ່ານການເຂົ້າເຖິງ ແລະ/ຫຼື ການໃຊ້ການບໍລິການຂອງທ່ານ (ຫຼື ຂອງບຸກຄົນອື່ນໆ).
ກົດໝາຍຂອງບາງປະເທດບໍ່ອະນຸຍາດໃຫ້ມີການຄ້ຳປະກັນ, ການຮັບປະກັນ ຫຼື ການຮັບຜິດຊອບບາງຢ່າງທີ່ຖືກຍົກເວັ້ນ ຫຼື ຈຳກັດໂດຍສັນຍາ. ຖ້າກົດໝາຍເຫຼົ່ານີ້ບັງຄັບໃຊ້ກັບທ່ານ, ຂໍ້ຍົກເວັ້ນ ຫຼື ຂໍ້ຈຳກັດບາງຢ່າງ ຫຼື ທັງໝົດຂ້າງເທິງອາດຈະບໍ່ສາມາດບັງຄັບໃຊ້ໄດ້. ບໍ່ມີສິ່ງໃດໃນຂໍ້ຕົກລົງສະບັບນີ້ສົ່ງຜົນກະທົບຕໍ່ສິດທິທີ່ທ່ານມີສິດໃນຖານະເປັນຜູ້ຊົມໃຊ້ຕາມກົດໝາຍ.
11 ການຊົດເຊີຍຄ່າເສຍຫາຍ
ໃນຂອບເຂດສູງສຸດທີ່ໄດ້ຮັບອະນຸຍາດຕາມກົດໝາຍບັງຄັບໃຊ້ໃນເຂດອຳນາດຂອງທ່ານ, ທ່ານຈະບໍ່ເປັນອັນຕະລາຍ ແລະ ຊົດໃຊ້ຄ່າເສຍຫາຍແກ່ກຸ່ມ Huawei ຈາກການຮຽກຮ້ອງ, ການຟ້ອງສານ ຫຼື ການດຳເນີນຄະດີໃດໜຶ່ງທີ່ເກີດຂຶ້ນຈາກ ຫຼື ກ່ຽວຂ້ອງກັບ:
(1) ເນື້ອໃນຂອງທ່ານ;
(2) ການໃຊ້ການບໍລິການຂອງທ່ານ;
(3) ການລະເມີດ ຫຼື ການຝ່າຝືນຂໍ້ຕົກລົງ ຫຼື ພາກສ່ວນໃດໜຶ່ງຂອງ EULA ທີ່ກ່ຽວຂ້ອງ;
(4) ການລະເມີດຂອງທ່ານຕໍ່ຊັບສິນທາງປັນຍາຂອງພາກສ່ວນທີສາມ ຫຼື ສິດທິອື່ນໆ; ຫຼື
(5) ການກະທຳ ຫຼື ການລະເມີດທີ່ຄ້າຍຄືກັນໂດຍບຸກຄົນໃດໜຶ່ງທີ່ໃຊ້ HUAWEI ID ຂອງທ່ານ,
ລວມທັງໜີ້ສິນ, ຄ່າເສຍຫາຍ, ຄ່າໃຊ້ຈ່າຍ, ຄ່າດຳເນີນຄະດີ ແລະ ຄ່າທະນາຍຄວາມໃດໜຶ່ງທີ່ເກີດຂຶ້ນຈາກຂໍ້ຂັດແຍ່ງ, ຄຳຮ້ອງຟ້ອງ ແລະ ຄະດີຄວາມທີ່ເກີດຈາກສະຖານະການທີ່ກ່າວມານັ້ນ. ທ່ານສັນຍາວ່າຈະເຮັດ ແລະ ເຫັນດີທີ່ຈະໃຫ້ຄວາມຊ່ວຍເຫຼືອ ແລະ ໃຫ້ການຮ່ວມມືໂດຍໄວທີ່ສຸດຕາມທີ່ຝ່າຍໃດຝ່າຍໜຶ່ງຂອງຝ່າຍ Huawei ຕ້ອງການ.
