HUAWEI AR Measure သုံးစွဲသူ သဘောတူညီချက်

နောက်ဆုံး အပ်ဒိတ်လုပ်ခဲ့ချိန်- 2021 ခုနှစ်၊ စက်တင်ဘာလ 22 ရက်

1 ကျွန်ုပ်တို့ အကြောင်း

သင်နှင့် Huawei Device Co., Ltd. (ဤမှစ၍ နောင်တွင် "Huawei" ဟု ရည်ညွှန်းထားပါသည်) အကြား တရားဝင်ချုပ်ဆိုထားသည့် သဘောတူညီချက်တွင် အောက်ပါ စည်းမျဉ်းများ ပါဝင်သည်။ ဤသဘောတူညီချက်၏ စည်းမျဉ်းများကို သင် အပြည့်အဝ နားလည်ကြောင်း သေချာစေရန် ဤ HUAWEI AR Measure သုံးစွဲသူ သဘောတူညီချက်အပြင် ဝန်ဆောင်မှုများနှင့် ဆက်စပ်သည့် အခြားမူဝါဒများ (စုစည်း၍ ဤ "သဘောတူညီချက်") ကို ဂရုတစိုက် ဖတ်ရှုပါ။ ဤသဘောတူညီချက်တွင် HUAWEI AR Measure ဝန်ဆောင်မှုများ (ဤမှစ၍ နောင်တွင် "ဝန်ဆောင်မှုများ" ဟု ရည်ညွှန်းထားပါသည်) ကို သင် အသုံးပြုခြင်းနှင့် စပ်လျဉ်း၍ သင်၏ တရားဝင် တာဝန်ဝတ္တရားများနှင့် အခွင့်အရေးများကို သတ်မှတ်ပြဋ္ဌာန်းထားသည်။ ဤသဘောတူညီချက်တွင် "သင်" ဆိုသည်မှာ ဝန်ဆောင်မှုများကို အသုံးပြုသော နှင့်/သို့မဟုတ် ဝင်ရောက် သုံးစွဲသော မည်သူကိုမဆို ရည်ညွှန်းပါသည်။ ဤသဘောတူညီချက်ကို သဘောတူရန် သဘောတူသည်ကို နှိပ်၍ ဤအက်ပ်သို့ ဝင်ရောက်ခြင်းဖြင့် သင်သည် ဤသဘောတူညီချက်ရှိ စည်းမျဉ်းအားလုံးကို အပြည့်အစုံ ဖတ်ရှု၍ လက်ခံထားကြောင်း ရည်ညွှန်းပါသည်။ ဤသဘောတူညီချက်ရှိ အကြောင်းအရာ တစ်စုံတစ်ရာကို သင် သဘောမတူပါက ဤဝန်ဆောင်မှုကို အသုံးပြုခြင်းအား ချက်ချင်းရပ်တန့်ခွင့်ရှိသည်။

2 ဝန်ဆောင်မှုများ အသုံးပြုခြင်းဆိုင်ရာ သတ်မှတ်ချက်များ

သင်က အရွယ်မရောက်သေးသူဖြစ်လျှင် ဝန်ဆောင်မှုများကို အသုံးပြုရန် မဆုံးဖြတ်မီ ဤသဘောတူညီချက်ကို သင့်မိဘ သို့မဟုတ် တရားဝင် အုပ်ထိန်းသူများအနေဖြင့် ရှင်းလင်းစွာ နားလည်ကြောင်း သေချာစေရန် ၎င်းတို့နှင့်အတူ ဤသဘောတူညီချက်ကို ဖတ်ရှုရန် လိုသည်။ သင်၏ မိဘ သို့မဟုတ် တရားဝင် အုပ်ထိန်းသူထံမှ သဘောတူညီချက်ကို မရရှိမီ ဝန်ဆောင်မှုများကို အသုံးမပြုပါနှင့်။ ထို့ပြင် မိဘများ သို့မဟုတ် တရားဝင် အုပ်ထိန်းသူများအနေဖြင့် မိမိကလေး၏ အင်တာနက်၊ ဖုန်းများနှင့် အခြားစက်များ အသုံးပြုမှုကို သင့်တော်စွာ ကြီးကြပ်လမ်းညွှန်ပေးကြပါရန် ကျွန်ုပ်တို့အကြံပြုပါသည်။

3 ဝန်ဆောင်မှုများကို ဝင်ရောက် သုံးစွဲခြင်း

ဤသဘောတူညီချက်အရနှင့် ဤသဘောတူညီချက်အပေါ် မူတည်ပြီး ဝန်ဆောင်မှုများကို ဝင်ရောက် သုံးစွဲရန်နှင့် အသုံးပြုရန် ကျွန်ုပ်တို့က သင့်ကို ကန့်သတ်ထားသော၊ အထူးသီးသန့်မဟုတ်သော၊ လွှဲပြောင်း၍ မရနိုင်သော၊ လိုင်စင် ပြန်ခွဲပေး၍ မရနိုင်သော၊ ပြန်လည်ရုပ်သိမ်းနိုင်သော လိုင်စင်ကို တရားဝင် ပေးအပ်လိုက်ပါသည်။

4 ဝန်ဆောင်မှုများတွင် ပါဝင်သည့် အကြောင်းအရာ

ဝန်ဆောင်မှုများသည် အောက်ပါ လုပ်ဆောင်ချက်များ အဓိက ပါဝင်သော HUAWEI AR Measure ဝန်ဆောင်မှုများကို သင့်အား ပံ့ပိုးပေးသည်-

(1) အရာဝတ္တု တိုင်းတာမှု

အရာဝတ္ထု တိုင်းတာမှု လုပ်ဆောင်ချက်ကို အသုံးပြုရန် သင်သည် အရာဝတ္ထုများကို ရွေးချယ်၍ ၎င်း၏ အလျား၊ ဧရိယာနှင့် ထုထည်ကို တိုင်းတာရန်အတွက် ညွှန်ကြားထားသည့်အတိုင်း လုပ်ဆောင်ချက်များကို ဆောင်ရွက်ရန် လိုသည်။

(2) လူ့ခန္ဓာကိုယ် တိုင်းတာမှု လုပ်ဆောင်ချက်

လူ့ခန္ဓာကိုယ် တိုင်းတာမှု လုပ်ဆောင်ချက်ကို အသုံးပြုရန် သင်သည် လူများကို ရွေးချယ်၍ အရပ်အမြင့်၊ နှလုံးခုန်နှုန်းနှင့် အသက်ရှူနှုန်းကို တိုင်းတာရန်အတွက် ညွှန်ကြားသည့်အတိုင်း လုပ်ဆောင်ချက်များကို ဆောင်ရွက်ရန် လိုသည် (အချို့စက်အမျိုးအစားများတွင်သာ ရရှိနိုင်သည်)။

5 အသုံးပြုမှု စည်းမျဉ်းများ

သင်သည် ဝန်ဆောင်မှုများကို သင့်လျော်စွာ အသုံးပြု၍ ဤသဘောတူညီချက်ကို လက်ခံရန် သဘောတူပြီး အကျုံးဝင်သည့် သက်ဆိုင်ရာ ဥပဒေများ၊ စည်းမျဉ်းများနှင့်အညီ လိုက်နာဆောင်ရွက်ရမည်ဖြစ်သည်။ ဝန်ဆောင်မှုများကို ဝင်ရောက် သုံးစွဲ၍ အသုံးပြုခြင်းဖြင့် သင်သည် ဥပဒေနှင့်ညီညွတ်ပြီး ကျင့်ဝတ်နှင့် လျော်ညီသည့် ပုံစံအပြင် ဤသဘောတူညီချက်နှင့်အညီလည်း ဆောင်ရွက်မည်ဖြစ်ကြောင်း ကတိပြုပြီး သဘောတူရာ ရောက်ပါသည်။ သင်သည် အချက်အလက်များ ထုတ်လွှင့်ပေးပို့ခြင်း သို့မဟုတ် အောက်ပါလုပ်ဆောင်ချက် တစ်ခုခုတွင် အခြားတစ်နည်းနည်းဖြင့် ပါဝင်ဆောင်ရွက်ခြင်း မပြုရပါ-

(က) သက်ဆိုင်ရာ ဥပဒေများ၊ စည်းမျဉ်းများနှင့် မူဝါဒများက တားမြစ်ထားသည့် အကြောင်းအရာများကို အပ်လုဒ်လုပ်ခြင်း၊ ဒေါင်းလုဒ်လုပ်ခြင်း၊ သိမ်းဆည်းခြင်း၊ ပုံတူပွားခြင်း၊ ထုတ်ဝေခြင်း၊ လွှဲပြောင်းပေးပို့ခြင်း၊ အီးမေးလ်ဖြင့် ပေးပို့ခြင်း သို့မဟုတ် အခြားတစ်နည်းနည်းဖြင့် ပံ့ပိုးပေးသော လုပ်ရပ်၊

(ခ) ဖွဲ့စည်းပုံ အခြေခံ ဥပဒေ၏ အခြေခံစည်းမျဉ်းများကို ချိုးဖောက်သော လုပ်ရပ်၊

(ဂ) နိုင်ငံတော် လုံခြုံရေးကို ထိပါးသော၊ နိုင်ငံတော် လျှို့ဝှက်ချက်များကို ပေါက်ကြားစေသော၊ နိုင်ငံတော် အချုပ်အခြာအာဏာကို ဝင်ရောက်နှောင့်ယှက်သော သို့မဟုတ် အမျိုးသား စည်းလုံးညီညွတ်မှုကို ပျက်ပြားစေသော လုပ်ရပ်၊