12 ການຍົກເລີກໂດຍທ່ານ
ທ່ານສາມາດຍົກເລີກການອະນຸຍາດກ້ອງຖ່າຍຮູບ ແລະ ບ່ອນຈັດເກັບຂໍ້ມູນໄດ້ຈາກໜ້າຈໍການຕັ້ງຄ່າຂອງແອັບ. ເມື່ອໃຊ້ຄຸນສົມບັດການວັດແທກຮ່າງກາຍມະນຸດຂອງແອັບ, ທ່ານສາມາດຖອນການອະນຸຍາດ ແລະ ຢຸດໃຊ້ການບໍລິການຈາກໜ້າຈໍຄຸນສົມບັດ.
ຫຼັງຈາກມີການຍົກເລີກບັນຊີຂອງທ່ານ, Huawei ອາດຈະລຶບຂໍ້ມູນ, ໄຟລ໌ໃດໜຶ່ງ ຫຼື ທັງໝົດ ແລະ ເນື້ອໃນທີ່ຈັດເກັບໄວ້ພາຍໃນບັນຊີຂອງທ່ານທັນທີ ແລະ ຖາວອນ. ຢ່າງໃດກໍ່ຕາມ, Huawei ອາດຈະບໍ່ສາມາດລຶບສຳເນົາຂໍ້ມູນສຳຮອງໄວ້ດັ່ງກ່າວ, ໂດຍຂຶ້ນຢູ່ກັບປັດໃຈທາງດ້ານກົດໝາຍ ແລະ ການປະຕິບັດບາງຢ່າງ. ນອກຈາກນັ້ນ, ເນື້ອໃນທີ່ທ່ານສົ່ງໄປໃຫ້ກັບຜູ້ໃຊ້ຄົນອື່ນໆແມ່ນອາດຈະບໍ່ຖືກລຶບ, ລວມທັງຂໍ້ຄວາມນຳອີກ.
ການປິດບັນຊີຂອງທ່ານຈະບໍ່ປົດປ່ອຍທ່ານອອກໄປຈາກພັນທະໜ້າທີ່ໃດໜຶ່ງທີ່ຕ້ອງຈ່າຍຄ່າທີ່ສະສົມໄວ້ຢູ່ໃນ ຫຼື ກ່ອນວັນທີການປິດບັນຊີ. ທັງ Huawei ຫຼື ພາກສ່ວນທີສາມໃດໜຶ່ງຈະບໍ່ຍອມຮັບຄວາມຮັບຜິດຊອບຕໍ່ຜົນທີ່ເກີດຂຶ້ນຕາມມາໃດໆ ເນື່ອງຈາກທ່ານບໍ່ສາມາດເຂົ້າເຖິງການບໍລິການຫຼັງຈາກບັນຊີຂອງທ່ານຖືກປິດ.
13 ການໂຈະ ແລະ ການຍົກເລີກໂດຍ Huawei
ພາຍໃຕ້ກົດໝາຍທີ່ບັງຄັບໃຊ້, ພວກເຮົາອາດຈະໂຈະ, ຈຳກັດ, ຍົກເລີກ ຫຼື ຍຸຕິການເຂົ້າເຖິງການບໍລິການໃນສ່ວນໃດສ່ວນໜຶ່ງ ຫຼື ທັງໝົດຂອງທ່ານໄດ້ຕະຫຼອດເວລາ, ໂດຍບໍ່ຕ້ອງຮັບຜິດຊອບຕໍ່ບຸກຄົນ ຫຼື ພາກສ່ວນທີສາມໃດໆ. ພວກເຮົາຈະພະຍາຍາມໃຫ້ແຈ້ງການແກ່ທ່ານກ່ອນທີ່ພວກເຮົາຈະເຮັດສິ່ງນີ້. ຢ່າງໃດກໍ່ຕາມ, ພວກເຮົາອາດຈະໂຈະ, ຈຳກັດ, ຍົກເລີກ ຫຼື ຍຸຕິການເຂົ້າເຖິງການບໍລິການບາງສ່ວນ ຫຼື ທັງໝົດຂອງທ່ານທັນທີໂດຍບໍ່ຕ້ອງແຈ້ງເຕືອນລ່ວງໜ້າພາຍໃຕ້ສະຖານະການຕໍ່ໄປນີ້:
(a) ຖ້າທ່ານລະເມີດ ຫຼື Huawei ເຊື່ອວ່າທ່ານກຳລັງຈະລະເມີດຂໍ້ຕົກລົງສະບັບນີ້, ລວມທັງຂໍ້ຕົກລົງ, ນະໂຍບາຍ ຫຼື ຂໍ້ແນະນຳໃດໜຶ່ງທີ່ຮ່ວມຢູ່ດ້ວຍ;
(b) ຖ້າທ່ານ ຫຼື ບຸກຄົນໃດໜຶ່ງທີ່ກະທຳໃນນາມຂອງທ່ານ, ກະທຳແບບສໍ້ໂກງ ຫຼື ຜິດກົດໝາຍ ຫຼື ໃຫ້ຂໍ້ມູນທີ່ບໍ່ເປັນຄວາມຈິງ ຫຼື ຂໍ້ມູນທີ່ຜິດພາດກັບ Huawei;
(c) ໃນການຕອບກັບຕໍ່ກັບການຮ້ອງຂໍໂດຍການບັງຄັບໃຊ້ກົດໝາຍ ຫຼື ໂດຍໜ່ວຍງານອື່ນໆຂອງລັດຖະບານພາຍໃຕ້ຂະບວນການທາງກົດໝາຍທີ່ຖືກຕ້ອງ;
(d) ໃນກໍລະນີຂອງການບຳລຸງຮັກສາແບບຮີບດ່ວນ ຫຼື ການອັບເດດລະບົບ ຫຼື ຮາດແວແບບຮີບດ່ວນ; ຫຼື
(e) ເນື່ອງຈາກເຫດຜົນດ້ານວິຊາການ, ຄວາມປອດໄພ, ທຸລະກິດ ຫຼື ຄວາມປອດໄພທີ່ບໍ່ຄາດຄິດ.
ການໝົດອາຍຸ ຫຼື ການຍຸຕິຂໍ້ຕົກລົງສະບັບນີ້ບໍ່ມີຜົນຕໍ່ກັບຂໍ້ກຳນົດຂອງຂໍ້ຕົກລົງສະບັບນີ້ທີ່ແຈ້ງບອກເພື່ອດຳເນີນງານ ຫຼື ທີ່ມີຜົນຫຼັງຈາກການໝົດອາຍຸ ຫຼື ການຍຸຕິດັ່ງກ່າວ ແລະ ໂດຍບໍ່ຂັດກັບສິດທິ ຫຼື ພັນທະທີ່ສະສົມເພີ່ມຂຶ້ນ ຫຼື ສິດທິ ຫຼື ພັນທະໃດໆກໍຕາມທີ່ມີເຈດຕະນາເພື່ອເຮັດໃຫ້ມີການໝົດອາຍຸ ຫຼື ການຍຸຕິດັ່ງກ່າວ.
ຂໍ້ກຳນົດຂອງຂໍ້ຕົກລົງສະບັບນີ້ທີ່ມີຈຸດປະສົງຢ່າງຈະແຈ້ງ ຫຼື ຕາມທຳມະຊາດຂອງພວກມັນເພື່ອຮັກສາການຍຸຕິຂໍ້ຕົກລົງ ຈະຍັງຄົງມີຜົນບັງຄັບໃຊ້ສົມບູນ ແລະ ມີຜົນກະທົບໃນພາຍຫຼັງ ແລະ ເຖິງແມ່ນຈະມີການຍຸຕິດັ່ງກ່າວແລ້ວກໍຕາມ, ຈົນກວ່າຂໍ້ກຳນົດດັ່ງກ່າວຈະໄດ້ຮັບຄວາມພໍໃຈ ຫຼື ໝົດອາຍຸຕາມທຳມະຊາດຂອງພວກມັນ.