(ဃ) နိုင်ငံတော် ဂုဏ်သိက္ခာနှင့် အကျိုးစီးပွားကို ထိခိုက်စေသော လုပ်ရပ်၊

(င) လူမျိုးရေး မုန်းတီးမှု သို့မဟုတ် ခွဲခြားဆက်ဆံမှုကို လှုံ့ဆော်သော သို့မဟုတ် တိုင်းရင်းသား စည်းလုံးညီညွတ်မှုကို ပျက်ပြားစေသော လုပ်ရပ်၊

(စ) နိုင်ငံ၏ ဘာသာရေးဆိုင်ရာ မူဝါဒများကို နှောင့်ယှက်သည့် သို့မဟုတ် မိစ္ဆာဒိဌိ ဘာသာရေး ကျင့်စဉ်များ သို့မဟုတ် ကံကျွေးချစနစ်နှင့် အယူသီးသည့် အယူအဆများကို အများသိအောင် ကြေညာသော လုပ်ရပ်၊

(ဆ) ကောလာဟလများကို ဖြန့်ဝေသည့်၊ လူထု စည်းကမ်းလိုက်နာမှုကို နှောင့်ယှက်သည့် သို့မဟုတ် လူထု တည်ငြိမ်အေးချမ်းမှုကို ပျက်ပြားစေသော လုပ်ရပ်၊

(ဇ) မဖွယ်မရာပုံများ၊ ညစ်ညမ်းအကြောင်းအရာများ၊ လောင်းကစား၊ အကြမ်းဖက်မှု၊ လူသတ်မှု၊ ထိတ်လန့်စေမှုတို့ ပါဝင်သည့် အကြောင်းအရာကို ဖြန့်ဝေသော သို့မဟုတ် ဖော်ပြသော သို့မဟုတ် ရာဇဝတ်မှုများကို အားပေးကူညီသော လုပ်ရပ်၊

(ဈ) စော်ကားသော၊ အသရေဖျက်သော သို့မဟုတ် အခြားသူများ၏ တရားဝင် အခွင့်အရေးများနှင့် အကျိုးစီးပွားကို ထိပါးချိုးဖောက်သော လုပ်ရပ်။

(ည) လူမှုကျင့်ဝတ် သို့မဟုတ် အမျိုးသား ယဉ်ကျေးမှု ထုံးတမ်းစဉ်လာများ၏ ကောင်းမြတ်မှုကို အန္တရာယ်ဖြစ်စေသော လုပ်ရပ်၊

(ဋ) ပြင်ပ အဖွဲ့အစည်း၏ တီထွင်မှု မူပိုင်ခွင့် အခွင့်အရေးများ၊ မူပိုင်ခွင့်များ၊ ကုန်အမှတ်တံဆိပ် အခွင့်အရေးများ၊ ဂုဏ်သတင်းဆိုင်ရာ အခွင့်အရေးများ သို့မဟုတ် အခြား တရားဝင် အခွင့်အရေးများနှင့် အကျိုးစီးပွားများကို ချိုးဖောက်သည့် လုပ်ရပ် သို့မဟုတ်

(ဌ) ဥပဒေများ သို့မဟုတ် စီမံအုပ်ချုပ်ရေး စည်းမျဉ်းစည်းကမ်းများက အခြားနည်းဖြင့် တားမြစ်ထားသည့် လုပ်ရပ်။

ဤတွင် သင်က အောက်ပါတို့ကို အာမခံ၍ ကတိပြုပါသည်-

(က) ဝန်ဆောင်မှုတစ်ခုလုံးကို ဖြစ်စေ၊ တစ်စိတ်တစ်ပိုင်းကိုဖြစ်စေ မူပွားခြင်း၊ ပြောင်းလဲခြင်း သို့မဟုတ် မွမ်းမံခြင်း မပြုလုပ်ရန် သို့မဟုတ် ဝန်ဆောင်မှုများ သို့မဟုတ် ၎င်းတို့၏အစိတ်အပိုင်းတစ်ခုခုကို အခြားအစီအစဉ်များတွင် ပေါင်းစည်းခြင်း သို့မဟုတ် ၎င်းတို့တွင် ထည့်သွင်းခြင်းကို ခွင့်မပြုရန်၊

(ခ) ဝန်ဆောင်မှုများ၏ သွင်ပြင်လက္ခဏာတစ်ခုခု သို့မဟုတ် ၎င်းတို့၏ဆက်စပ် စနစ်များ သို့မဟုတ် ကွန်ရက်များသို့ ခွင့်ပြုချက် မရဘဲ ဝင်ရောက်သုံးစွဲခြင်း မပြုရန် သို့မဟုတ် ဝင်ရောက် သုံးစွဲခွင့်ရအောင် မကြိုးပမ်းရန် သို့မဟုတ် ထိခိုက်အောင် မလုပ်ရန် သို့မဟုတ် ထိခိုက်အောင် မကြိုးပမ်းရန်၊

(ဂ) ဝန်ဆောင်မှုများ အားလုံးကိုဖြစ်စေ၊ တစ်စိတ်တစ်ပိုင်းကိုဖြစ်စေ အခြေခံ၍ စက်ကနားလည်နိုင်သော ဘာသာစကားကို အဆင့်မြင့် ပရိုဂရမ်းမင်းဘာသာစကားတစ်ခုသို့ ပြောင်းခြင်း၊ ပေါင်းစည်းထားသော ကုဒ်ထဲမှ မူရင်းကုဒ်ကို ရယူခြင်း၊ ဝန်ဆောင်မှု၏ လုပ်ဆောင်ပုံများကို လေ့လာ၍ အလားတူဝန်ဆောင်မှုတစ်ခု ကူးချဖန်တီးခြင်း သို့မဟုတ် ကူးယူဆင့်ပွားသော လက်ရာများကို ဖန်တီးခြင်းများ မပြုလုပ်ရန် သို့မဟုတ် သက်ဆိုင်ရာ ဥပဒေများက ခွင့်ပြုထားသည့် အတိုင်းအတာထက် ကျော်လွန်၍ ယင်းကဲ့သို့လုပ်ရပ်မှန်သမျှကို ပြုလုပ်ရန်အတွက် မကြိုးပမ်းရန်၊

(ဃ) ဝန်ဆောင်မှုများကို ဖြန့်ဝေခြင်း၊ လိုင်စင်ချပေးခြင်း၊ ငှားရမ်းခြင်း၊ ရောင်းချခြင်း၊ ပြန်လည်ရောင်းချခြင်း၊ လွှဲပြောင်းခြင်း၊ လူသိရှင်ကြား ပြသခြင်း၊ လူအများရှေ့တွင် လုပ်ဆောင်ခြင်း၊ လွှဲပြောင်းပေးပို့ခြင်း၊ တိုက်ရိုက်လွှင့်ခြင်း၊ ထုတ်လွှင့်ခြင်း သို့မဟုတ်ပါက အခြားနည်းဖြင့် အသုံးချအမြတ်ထုတ်ခြင်း မပြုလုပ်ရန်၊

(င) ဝန်ဆောင်မှုတစ်ခုလုံးကိုဖြစ်စေ၊ တစ်စိတ်တစ်ပိုင်းကိုဖြစ်စေ (ကွန်ပျူတာက အလွယ်တကူ နားလည်နိုင်သော ညွှန်ကြားချက်ကုဒ်နှင့် ရင်းမြစ်ကုဒ် အပါအဝင်) ကျွန်ုပ်တို့၏ စာဖြင့်ရေးသားထားသော ကြိုတင်သဘောတူညီချက် မရှိဘဲ လူပုဂ္ဂိုလ်တစ်ဦးဦးထံသို့ မည်သည့်ပုံစံနှင့်မျှ မပံ့ပိုးရန် သို့မဟုတ်ပါက ရနိုင်အောင် မပြုလုပ်ရန်၊

(စ) လူပုဂ္ဂိုလ်တစ်ဦးဦးအဖြစ် အယောင်မဆောင်ရန် သို့မဟုတ် သင်၏အဖွဲ့ဝင်ကို လူပုဂ္ဂိုလ်တစ်ဦး သို့မဟုတ် အဖွဲ့အစည်းတစ်ခုအဖြစ် မှားယွင်းမဖော်ပြရန် သို့မဟုတ်ပါက လွဲမှားကိုယ်စားမပြုရန်၊