14 ການປ່ຽນແປງໃນຂໍ້ຕົກລົງສະບັບນີ້
Huawei ມີການອັບເດດ, ການປ່ຽນແປງ ແລະ ການປັບປຸງການບໍລິການຢ່າງຕໍ່ເນື່ອງ. Huawei ອາດເພີ່ມ ຫຼື ເອົາຟັງຄ໌ຊັນ ຫຼື ຄຸນສົມບັດອອກ, ສ້າງຂໍ້ຈຳກັດໃໝ່ຕໍ່ກັບການບໍລິການ ຫຼື ໂຈະ ຫຼື ຢຸດການບໍລິການແບບຊົ່ວຄາວ ຫຼື ຖາວອນ. ນອກຈາກນີ້ Huawei ຍັງອາດຈະແກ້ໄຂຂໍ້ຕົກລົງສະບັບນີ້ໄດ້ທຸກເວລາອີງຕາມການອັບເດດການບໍລິການ.
ຂໍ້ຕົກລົງທີ່ໄດ້ຮັບການອັບເດດຈະປ່ຽນແທນຂໍ້ຕົກລົງສະບັບເດີມເມື່ອຖືກເຜີຍແຜ່ອອກມາ. ພວກເຮົາຈະເຜີຍແຜ່ແຈ້ງການການອັບເດດຂອງຂໍ້ຕົກລົງໃນແອັບໃນເວລາທີ່ເໝາະສົມ. ຖ້າທ່ານບໍ່ຍອມຮັບເງື່ອນໄຂໃນການອັບເດດ, ກະລຸນາຢຸດໃຊ້ການບໍລິການທັນທີ. ການເຂົ້າເຖິງ ຫຼື ໃຊ້ການບໍລິການຂອງທ່ານແບບຕໍ່ເນື່ອງຈະຖືວ່າເປັນການຍອມຮັບໃນຂໍ້ຕົກລົງສະບັບປັບປຸງໃໝ່ຂອງທ່ານ.
ພວກເຮົາຈະແຈ້ງໃຫ້ທ່ານຮູ້ພາຍໃນໄລຍະເວລາທີ່ເໝາະສົມກ່ຽວກັບການປ່ຽນແປງໃດໜຶ່ງຕໍ່ຂໍ້ຕົກລົງສະບັບນີ້ ທີ່ຈະສົ່ງຜົນເສຍຫາຍຢ່າງຫຼວງຫຼາຍຕໍ່ຜູ້ໃຊ້ ຫຼື ຈຳກັດການເຂົ້າເຖິງ ຫຼື ການໃຊ້ການບໍລິການຂອງພວກເຂົາຢ່າງຫຼວງຫຼາຍ. ສຳລັບການປ່ຽນແປງຕໍ່ການບໍລິການທີ່ພວກເຮົາຈຳເປັນຕ້ອງໄດ້ດຳເນີນການ ເພື່ອໃຫ້ເປັນໄປຕາມຂໍ້ກຳນົດດ້ານຄວາມໝັ້ນຄົງ, ຄວາມປອດໄພ, ດ້ານກົດໝາຍ ຫຼື ກົດລະບຽບ, ພວກເຮົາອາດຈະບໍ່ສາມາດປະຕິບັດຕາມກຳນົດເວລາທີ່ກ່າວມາຂ້າງເທິງ ແລະ ພວກເຮົາຈະອັບເດດໃຫ້ທ່ານຮູ້ກ່ຽວກັບການປ່ຽນແປງເຫຼົ່ານີ້ທັນທີທີ່ສາມາດເຮັດໄດ້.
15 ກົດໝາຍທີ່ໃຊ້ຄວບຄຸມ ແລະ ເຂດອຳນາດສານ
ການສ້າງ, ການຕີຄວາມໝາຍ ແລະ ການດຳເນີນການກ່ຽວກັບຂໍ້ຕົກລົງສະບັບນີ້ຈະຖືກຄວບຄຸມໂດຍ ແລະ ຕີຄວາມຕາມກົດໝາຍຂອງສາທາລະນະລັດ ປະຊາຊົນຈີນ. ທ່ານ ແລະ Huawei ເຫັນດີວ່າ ຂໍ້ຕົກລົງສະບັບນີ້ແມ່ນລົງນາມຢູ່ໃນເມືອງລ່ອງແກງ, ເຊີນເຈີນ, ແຂວງກວາງດົງ, ຈີນ. ຂໍ້ຂັດແຍ້ງໃດໜຶ່ງທີ່ເກີດຂຶ້ນຈາກການປະຕິບັດຕາມສັນຍາລະຫວ່າງສອງຝ່າຍຈະຖືກແກ້ໄຂໂດຍຜ່ານການເຈລະຈາ. ຖ້າການເຈລະຈາບໍ່ສຳເລັດ, ຝ່າຍໃດໜຶ່ງສາມາດຢື່ນຄຳຮ້ອງຟ້ອງຕໍ່ສານປະຊາຊົນທີ່ມີເຂດອຳນາດທີ່ເໝາະສົມໃນສະຖານທີ່ທີ່ລົງນາມໃນຂໍ້ຕົກລົງສະບັບນີ້.
16 ຂໍ້ກຳນົດທົ່ວໄປ
ການບໍລິການ ຫຼື ພາກສ່ວນທີສາມອາດຈະໃຫ້ລິ້ງຫາເວັບໄຊທ໌ ຫຼື ແຫຼ່ງຂໍ້ມູນອື່ນໆ. ທ່ານຮັບຮູ້ ແລະ ເຫັນດີວ່າ ພວກເຮົາບໍ່ມີສ່ວນຮັບຜິດຊອບຕໍ່ການມີຢູ່ຂອງເວັບໄຊທ໌ ຫຼື ແຫຼ່ງຂໍ້ມູນພາຍນອກດັ່ງກ່າວ ແລະ ບໍ່ຮັບຮອງ ແລະ ບໍ່ຮັບຜິດຊອບ ຫຼື ຮັບຜິດຕໍ່ເນື້ອໃນ, ການໂຄສະນາ, ຜະລິດຕະພັນ ຫຼື ເນື້ອໃນອື່ນໆໃດໜຶ່ງໃນ ຫຼື ມີຢູ່ຈາກເວັບໄຊທ໌ ຫຼື ແຫຼ່ງຂໍ້ມູນດັ່ງກ່າວ. ພວກເຮົາບໍ່ມີຄວາມຮັບຜິດຊອບ ຫຼື ຮັບຜິດຕໍ່ຄວາມເສຍຫາຍ ຫຼື ການສູນເສຍໃດໜຶ່ງທີ່ເກີດຂຶ້ນ ຫຼື ຖືກກ່າວຫາວ່າເກີດຈາກ ຫຼື ກ່ຽວກັບການທີ່ທ່ານໃຊ້ ຫຼື ອາໄສເນື້ອໃນ, ສິນຄ້າ ຫຼື ການບໍລິການດັ່ງກ່າວໃດໜຶ່ງທີ່ມີຢູ່ໃນ ຫຼື ຜ່ານທາງເວັບໄຊທ໌ ຫຼື ແຫຼ່ງຂໍ້ມູນດັ່ງກ່າວໃດໜຶ່ງ.