(ဆ) ဝန်ဆောင်မှုများ (သို့မဟုတ် ၎င်းတို့၏ မည်သည့်အစိတ်အပိုင်း(များ)မဆို) ကို ဥပဒေနှင့် မညီသော အပြုအမူတစ်ခုခုဖြင့်၊ ဥပဒေနှင့် မညီသော ရည်ရွယ်ချက် တစ်ခုခုအတွက် သို့မဟုတ် ဤသဘောတူညီချက်နှင့် မညီသော အပြုအမူတစ်ခုခုဖြင့် အသုံးမပြုရန် သို့မဟုတ် ဝန်ဆောင်မှုများ (သို့မဟုတ် ဝန်ဆောင်မှုများနှင့် ချိတ်ဆက်ထားသော ဝက်ဘ်ဆိုဒ်များ) သို့မဟုတ် လုပ်ဆောင်ချက်စနစ် တစ်ခုခုထဲသို့ ခွင့်ပြုချက်မရဘဲ ဝင်ရောက်သုံးစွဲခွင့် ရယူခြင်း သို့မဟုတ် ၎င်းတို့ထဲသို့ ဗိုင်းရပ်စ်များ သို့မဟုတ် အန္တရာယ်ရှိသော ဒေတာများအပါအဝင် အန္တရာယ်ရှိသော ကုဒ်ကို ထည့်သွင်းခြင်းနှင့် ကန့်သတ်မထားသော နည်းလမ်းများ အပါအဝင်ကို အသုံးပြု၍ မဟုတ်မမှန်စွာ သို့မဟုတ် အန္တရာယ်ရှိစွာ မလုပ်ဆောင်ရန်၊

(ဇ) ဝန်ဆောင်မှုများကို သင်၏ ဝင်ရောက် သုံးစွဲမှု နှင့်/သို့မဟုတ် အသုံးပြုမှုနှင့် ပတ်သက်၍ Huawei ၏ ဉာဏပစ္စည်း မူပိုင်ခွင့်များ သို့မဟုတ် ပြင်ပ အဖွဲ့အစည်းတစ်ခုခု၏ ဉာဏပစ္စည်း မူပိုင်ခွင့်များကို မချိုးဖောက်ရန်၊

(ဈ) အလိုအလျောက် လုပ်ဆောင်သော နည်းလမ်းများကို အသုံးပြု၍ သုံးစွဲသူများ၏ အချက်အလက်များကို စုစည်းရယူခြင်း သို့မဟုတ် အခြားတစ်နည်းဖြင့် ဝန်ဆောင်မှုများ သို့မဟုတ် ကျွန်ုပ်တို့၏ စနစ်များကို ဝင်ရောက် သုံးစွဲခြင်း မပြုရန် သို့မဟုတ် ဝန်ဆောင်မှုများ လုပ်ဆောင်နေသော ဆာဗာများသို့ သို့မဟုတ် ၎င်းတို့မှ ပေးပို့မှုမှန်သမျှကို ဝှက်စာဖော်ရန်အတွက် မကြိုးပမ်းရန်၊

(ည) ဝန်ဆောင်မှုများမှ အချက်အလက်များကို ထုတ်နုတ်ရယူရန် သို့မဟုတ်ပါက အခြားတစ်နည်းဖြင့် ဝန်ဆောင်မှုများမှ ပရိုဖိုင်းများနှင့် အခြားဒေတာများကို ကူးယူရန်အတွက် (ဝက်ဘ်ကို လေ့လာကြည့်ရှုသော ပရိုဂရမ်များ၊ ဘရောက်ဇာ ပလတ်အင်များနှင့် add-on များ သို့မဟုတ် အခြား နည်းပညာ သို့မဟုတ် ကိုယ်တိုင်လုပ်ဆောင်ချက် အပါအဝင်) ဆော့ဖ်ဝဲ၊ စက်ပစ္စည်းများ၊ ပရိုဂရမ်မင်း ဘာသာစကားများ သို့မဟုတ် အခြား နည်းလမ်းများ သို့မဟုတ် လုပ်ဆောင်ချက်များကို ဖန်တီးခြင်း၊ ပံ့ပိုးခြင်း သို့မဟုတ် အသုံးပြုခြင်း မပြုရန်၊

(ဋ) ကျွန်ုပ်တို့၏ စာဖြင့်ရေးသားထားသော ကြိုတင် သဘောတူညီချက် မရှိဘဲ ဝန်ဆောင်မှုများကို စီးပွားရေးအရ အသုံးချအမြတ်မထုတ်ရန်၊

(ဌ) လက်နက်များ၊ မူးယစ်ဆေးများ၊ တရားမဝင်ပစ္စည်းများ၊ ခိုးကူးဆော့ဖ်ဝဲ သို့မဟုတ် အခြားတားမြစ်ထားသော ပစ္စည်းများကို ရောင်းချခြင်းကဲ့သို့ တရားမဝင် စီးပွားရေးလုပ်ငန်းတစ်ခုခုတွင် ပါဝင်ရန်အတွက် ဝန်ဆောင်မှုများကို အသုံးမပြုရန်၊

(ဍ) မည်သည့်နည်းလမ်းဖြင့်မဆို အခြားသူများ လောင်းကစားလုပ်ခြင်းကို အားပေးအားမြှောက် မပြုရန် သို့မဟုတ် လောင်းကစား အချက်အလက်များ ပံ့ပိုးမပေးရန်၊

(ဎ) ဝင်ရောက်မှု အချက်အလက်များကို တောင်းခံခြင်း သို့မဟုတ် အခြား တစ်စုံတစ်ဦး ပိုင်ဆိုင်သော အကောင့်တစ်ခုထဲသို့ ဝင်ရောက် သုံးစွဲခြင်း မပြုရန်၊

(ဏ) ဝန်ဆောင်မှုများကို အသုံးချအမြတ်ထုတ်၍ ငွေကြေးခဝါချခြင်း၊ တရားမဝင် ငွေကြေးထုတ်ယူမှုများ သို့မဟုတ် ပိရမစ်ပုံစံ ရောင်းချမှုအစီအစဉ်များတွင် ပါဝင်ခြင်း မပြုရန်၊

(တ) ဤသဘောတူညီချက် (ယင်းတွင် ပါဝင်သော မည်သည့် အစိတ်အပိုင်း(များ)မဆို) ကို ဖောက်ဖျက်ရန် ကြိုးစားခြင်း၊ ဆောင်ရွက်ပေးခြင်း သို့မဟုတ် အားပေးခြင်း မပြုရန်နှင့်

(ထ) ဝန်ဆောင်မှုများ၊ ကျွန်ုပ်တို့၏ စနစ်များ သို့မဟုတ် လုံခြုံရေးကို ထိခိုက်စေသော၊ မလုပ်ဆောင်စေနိုင်သော၊ ဝန်ပိစေသော၊ နှောင့်ယှက်သော သို့မဟုတ် အားနည်းစေသော အပြုအမူတစ်ခုခုဖြင့် ဝန်ဆောင်မှုများကို အသုံးမပြုရန် သို့မဟုတ် အခြားသုံးစွဲသူများ သို့မဟုတ် အခြားအဖွဲ့အစည်း၏ ကွန်ပျူတာစနစ်များကို ကြားဖြတ်နှောင့်ယှက်ခြင်း မပြုရန် သို့မဟုတ် ဝန်ဆောင်မှုများ သို့မဟုတ် (အောက်တွင် သတ်မှတ်ဖော်ပြထားသည့်) Huawei အကြောင်းအရာများ သို့မဟုတ် ဒေတာများကို ဝင်ရောက်ခိုးယူခြင်း သို့မဟုတ် ခွင့်ပြုချက် မရဘဲ ဝင်ရောက်သုံးစွဲခွင့် ရယူခြင်း မပြုရန်။

6 Huawei အကြောင်းအရာများ

Huawei နှင့်/သို့မဟုတ် ၎င်း၏ လိုင်စင်ချပေးသူများသည် စာသား၊ ဗီဒီယိုနှင့် အသံ စသည်တို့ အပါအဝင် ကန့်သတ်မထားဘဲ မည်သည့်ပုံစံမဆိုဖြစ်နိုင်သော အချက်အလက်များ၊ ပုံများ၊ အိုင်ကွန်များ၊ အက်ပ်များ၊ ဒီဇိုင်းများ၊ ဆော့ဖ်ဝဲ၊ ပရိုဂရမ်းမင်း ဘာသာစကားများ၊ ပရိုဂရမ်များ၊ မူပိုင်ခွင့်များ၊ ကုန်အမှတ်တံဆိပ်များ၊ ကုန်အမှတ်တံဆိပ်အမည်များ၊ အမှတ်တံဆိပ်များနှင့် ဝန်ဆောင်မှုများမှတစ်ဆင့် သို့မဟုတ် ဝန်ဆောင်မှုများတွင် ရရှိနိုင်သည့် အခြားအကြောင်းအရာများနှင့် ဝန်ဆောင်မှုများအပြင် ၎င်းတို့၏ ပုံစံသွင်ပြင်နှင့် လုပ်ဆောင်နိုင်စွမ်းများ အပါအဝင် (စုစည်း၍ "Huawei အကြောင်းအရာများ") အတွက်နှင့် ယင်းတို့နှင့်ပတ်သက်သော အခွင့်အရေး၊ ပိုင်ဆိုင်မှုနှင့် အကျိုးအမြတ် အားလုံးကို ထိန်းသိမ်းထားပါသည်။ ဤသဘောတူညီချက်တွင် အခြားတစ်နည်းအားဖြင့် သတ်မှတ်ထားခြင်းမရှိပါက ဝန်ဆောင်မှု တစ်ခုခုကို ဝင်ရောက် သုံးစွဲခွင့် နှင့်/သို့မဟုတ် အသုံးပြုခွင့်ပေးခြင်းသည် ဝန်ဆောင်မှုများရှိ သို့မဟုတ် ၎င်းတို့၏အကြောင်းအရာများရှိ သို့မဟုတ် ဝန်ဆောင်မှုများအတွက် သို့မဟုတ် ၎င်းတို့၏ အကြောင်းအရာများအတွက် ပိုင်ဆိုင်မှု သို့မဟုတ် အခြားအခွင့်အရေးများကို သင် သို့မဟုတ် အခြားပုဂ္ဂိုလ်တစ်ဦးဦးထံ လွှဲပြောင်းပေးခြင်း မဟုတ်ပါ။

သင်သည် Huawei အကြောင်းအရာများကို ပြောင်းလဲခြင်း၊ ကူးယူခြင်း၊ ထုတ်နုတ်ရယူခြင်း၊ ပြုပြင်မွမ်းမံခြင်း သို့မဟုတ် ဖြည့်စွက်ခြင်း သို့မဟုတ် ၎င်းကို ရောင်းချခြင်း၊ ကူးယူခြင်း၊ ဖြန့်ချိခြင်း သို့မဟုတ် လိုင်စင်ထုတ်ပေးခြင်း သို့မဟုတ် Huawei အကြောင်းအရာများကို တစ်နည်းနည်းဖြင့် အလွဲသုံးစား ပြုလုပ်ခြင်းတို့ ပြုလုပ်၍မရနိုင်ပါ။ Huawei အကြောင်းအရာ တစ်ခုခုကို ပြန်လည်ထုတ်ဝေခြင်း၊ ထုတ်နုတ်ရယူခြင်း၊ မူပွားခြင်း၊ ဖြန့်ချိခြင်း သို့မဟုတ် အခြားတစ်နည်းနည်းဖြင့် အသုံးပြုခြင်းတို့ ပြုလုပ်လိုပါက ဤသဘောတူညီချက်တွင် တစ်နည်းအားဖြင့် အတိအလင်း ဖော်ပြထားသည်မှလွဲ၍ Huawei ထံ ကြိုတင် ဆက်သွယ်ပြီး Huawei ၏ စာဖြင့် ရေးသားထားသော ကြိုတင်သဘောတူညီချက်ကို ရယူရပါမည်။ ယင်းသည် မဖြစ်မနေလိုက်နာရမည့် သက်ဆိုင်ရာ ဥပဒေများအရ သင့်တွင် ရှိနေနိုင်သည့် အခွင့်အရေးမှန်သမျှကို ထိခိုက်စေခြင်း မရှိပါ။

ဝန်ဆောင်မှုများ သို့မဟုတ် ၎င်း၏ အစိတ်အပိုင်းတစ်ခုခုက မူပိုင်ခွင့်၊ ကုန်အမှတ်တံဆိပ်၊ တီထွင်မှု မူပိုင်ခွင့်၊ လုပ်ငန်း လျှို့ဝှက်ချက် သို့မဟုတ် အခြားဉာဏပစ္စည်း မူပိုင်ခွင့်ကို ချိုးဖောက်သည်ဟု သင်ယူဆပါက သို့မဟုတ် ဝန်ဆောင်မှုများနှင့်ပတ်သက်၍ သင့်တွင် အခြား စိုးရိမ်ပူပန်စရာ အကြောင်းကိစ္စများရှိပါက "ကျွန်ုပ်တို့ထံ ဆက်သွယ်ခြင်း" အပိုင်းတွင် ဖော်ပြထားသည့် ဆက်သွယ်ရန် အချက်အလက်ကို အသုံးပြု၍ ကျွန်ုပ်တို့ကို အသိပေးအကြောင်းကြားပါ။

7 သင်၏ အကြောင်းအရာများ

သုံးစွဲသူ အကြောင်းအရာ ဆိုသည်မှာ သုံးစွဲသူက ဝန်ဆောင်မှုများကို အသုံးပြု၍ ဖန်တီးထားသော ဂရပ်ဖစ်ပုံများ၊ စာသား၊ ရုပ်ပုံများ၊ အသံ၊ ဗီဒီယို၊ ဆော့ဖ်ဝဲနှင့် ဒေတာဖိုင်များကဲ့သို့ အချက်အလက်၊ အကြောင်းအရာနှင့် ပစ္စည်းများကို ရည်ညွှန်းပါသည်။ သင်ကဖြစ်စေ၊ သင့်အကောင့်အမည်ဖြင့်ဖြစ်စေ အပ်လုဒ်လုပ်ထားသော၊ ဒေါင်းလုဒ်လုပ်ထားသော၊ ထုတ်ပြန်ထားသော၊ အီးမေးလ်ပို့ထားသော၊ လွှဲပြောင်းပေးပို့ထားသော သို့မဟုတ် သိမ်းဆည်းထားသော သုံးစွဲသူ အကြောင်းအရာအတွက် သင့်တွင် အပြည့်အဝ တာဝန်ရှိပါသည်။ Huawei သည် သုံးစွဲသူ အကြောင်းအရာကို ထိန်းချုပ်ခြင်း သို့မဟုတ် ဝင်ရောက် သုံးစွဲခြင်း မပြုသည့်အတွက် သုံးစွဲသူ အကြောင်းအရာများ၏ မှန်ကန်တိကျမှု၊ စိတ်ချယုံကြည်ရမှု သို့မဟုတ် သင့်လျော်မှုကို Huawei က အာမခံခြင်း မရှိပါ။ ဝန်ဆောင်မှုများကို အသုံးပြုသော အခြားသုံးစွဲသူများ၏ သုံးစွဲသူ အကြောင်းအရာကို သင်အသုံးပြုခြင်းကြောင့် ပေါ်ပေါက်လာသော အန္တရာယ်များကို သင် တစ်ဦးတည်းကသာ တာဝန်ယူရမည်ဖြစ်ကြောင်း သင်သဘောတူပါသည်။ ရိုင်းပျသော၊ စိတ်အနှောင့်အယှက်ဖြစ်စေသော၊ ညစ်ညမ်းသော သို့မဟုတ် မသင့်လျော်သော အချက်အလက်များဟု သင် ယူဆသည့် သုံးစွဲသူ အကြောင်းအရာ မှန်သမျှအတွက် Huawei က တာဝန်မယူပါ။

8 ဝန်ဆောင်မှုများကို စောင့်ကြည့်စစ်ဆေးခြင်း

ကျွန်ုပ်တို့သည် ဝန်ဆောင်မှုများကို ဆောင်ရွက်ပေးရန်နှင့် တိုးတက်ကောင်းမွန်အောင်ပြုလုပ်ရန် (လိမ်လည်မှု ဟန့်တားခြင်း၊ အန္တရာယ် အကဲဖြတ်မှု၊ စုံစမ်းစစ်ဆေးမှုနှင့် သုံးစွဲသူ ကူညီပံ့ပိုးမှုဆိုင်ရာ ရည်ရွယ်ချက်များ ကန့်သတ်ချက်မရှိ အပါအဝင်)၊ ဤသဘောတူညီချက်၊ သက်ဆိုင်ရာ ဥပဒေများ၊ တရားရုံးတစ်ခုခု၊ နှစ်ဦးနှစ်ဖက် ပြေလည်ရေး သဘောတူညီချက်၊ စီမံအုပ်ချုပ်ရေး အစိုးရဌာန သို့မဟုတ် အခြားအစိုးရ အဖွဲ့အစည်းတစ်ခုခု၏ အမိန့်များ သို့မဟုတ် ညွှန်ကြားချက်များကို သင် လိုက်နာကြောင်း သေချာစေရန် ရည်ရွယ်ချက်များအတွက် လိုအပ်သည်ဟု ကျွန်ုပ်တို့ ဆုံးဖြတ်လိုက်သည့် စီမံဆောင်ရွက်ချက်များကို သက်ဆိုင်ရာ ဥပဒေများ၊ စည်းမျဉ်းများနှင့်အညီ ကျွန်ုပ်တို့၏ ကိုယ်ပိုင် တစ်ဦးတည်း ဆုံးဖြတ်ပိုင်ခွင့်ဖြင့် သင့်ထံ အကြောင်းမကြားဘဲ အချိန်မရွေး လုပ်ဆောင်နိုင်ကြောင်း သင်က သိရှိနားလည်ပါသည်။ သင်၏အကြောင်းအရာများ သင့်လျော်မှုရှိ၊ မရှိနှင့် ဤသဘောတူညီချက်ကို လိုက်နာမှုရှိ၊ မရှိ အချိန်မရွေး ဆုံးဖြတ်ပိုင်ခွင့် ကျွန်ုပ်တို့တွင်ရှိပြီး သင်၏အကြောင်းအရာများသည် ဤသဘောတူညီချက်ကို ချိုးဖောက်ကြောင်း တွေ့ရှိပါက သို့မဟုတ် အစိုးရစည်းမျဉ်းများနှင့် လူမှုရေးဓလေ့ထုံးတမ်းများကို ချိုးဖောက်ပါက သင့်ထံ ကြိုတင်သတိမပေးဘဲ ကျွန်ုပ်တို့၏ ကိုယ်ပိုင် တစ်ဦးတည်း ဆုံးဖြတ်ပိုင်ခွင့်ဖြင့် သင်၏အကြောင်းအရာများကို အချိန်မရွေး ကြိုတင်စစ်ဆေးခြင်း၊ ပြောင်းရွှေ့ခြင်း၊ ငြင်းပယ်ခြင်း၊ မွမ်းမံပြင်ဆင်ခြင်း နှင့်/သို့မဟုတ် ဖယ်ရှားခြင်းတို့ ပြုလုပ်နိုင်ပါသည်။