ບໍ່ມີສິ່ງໃດໃນຂໍ້ຕົກລົງສະບັບນີ້ຈະຖືກຕີຄວາມໝາຍເພື່ອສ້າງຄວາມສຳພັນການເປັນຫຸ້ນສ່ວນ ຫຼື ໜ່ວຍງານລະຫວ່າງທ່ານກັບ Huawei ແລະ ບໍ່ມີຝ່າຍໃດມີສິດ ຫຼື ອຳນາດໃນການກໍ່ໃຫ້ເກີດຄວາມຮັບຜິດຊອບ, ໜີ້ສິນ ຫຼື ຄ່າໃຊ້ຈ່າຍໃດໜຶ່ງ ຫຼື ເຂົ້າເຮັດສັນຍາ ຫຼື ການຈັດການອື່ນໆໃດໜຶ່ງໃນຊື່ຂອງ ຫຼື ໃນນາມຂອງອີກຝ່າຍ.
Huawei ບໍ່ຮັບຜິດຊອບຕໍ່ຄວາມບໍ່ສຳເລັດ ຫຼື ຄວາມຊັກຊ້າໃນການປະຕິບັດພັນທະໜ້າທີ່ຂອງມັນພາຍໃຕ້ຂໍ້ຕົກລົງສະບັບນີ້ ຫຼື ການໃຫ້ບໍລິການທີ່ເກີດຂຶ້ນຈາກ ຫຼື ມີສ່ວນໃນເລື່ອງທີ່ເກີນການຄວບຄຸມທີ່ສົມເຫດສົມຜົນຂອງ Huawei.
ສາຂາ ແລະ ບໍລິສັດໃນເຄືອຂອງ Huawei ເປັນຜູ້ຮັບຜົນປະໂຫຍດພາກສ່ວນທີສາມຂອງຂໍ້ຕົກລົງສະບັບນີ້. ພວກເຂົາອາດຈະບັງຄັບໃຊ້ຂໍ້ຕົກລົງສະບັບນີ້ໃນຖານະເປັນຝ່າຍຕ່າງໆໃນຂໍ້ຕົກລົງສະບັບນີ້. Huawei ມີສິດໃນການໂອນ, ເຮັດສັນຍາຍ່ອຍ ຫຼື ປ່ຽນແທນສິດທິ ຫຼື ພາລະຜູກພັນຂອງ Huawei ພາຍໃຕ້ຂໍ້ຕົກລັງສະບັບນີ້ ໂດຍບໍ່ມີການເຮັດໃຫ້ສິດທິ ແລະ ຜົນປະໂຫຍດຂອງທ່ານຫຼຸດລົງ.
ຖ້າສານທີ່ມີອຳນາດ ຫຼື ໜ່ວຍງານທີ່ມີອຳນາດອື່ນໆໃດໜຶ່ງພົບວ່າ ຂໍ້ກຳນົດໃດໜຶ່ງຂອງຂໍ້ຕົກລົງສະບັບນີ້ເປັນໂມຄະ, ໃຊ້ບໍ່ໄດ້ ຫຼື ບໍ່ມີຜົນບັງຄັບໃຊ້, ມັນຈະຖືວ່າ ຖືກລຶບອອກຈາກຂໍ້ຕົກລົງສະບັບນີ້ ແລະ ຂໍ້ກຳນົດອື່ນໆທັງໝົດຂອງຂໍ້ຕົກລົງສະບັບນີ້ຈະຍັງຄົງມີຜົນບັງຄັບໃຊ້ຕາມກົດໝາຍຢ່າງສົມບູນ.
17 ການຕິດຕໍ່ພວກເຮົາ
ຖ້າທ່ານມີຄຳຖາມໃດໜຶ່ງທີ່ກ່ຽວກັບຂໍ້ຕົກລົງສະບັບນີ້, ກະລຸນາຕິດຕໍ່ຫາພວກເຮົາໂດຍໃຊ້ຂໍ້ມູນຕໍ່ໄປນີ້: 950800.