9 ကိုယ်ပိုင် အချက်အလက်နှင့် ဒေတာ စုဆောင်းမှု

ပိုမိုကောင်းမွန်သော ဝန်ဆောင်မှုများကို သင့်အား ပံ့ပိုးပေးရန် Huawei သည် သင်၏ ကိုယ်ရေး အချက်အလက်များကို သက်ဆိုင်သည့် ဥပဒေများနှင့် စည်းမျဉ်းများနှင့်အညီ သင် ပေးအပ်ထားသော သဘောတူညီချက်ဖြင့် စုစည်းရယူ၍ စီမံဆောင်ရွက်ပါမည်။

10 ရှင်းလင်းချက်များ

ဝန်ဆောင်မှုများကို သင် တစ်ဦးတည်းသာ အသုံးပြုရမည်ဖြစ်ပြီး အခြား မည်သည့် ပြင်ပ အဖွဲ့အစည်းကမျှ အသုံးမပြုရပါ။ ဝန်ဆောင်မှုများကို ခွင့်ပြုချက်မရှိဘဲ အသုံးပြုမှုကြောင့် ဖြစ်ပွားသည့် ဆုံးရှုံးမှုမှန်သမျှအတွက် Huawei နှင့် ၎င်း၏ အဖွဲ့ဝင်များ၊ အရာရှိများ၊ ဒါရိုက်တာများ၊ ဝန်ထမ်းများ၊ ကန်ထရိုက်တာများ၊ ကိုယ်စားလှယ်များ၊ ပြင်ပ အဖွဲ့အစည်း ငွေပေးချေ ဝန်ဆောင်မှု ပံ့ပိုးရေး ကုမ္ပဏီများ၊ မိတ်ဖက်များ၊ လိုင်စင်ချပေးသူများနှင့် ဖြန့်ချိသူများ (စုစည်း၍ "Huawei အဖွဲ့များ") တွင် တာဝန်မရှိကြောင်း သင်က သဘောတူပါသည်။

ကျွန်ုပ်တို့က ထိန်းချုပ်၍ မရနိုင်သော အကြောင်းရင်းများကြောင့် ဝန်ဆောင်မှုများကို သင်၏ သုံးစွဲနိုင်မှုသည် မသိနိုင်သော ကာလတစ်ခုအထိ နှောင့်ယှက်ခံရခြင်း၊ နှောင့်နှေးခြင်း သို့မဟုတ် ပြတ်တောက်သွားခြင်း ရှိနိုင်ပါသည်။ ထိုသို့သော နှောင့်ယှက်မှုများ၊ နှောင့်နှေးမှုများ၊ ပြတ်တောက်မှုများ သို့မဟုတ် အလားတူ ချွတ်ယွင်းမှုများနှင့် ဆက်စပ်သော သို့မဟုတ် ယင်းကြောင့် ဖြစ်ပွားသော အရာမှန်သမျှအတွက် မည်သည့် နစ်နာကြေး တောင်းဆိုချက်ကိုမျှ Huawei အဖွဲ့များက တာဝန်ယူမည် မဟုတ်ကြောင်း သင်က သဘောတူပါသည်။

သက်ဆိုင်ရာ ဥပဒေများက ခွင့်ပြုထားသည့် အမြင့်ဆုံးအတိုင်းအတာအထိ အောက်ပါ အကြောင်းရင်းတစ်ရပ်ရပ်ကြောင့် သင် သို့မဟုတ် အခြားတစ်ယောက်ယောက်က ဝန်ဆောင်မှုများကို ဝင်ရောက် သုံးစွဲ၍ မရခြင်း သို့မဟုတ် အသုံးမပြုနိုင်ခြင်း ဖြစ်ပွားပါက ယင်းကြောင့် ထိခိုက်မှု မှန်သမျှအတွက် သင့်ကို ဖြစ်စေ၊ အခြား မည်သူတစ်ဦးတစ်ယောက်ကိုဖြစ်စေ Huawei အဖွဲ့များက တာဝန်ယူမည် မဟုတ်ပါ-

(က) စနစ်များ၊ ဆော့ဖ်ဝဲ သို့မဟုတ် ဟာ့ဒ်ဝဲပိုင်းဆိုင်ရာ ပြုပြင်ထိန်းသိမ်းမှု လုပ်ဆောင်ရန် သို့မဟုတ် အပ်ဒိတ်များ ပြုလုပ်နိုင်ရန် Huawei က ဝန်ဆောင်မှုများကို ဆိုင်းငံ့ခြင်း သို့မဟုတ် ရပ်စဲခြင်း၊

(ခ) Huawei မဟုတ်သော အခြားသူတစ်ဦးဦးက ပိုင်ဆိုင်သည့် သို့မဟုတ် ထိန်းချုပ်သည့် စနစ် သို့မဟုတ် ကွန်ရက်၏ ဆက်သွယ်ရေး နှောင့်နှေးမှု သို့မဟုတ် ချွတ်ယွင်းမှု၊

(ဂ) Huawei နှင့် ၎င်း၏ ပြင်ပ အဖွဲ့အစည်း ငွေပေးချေ ဝန်ဆောင်မှု ပံ့ပိုးရေး ကုမ္ပဏီများအကြား စာချုပ် သို့မဟုတ် အခြား သဘောတူညီချက်များကို ဆိုင်းငံ့ခြင်း၊ ပယ်ဖျက်ခြင်း သို့မဟုတ် ရပ်စဲခြင်း၊

(ဃ) ခွင့်ပြုချက် မရဘဲ ဝင်ရောက်သုံးစွဲရန် ကြိုးပမ်းမှုများ သို့မဟုတ် အလားတူ လုံခြုံရေး ချိုးဖောက်မှုများကြောင့် ဖြစ်ပွားသည့် ချို့ယွင်းချက်များ သို့မဟုတ် အနှောင့်အယှက်ဖြစ်မှုများ၊ သို့မဟုတ်

(င) Huawei ၏ ကျိုးကြောင်းဆီလျော်သည့် ထိန်းချုပ်နိုင်စွမ်းထက် ကျော်လွန်သော အခြား ဖြစ်စဉ် သို့မဟုတ် ဖြစ်ရပ် တစ်ခုခု။

မည်သည်ကိုမျှ ကိုယ်စားပြုခြင်း သို့မဟုတ် ထောက်ခံချက်ပေးခြင်းမရှိဘဲ ဝန်ဆောင်မှုများကို "ရှိရင်းစွဲအတိုင်း" နှင့် "ရရှိနိုင်သည့်အတိုင်း" ပံ့ပိုးပေးထားပါသည်။ သက်ဆိုင်ရာဥပဒေများက ခွင့်ပြုထားသည့် အမြင့်ဆုံးအတိုင်းအတာအထိ Huawei အဖွဲ့များသည် အတိအလင်းဖြစ်စေ၊ သွယ်ဝိုက်၍ဖြစ်စေ ဖော်ပြထားသည့် အာမခံများ၊ အခြေအနေများ သို့မဟုတ် အခြား စည်းမျဉ်းမှန်သမျှ အားလုံးနှင့် မသက်ဆိုင်ကြောင်း ငြင်းဆိုပြီး အောက်ပါတို့အတွက် မည်သည့်အာမခံမှု၊ တာဝန်ယူမှု၊ ကိုယ်စားပြုမှု သို့မဟုတ် အာမခံပေးမှုကိုမျှ ပြုလုပ်မည် မဟုတ်ပါ-

(က) ဝန်ဆောင်မှုများတွင်ဖြစ်စေ၊ ဝန်ဆောင်မှုများမှတစ်ဆင့်ဖြစ်စေ ရရှိနိုင်သော အကြောင်းအရာမှန်သမျှ၏ ပြီးပြည့်စုံမှု၊ တိကျမှန်ကန်မှု၊ ယုံကြည်စိတ်ချရမှု သို့မဟုတ် အချိန်နှင့်တစ်ပြေးညီဖြစ်မှု၊

(ခ) ဝန်ဆောင်မှုများ သို့မဟုတ် ၎င်းတို့ကို လက်ခံဆောင်ရွက်ပေးနေသော ဆာဗာ(များ)သည် အပြစ်အနာအဆာများ၊ ချို့ယွင်းချက်များ၊ ဗိုင်းရပ်စ်များ၊ ချွတ်ယွင်းချက်များ သို့မဟုတ် အခြားအန္တရာယ်ရှိသော အရာများ ကင်းစင်ကြောင်း၊

(ဂ) ဝန်ဆောင်မှုများ၏ လုပ်ဆောင်ချက် သို့မဟုတ် လုပ်ဆောင်နိုင်စွမ်းတွင် အပြစ်အနာအဆာများ ရှိပါက ပြင်ဆင်ပေးမည်ဖြစ်ကြောင်း၊

(ဃ) ဝန်ဆောင်မှုများ၏ တိကျသော လုပ်ဆောင်ချက်များ၊ ဝန်ဆောင်မှုများကို သင် အသုံးပြုလိုက်သည့် သို့မဟုတ် ဝင်ရောက် သုံးစွဲလိုက်သည့် ရလဒ်အနေဖြင့် ရရှိလာသော အချက်အလက်မှန်သမျှ၏ ယုံကြည်စိတ်ချရမှု၊ အရည်အသွေး သို့မဟုတ် တိကျမှန်ကန်မှုတို့ကို အာမခံပေးနိုင်ကြောင်း၊

(င) ဝန်ဆောင်မှုများ၏ လုံခြုံရေး သို့မဟုတ် ချို့ယွင်းချက်ကင်းစင်မှုနှင့်

(စ) ဝန်ဆောင်မှုများ၏ ယုံကြည်စိတ်ချရမှု၊ အရည်အသွေး၊ တိကျမှန်ကန်မှု၊ ရရှိနိုင်မှု သို့မဟုတ် သင့်လိုအပ်ချက်များကို ဖြည့်ဆည်းပေးနိုင်မှု၊ အချက်အလက်အချို့ ပံ့ပိုးပေးနိုင်မှု သို့မဟုတ် အချို့သော ရလဒ်များ သို့မဟုတ် အကျိုးဆက်များ ရရှိနိုင်မှု။ ဝန်ဆောင်မှုများ သို့မဟုတ် သင် (သို့မဟုတ် အခြားပုဂ္ဂိုလ်တစ်ဦးဦး) က ဝန်ဆောင်မှုများကို ဝင်ရောက် သုံးစွဲမှု နှင့်/သို့မဟုတ် အသုံးပြုမှုမှတစ်ဆင့် ရရှိလာသော အခြားအချက်အလက် အားလုံးကိုဖြစ်စေ၊ တစ်စိတ်တစ်ပိုင်းကိုဖြစ်စေ သင်၏ ယုံကြည်အားထားခြင်း၊ အသုံးပြုခြင်း သို့မဟုတ် အဓိပ္ပါယ်ကောက်ယူခြင်းကြောင့် ဖြစ်ပွားသော ဆုံးရှုံးနစ်နာမှုများ သို့မဟုတ် သင့်အား ထိခိုက်ပျက်စီးစေမှုမှန်သမျှအတွက် Huawei အဖွဲ့များတွင် တာဝန်မရှိပါ။

နိုင်ငံအချို့၏ ဥပဒေများတွင် အချို့သော အာမခံပေးမှုများ၊ အာမခံများ သို့မဟုတ် ပေးရန်တာဝန်များကို စာချုပ်ထဲတွင် ချန်လှပ်ထားခြင်း သို့မဟုတ် ကန့်သတ်ခြင်းကို ခွင့်မပြုပါ။ ယင်းဥပဒေများက သင့်အပေါ် သက်ရောက်ပါက အထက်ပါ ခြွင်းချန်မှု သို့မဟုတ် ကန့်သတ်မှု အချို့ သို့မဟုတ် အားလုံးသည် သင့်အပေါ် သက်ရောက်နိုင်မည် မဟုတ်ပါ။ ဤသဘောတူညီချက်တွင် ပါဝင်သည့် မည်သည့်အရာကမျှ သုံးစွဲသူတစ်ဦးအဖြစ် သင် တရားဝင်ခံစားခွင့်ရှိသည့် အခွင့်အရေးများကို မထိခိုက်စေပါ။

11 လျော်ကြေးပေးခြင်း

သင်နေထိုင်ရာ တရားစီရင်ပိုင်ခွင့်နယ်မြေရှိ သက်ဆိုင်ရာ ဥပဒေက ခွင့်ပြုထားသည့် အမြင့်ဆုံးအတိုင်းအတာအထိ သင်သည် Huawei အဖွဲ့များအား အောက်ပါတို့ကြောင့် ဖြစ်ပွားသော သို့မဟုတ် အောက်ပါတို့နှင့် ဆက်စပ်သော နစ်နာကြေး တောင်းဆိုမှု၊ တရားစွဲဆိုမှု သို့မဟုတ် အရေးယူဆောင်ရွက်မှု မှန်သမျှမှ လွတ်ကင်းအောင် ပြုလုပ်ပေးရမည်ဖြစ်ပြီး ကုန်ကျစရိတ်မှန်သမျှအတွက် လျော်ကြေးပေးရပါမည်-

(1) သင်၏ အကြောင်းအရာများ၊

(2) ဝန်ဆောင်မှုများကို သင်၏ အသုံးပြုမှု၊

(3) သဘောတူညီချက် သို့မဟုတ် သက်ဆိုင်ရာ EULA ၏ အစိတ်အပိုင်းတစ်ခုခုကို သင်၏ ချိုးဖောက်မှု သို့မဟုတ် လိုက်နာရန် ပျက်ကွက်မှု၊

(4) ပြင်ပ အဖွဲ့အစည်း၏ ဉာဏပစ္စည်းဆိုင်ရာ မူပိုင်ခွင့် သို့မဟုတ် အခြားအခွင့်အရေးများကို သင်၏ ချိုးဖောက်မှု၊ သို့မဟုတ်

(5) သင်၏ HUAWEI ID ကို အသုံးပြုသည့် မည်သူမဆို၏ အလားတူ လုပ်ဆောင်ချက်များ သို့မဟုတ် ချိုးဖောက်မှုများ၊

အထက်ဖော်ပြပါ အခြေအနေများကြောင့် ဖြစ်ပွားသည့် အငြင်းပွားမှုများ၊ တိုင်ကြားမှုများနှင့် တရားစွဲဆိုမှုများအတွက် ကျခံရမည့် ပေးလျော်ရန်တာဝန်များ၊ ထိခိုက်ပျက်စီးမှုများ၊ ကုန်ကျစရိတ်များ၊ တရားစွဲဆိုစရိတ်များနှင့် ရှေ့နေခများ အပါအဝင်။ သင်သည် Huawei အဖွဲ့များက လိုအပ်သည့်အတိုင်း ကျိုးကြောင်းဆီလျော်စွာ အပြည့်အဝ မဆိုင်းမတွ ကူညီပူးပေါင်းဆောင်ရွက်မည်ဟု ကတိပြု၍ သဘောတူပါသည်။

12 သင်က ရပ်စဲခြင်း

သင်သည် အက်ပ်ဆက်တင်များ မျက်နှာပြင်မှတစ်ဆင့် ကင်မရာနှင့် သိုလှောင်မှု ခွင့်ပြုချက်များကို ပြန်လည်ရုပ်သိမ်းနိုင်ပါသည်။ အက်ပ်၏ လူ့ခန္ဓာကိုယ် တိုင်းတာမှု လုပ်ဆောင်ချက်ကို အသုံးပြုချိန်တွင် သင်သည် လုပ်ဆောင်ချက် မျက်နှာပြင်မှတစ်ဆင့် ခွင့်ပြုချက်ကို ရုပ်သိမ်းနိုင်ပြီး ဝန်ဆောင်မှုများ အသုံးပြုခြင်းကို ရပ်တန့်နိုင်သည်။

သင့်အကောင့်ကို ရပ်စဲပြီးနောက် သင့်အကောင့်ရှိ အချက်အလက်များ၊ ဖိုင်များနှင့် သိမ်းဆည်းထားသည့် အကြောင်းအရာအားလုံးကို Huawei က ချက်ချင်း၊ အပြီးအပိုင် ဖျက်ပစ်နိုင်ပါသည်။ သို့သော် အချို့သော တရားဝင်၍ လက်တွေ့ကျသော အကြောင်းအချက်များအပေါ် မူတည်၍ Huawei သည် အဆိုပါ ဒေတာများ၏ ဘက်ခ်အပ် မိတ္တူများကို ဖျက်ပစ်၍ မရနိုင်ပါ။ ထို့ပြင် မက်ဆေ့ချ်များ အပါအဝင် အခြားသုံးစွဲသူများထံ သင် ပေးပို့ထားသည့် အကြောင်းအရာကိုလည်း ဖျက်ပစ်၍ မရနိုင်ပါ။

သင့်အကောင့်ကို ရပ်စဲလိုက်ခြင်းသည် ရပ်စဲသည့် ရက်စွဲတွင်ဖြစ်စေ၊ ယင်းမတိုင်မီတွင်ဖြစ်စေ စုစုပေါင်းပေးရန်ရှိသော အဖိုးအခများကို ပေးချေရမည့် သင်၏ တာဝန်ဝတ္တရားမှန်သမျှမှ လွတ်ကင်းသွားစေမည် မဟုတ်ပါ။ သင့်အကောင့်ကို ရပ်စဲလိုက်ပြီးနောက် ဝန်ဆောင်မှုများကို သင် ဝင်ရောက် သုံးစွဲ၍ မရနိုင်ခြင်းကြောင့် ဖြစ်ပေါ်လာသော အကျိုးဆက်မှန်သမျှအတွက် Huawei သို့မဟုတ် မည်သည့်ပြင်ပ အဖွဲ့အစည်းတွင်မျှ တာဝန်မရှိပါ။

13 Huawei က ဆိုင်းငံ့ခြင်း သို့မဟုတ် ရပ်စဲခြင်း

သက်ဆိုင်ရာ ဥပဒေများအရ ကျွန်ုပ်တို့က ပုဂ္ဂိုလ်တစ်ဦးတစ်ယောက် သို့မဟုတ် ပြင်ပ အဖွဲ့အစည်းတစ်ခုခုအတွက် တာဝန်ယူခြင်းမရှိဘဲ ဝန်ဆောင်မှုများ၏ တစ်စိတ်တစ်ပိုင်းကိုဖြစ်စေ၊ အားလုံးကိုဖြစ်စေ သင်၏ ဝင်ရောက် သုံးစွဲခွင့်အား ယာယီဖြစ်စေ၊ အပြီးတိုင်ဖြစ်စေ အချိန်မရွေး ဆိုင်းငံ့ခြင်း၊ ကန့်သတ်ခြင်း၊ ပယ်ဖျက်ခြင်း သို့မဟုတ် ရပ်စဲခြင်းတို့ ပြုလုပ်နိုင်ပါသည်။ ယင်းသို့မလုပ်ဆောင်မီ ကျွန်ုပ်တို့သည် သင့်ကိုအသိပေးရန် ကြိုးစားပါမည်။ သို့သော်လည်း ကျွန်ုပ်တို့သည် အောက်ပါ အခြေအနေများအရ ဝန်ဆောင်မှုများ၏ တစ်စိတ်တစ်ပိုင်း သို့မဟုတ် အားလုံးသို့ သင်၏ ဝင်ရောက် သုံးစွဲခွင့်ကို ကြိုတင်အသိပေးခြင်းမရှိဘဲ ချက်ချင်း ဆိုင်းငံ့ခြင်း၊ ကန့်သတ်ခြင်း၊ ပယ်ဖျက်ခြင်း သို့မဟုတ် ရပ်စဲခြင်းတို့ ပြုလုပ်နိုင်ပါသည်-

(က) ဤတွင် ပေါင်းစည်းဖော်ပြထားသော သဘောတူညီချက်များ၊ မူဝါဒများ သို့မဟုတ် လမ်းညွှန်ချက်များ အပါအဝင် ဤသဘောတူညီချက်ကို သင် ချိုးဖောက်ပါက သို့မဟုတ် ချိုးဖောက်တော့မည်ဟု Huawei က ယုံကြည်ပါက၊

(ခ) သင် သို့မဟုတ် သင့်ကိုယ်စားဆောင်ရွက်သော တစ်စုံတစ်ဦးက မဟုတ်မမှန်စွာ သို့မဟုတ် တရားမဝင်စွာ ပြုမူဆောင်ရွက်ပါက သို့မဟုတ် မှားယွင်းသော သို့မဟုတ် နားလည်မှုလွဲမှားစေသော အချက်အလက်များကို Huawei ထံ ပံ့ပိုးပေးပါက၊

(ဂ) တရားဝင်သော ဥပဒေရေးရာကိစ္စရပ်အရ ဥပဒေစိုးမိုးရေး ရဲအရာရှိများ သို့မဟုတ် အခြားအစိုးရဌာနများ၏ တောင်းဆိုချက်များကို တုံ့ပြန်ရန်လိုအပ်ပါက၊

(ဃ) စနစ်များ သို့မဟုတ် ဟာ့ဒ်ဝဲပိုင်းဆိုင်ရာ အရေးပေါ် ပြုပြင်ထိန်းသိမ်းမှု သို့မဟုတ် အရေးပေါ် အပ်ဒိတ်များ ဆောင်ရွက်နိုင်စေရန် သို့မဟုတ်

(င) မျှော်လင့်မထားသော နည်းပညာ၊ ဘေးကင်းရေး၊ လုပ်ငန်း သို့မဟုတ် လုံခြုံရေး အကြောင်းရင်းများကြောင့်။

ဤသဘောတူညီချက် သက်တမ်းကုန်ဆုံးခြင်း သို့မဟုတ် ၎င်းကို ရပ်စဲခြင်းသည် ဖော်ပြပါသဘောတူညီချက် သက်တမ်းကုန်ဆုံးပြီး သို့မဟုတ် ရပ်စဲပြီးသည့် နောက်ပိုင်းတွင် ဆက်လက်လုပ်ဆောင်ရန် သို့မဟုတ် အကျိုးသက်ရောက်မှုရှိစေရန် အတိအလင်းဖော်ပြထားသည့် ဤသဘောတူညီချက်ပါ စည်းကမ်းချက်များအပေါ် ထိခိုက်စေမည်မဟုတ်သည့်အပြင် ပြဋ္ဌာန်းထားပြီးဖြစ်သော အခွင့်အရေးများ သို့မဟုတ် တာဝန်ဝတ္တရားများ သို့မဟုတ် ယင်းကဲ့သို့ သက်တမ်းကုန်ဆုံးပြီးနောက်တွင်ပင် သို့မဟုတ် ရပ်စဲပြီးနောက်တွင်ပင် ဆက်လက်တည်ရှိနေစေရန် ရည်ရွယ်ထားသော အခွင့်အရေးများ သို့မဟုတ် တာဝန်ဝတ္တရားများကို ထိခိုက်စေမည်မဟုတ်ပါ။

ဤသဘောတူညီချက်ကို ရပ်စဲလိုက်သည့်တိုင် ဆက်လက်တည်ရှိနေစေရန် ပင်ကိုအားဖြင့်ဖြစ်စေ၊ အတိအလင်းဖော်ပြ၍ဖြစ်စေ ရည်ရွယ်ထားသော ဤသဘောတူညီချက်ပါ ပြဋ္ဌာန်းချက်များသည် သဘောတူညီချက်ကို ရပ်စဲလိုက်ပြီး ဖြစ်သော်ငြားလည်း အဆိုပါ ပြဋ္ဌာန်းချက်များကို ဖြည့်ဆည်းဆောင်ရွက်ပြီးသည့် အချိန်အထိ သို့မဟုတ် ၎င်းတို့၏ ပင်ကိုသဘောသဘာဝအရ သက်တမ်းကုန်ဆုံးသွားသည့်အချိန်အထိ အပြည့်အဝ ဆက်လက်အကျုံးဝင်နေမည်ဖြစ်ပြီး ထိုသို့ ရပ်စဲပြီးနောက်ပိုင်းတွင်လည်း သက်ရောက်မှု ရှိနေရမည်။

14 ဤသဘောတူညီချက်တွင် ပြောင်းလဲမှုများ

Huawei သည် ဝန်ဆောင်မှုများကို စဉ်ဆက်မပြတ် အပ်ဒိတ်လုပ်ပြီး၊ ပြောင်းလဲကာ တိုးတက်ကောင်းမွန်အောင် ဆောင်ရွက်လျက်ရှိပါသည်။ Huawei အနေဖြင့် ဝန်ဆောင်မှုများတွင် လုပ်ဆောင်နိုင်စွမ်းများ သို့မဟုတ် လုပ်ဆောင်ချက်များကို ထပ်ထည့်ခြင်း သို့မဟုတ် ဖယ်ရှားခြင်း၊ ကန့်သတ်ချက်အသစ်များ ဖန်တီးခြင်း သို့မဟုတ် ဝန်ဆောင်မှုများကို ယာယီဖြစ်စေ၊ အပြီးတိုင်ဖြစ်စေ ဆိုင်းငံ့ခြင်း သို့မဟုတ် ရပ်ဆိုင်းခြင်းတို့ကို ပြုလုပ်နိုင်ပါသည်။ Huawei သည် ဝန်ဆောင်မှုများ၏ အပ်ဒိတ်များအပေါ် အခြေခံ၍လည်း ဤသဘောတူညီချက်ကို အချိန်မရွေး မွမ်းမံပြင်ဆင်နိုင်ပါသည်။

အပ်ဒိတ်လုပ်ထားသော သဘောတူညီချက် ထွက်ရှိသည်နှင့် မူရင်း သဘောတူညီချက်နေရာတွင် ၎င်းကို အစားထိုးပါမည်။ ကျွန်ုပ်တို့သည် အက်ပ်တွင်း သဘောတူညီချက် အပ်ဒိတ် အသိပေးချက်ကို အချိန်မီ ပေးပို့ပါမည်။ အပ်ဒိတ်လုပ်ထားသော စည်းမျဉ်းများကို သင်လက်မခံပါက ဝန်ဆောင်မှုများ သုံးစွဲခြင်းကို ချက်ချင်းရပ်ပါ။ ဝန်ဆောင်မှုများကို သင် ဆက်လက် ဝင်ရောက် သုံးစွဲပါက သို့မဟုတ် အသုံးပြုပါက အပ်ဒိတ်လုပ်ထားသော သဘောတူညီချက်ကို သင် လက်ခံလိုက်သည်ဟု မှတ်ယူပါမည်။

ကျွန်ုပ်တို့သည် ဤသဘောတူညီချက်တွင် သုံးစွဲသူများကို အကြီးအကျယ် ထိခိုက်စေမည့် သို့မဟုတ် ဝန်ဆောင်မှုများကို ၎င်းတို့၏ ဝင်ရောက် သုံးစွဲခွင့် သို့မဟုတ် အသုံးပြုမှုကို အကြီးအကျယ် ကန့်သတ်လိုက်မည့် ပြောင်းလဲမှုများအကြောင်းကို သင့်လျော်သော အချိန်ကာလအတွင်း သင့်ကို အသိပေးပါမည်။ လုံခြုံရေး၊ ဘေးကင်းရေး၊ ဥပဒေဆိုင်ရာ သို့မဟုတ် စည်းကမ်းထိန်းသိမ်းမှုပိုင်းဆိုင်ရာ သတ်မှတ်ချက်များနှင့် ကိုက်ညီအောင် ဝန်ဆောင်မှုများတွင် ပြောင်းလဲမှုများ လုပ်ဆောင်ရန် လိုအပ်ပါက ကျွန်ုပ်တို့သည် အထက်ပါ အချိန်အတိုင်းအတာများအတိုင်း ကိုက်ညီအောင် လုပ်ဆောင်နိုင်မည်မဟုတ်ဘဲ လက်တွေ့ဆောင်ရွက်နိုင်သည်နှင့်ချက်ချင်း ဤပြောင်းလဲမှုများအကြောင်း သင့်ကို အမြန်ဆုံး အသိပေးသွားပါမည်။

15 လိုက်နာဆောင်ရွက်ရမည့် ဥပဒေများနှင့် တရားစီရင်ပိုင်ခွင့်နယ်မြေ

ဤသဘောတူညီချက် ဖွဲ့စည်းမှု၊ အဓိပ္ပါယ်ကောက်ယူမှုနှင့် စီမံလုပ်ဆောင်မှုကို တရုတ်ပြည်သူ့သမ္မတနိုင်ငံ၏ ဥပဒေစည်းမျဉ်းများအတိုင်း လိုက်နာဖွဲ့စည်းထားပါသည်။ သင်နှင့် Huawei သည် တရုတ်ရှိ Longgang District ၊ Shenzhen ၊ Guangdong Province တွင် ဤသဘောတူညီချက်ကို လက်မှတ်ရေးထိုးခဲ့ကြောင်း သဘောတူလက်ခံပါသည်။ စာချုပ်များတွင် ပါဝင်သော အကြောင်းအရာများကို ဆောင်ရွက်မှုကြောင့် နှစ်ဦးနှစ်ဖက်အကြား ဖြစ်ပွားသည့် အငြင်းပွားမှု မှန်သမျှကို ညှိနှိုင်းဆွေးနွေးခြင်းဖြင့် ဖြေရှင်းရမည်။ ညှိနှိုင်းဖြေရှင်း၍ မရပါက ဤသဘောတူညီချက်ကို လက်မှတ်ထိုးခဲ့သည့် နေရာရှိ သင့်လျော်သော တရားစီရင်ပိုင်ခွင့်နယ်မြေတွင်ရှိသော ပြည်သူ့တရားရုံးတွင် တစ်ဖက်ဖက်က တရားစွဲဆို တိုင်တန်းနိုင်ပါသည်။

16 အထွေထွေ စည်းမျဉ်းများ

ဝန်ဆောင်မှုများ သို့မဟုတ် ပြင်ပ အဖွဲ့အစည်းများသည် အခြားဝက်ဘ်ဆိုဒ်များ သို့မဟုတ် ရင်းမြစ်များအတွက် လင့်ခ်များကို ပံ့ပိုးပေးနိုင်ပါသည်။ ကျွန်ုပ်တို့သည် ယင်းကဲ့သို့ ပြင်ပဝက်ဘ်ဆိုဒ်များ သို့မဟုတ် ရင်းမြစ်များကို ရရှိနိုင်မှုအတွက် တာဝန်မခံကြောင်းနှင့် ယင်းဝက်ဘ်ဆိုဒ်များ သို့မဟုတ် ရင်းမြစ်များတွင်ဖြစ်စေ၊ ၎င်းတို့မှတစ်ဆင့် ဖြစ်စေ ရရှိနိုင်သော အကြောင်းအရာ၊ ကြော်ငြာ၊ ကုန်ပစ္စည်းများ သို့မဟုတ် အခြားအချက်အလက်များအတွက် ထောက်ခံချက်ပေးမည် မဟုတ်သလို ၎င်းတို့အတွက် တာဝန်ယူမည် သို့မဟုတ် ပေးရန်တာဝန်ယူမည် မဟုတ်ကြောင်း သင်က အသိအမှတ်ပြု သဘောတူပါသည်။ ယင်းကဲ့သို့ ဝက်ဘ်ဆိုဒ် သို့မဟုတ် ရင်းမြစ်တစ်ခုခုတွင် သို့မဟုတ် ယင်းတို့မှတစ်ဆင့် ရရှိနိုင်သော အကြောင်းအရာ၊ ကုန်ပစ္စည်း သို့မဟုတ် ဝန်ဆောင်မှု မှန်သမျှကို သင်၏ အသုံးပြုမှု သို့မဟုတ် ၎င်းတို့အပေါ် အားထားမှုကြောင့် သို့မဟုတ် ၎င်းတို့နှင့် ဆက်စပ်၍ ဖြစ်ပွားသော သို့မဟုတ် ဖြစ်ပွားသည်ဟု စွပ်စွဲခံရသော ထိခိုက်ပျက်စီးမှု သို့မဟုတ် ဆုံးရှုံးမှုမှန်သမျှအတွက် ကျွန်ုပ်တို့က တာဝန်မယူပါ သို့မဟုတ် ဥပဒေအရ တာဝန်မရှိပါ။

ဤသဘောတူညီချက်ရှိ မည်သည့်အကြောင်းအရာကိုမျှ သင်နှင့် Huawei ကြား မိတ်ဖက်ပြုမှု သို့မဟုတ် ကိုယ်စားလှယ်လုပ်ငန်းဆိုင်ရာ ဆက်ဆံရေးတစ်ခုကို ဖန်တီးမှုဟု အဓိပ္ပါယ်ကောက်ယူရမည် မဟုတ်သည့်အပြင် မည်သည့်အဖွဲ့ကမျှ အခြားသူ၏ အမည်ဖြင့်ဖြစ်စေ၊ အခြားသူကိုယ်စားဖြစ်စေ ပေးရန်တာဝန်၊ ပေးလျော်ရန် ကြွေးမြီ သို့မဟုတ် ကုန်ကျစရိတ်မှန်သမျှကို ခံယူရန် အခွင့်အရေး သို့မဟုတ် လုပ်ပိုင်ခွင့် မရှိရပါ သို့မဟုတ် စာချုပ်များ ချုပ်ဆိုခြင်း သို့မဟုတ် အခြား သဘောတူညီမှုများ လုပ်ဆောင်ခြင်း မပြုရပါ။

Huawei ၏ ကျိုးကြောင်းသင့်လျော်စွာ ထိန်းချုပ်နိုင်စွမ်းထက် ကျော်လွန်သော ကိစ္စရပ်များကြောင့် သို့မဟုတ် ယင်းတို့ကို အကြောင်းခံ၍ ဤသဘောတူညီချက်အရ ၎င်း၏ တာဝန်ဝတ္တရားများကို ဆောင်ရွက်ရန် သို့မဟုတ် ဝန်ဆောင်မှုများကို ပံ့ပိုးပေးရန် ပျက်ကွက်မှု သို့မဟုတ် နှောင့်နှေးမှု တစ်စုံတစ်ရာ ဖြစ်ပွားပါက ၎င်းတို့အတွက် Huawei တွင် တာဝန်မရှိပါ။

Huawei ၏ ရုံးခွဲများနှင့် ကုမ္ပဏီခွဲများသည် ဤသဘောတူညီချက်၏ ပြင်ပ အဖွဲ့အစည်း အကျိုးခံစားခွင့်ရှိသူများ ဖြစ်သည်။ ၎င်းတို့သည် ဤသဘောတူညီချက်နှင့် ပတ်သက်သော အဖွဲ့အစည်းများအဖြစ် ဤသဘောတူညီချက်ကို ကျင့်သုံးနိုင်သည်။ Huawei သည် သင်၏ လုပ်ပိုင်ခွင့်များနှင့် အကျိုးစီးပွားများကို မယုတ်လျော့စေဘဲ ဤသဘောတူညီချက်အရ Huawei ၏ လုပ်ပိုင်ခွင့်များနှင့် တာဝန်များကို လွှဲပြောင်းခွင့်၊ တစ်ဆင့်ခံ စာချုပ်ချုပ်ဆိုခွင့် သို့မဟုတ် အစားထိုးပိုင်ခွင့် ရှိသည်။

လုပ်ပိုင်ခွင့်ရှိသော တရားစီရင်ပိုင်ခွင့်နယ်မြေ၏ တရားရုံး သို့မဟုတ် အခြား လုပ်ပိုင်ခွင့်ရှိသော အာဏာပိုင်အဖွဲ့တစ်ခုခုက ဤသဘောတူညီချက်၏ ပြဋ္ဌာန်းချက်တစ်ခုခုကို ပယ်ဖျက်ခြင်း၊ တရားမဝင်စေခြင်း သို့မဟုတ် ပြဋ္ဌာန်းမရစေခြင်း ပြုလုပ်ထားကြောင်း တွေ့ရှိပါက ၎င်းကို ဤသဘောတူညီချက်ထဲမှ ဖျက်ရမည်ဟု မှတ်ယူရမည်ဖြစ်ပြီး ဤသဘောတူညီချက်၏ အခြားပြဋ္ဌာန်းချက်အားလုံးက အပြည့်အဝ ဆက်လက်၍ အကျိုးသက်ရောက်မှု ရှိပါမည်။

17 ကျွန်ုပ်တို့ထံ ဆက်သွယ်ခြင်း

ဤသဘောတူညီချက်နှင့် စပ်လျဉ်း၍ သင့်တွင် မေးမြန်းစရာများရှိပါက အောက်ပါအချက်အလက်များကို အသုံးပြုပြီး ကျွန်ုပ်တို့ထံ ဆက်သွယ်ပါ- 950800.