Kasepakatan Pangguna Pangukuran AR HUAWEI
Panganyaran pungkasan: 22 September 2021
1 Babagan Kita
Syarat ing ngisor minangka kasepakatan sing naleni kanthi sah miturut ukum antarane sampeyan lan Huawei Device Co., Ltd. (sabanjure disebut "Huawei"). Wacanen kanthi tliti Kasepakatan Pangguna Pangukuran AR HUAWEI iki lan kabijakan liyane sing gegandhengan karo Layanan (bebarengan, "Kasepakatan" iki), kanggo mesthekake menawa sampeyan mangerteni syarat Kasepakatan iki kanthi tenanan. Kasepakatan iki netepake tanggung jawab lan kuwajiban ukum sampeyan babagan panggunaan layanan Pangukuran AR HUAWEI (sabanjure disebut "Layanan") dening sampeyan. Ing Kasepakatan iki, "sampeyan" ngrujuk marang individu sapa wae sing nggunakake lan ngakses Layanan. Kanthi ndumuk SARUJUK kanggo nyarujuki Kasepakatan iki lan login menyang apl iki, sampeyan nuduhake menawa wis maca lan nampa kabeh syarat Kasepakatan iki. Yen ora sarujuk karo konten Kasepakatan iki sing endi wae, sampeyan nduwe hak kanggo langsung mandheg nggunakake Layanan iki.
2 Katemtuan Nggunakake Layanan
Yen durung cukup umur, sampeyan kudu maca Kasepakatan iki karo wong tuwa utawa wali resmi sampeyan kanggo mesthekake menawa piyambake paham tenan babagan konten Kasepakatan iki, sadurunge mutusake kanggo nggunakake Layanan. Sadurunge entuk palilah saka wong tuwa utawa wali resmi sampeyan, aja nggunakake Layanan iki. Saliyane kuwi, kita nyaranake wong tuwa utawa wali resmi supaya nindakake pangawasan lan pandhuan sing lumrah marang panggunaan Internet, ponsel, lan piranti liyane dening anake.
3 Ngakses Layanan
Kita menehi sampeyan lisensi sing winates, ora eksklusif, ora bisa ditransfer, ora bisa disublisensi, lan bisa dibatalake kanggo ngakses lan nggunakake Layanan, sing tundhuk karo, lan miturut, Kasepakatan iki.
4 Konten Layanan
Layanan nyedhiyakake layanan Pangukuran AR HUAWEI, sing utamane nyakup fitur ing ngisor iki:
(1) Objek pangukuran
Kanggo nggunakake fitur pangurukan objek, sampeyan perlu milih Objek lan nindakake operasi kaya sing dijaluk kanggo ngukur dawane, area, lan volume objek.
(2) Pangukuran awak manungsa
Kanggo nggunakake fitur pangukuran awak manungsa, sampeyan perlu milih Wong lan nindakake operasi kaya sing dijaluk kanggo ngukur dhuwure, detak jantung, lan laju respiratori (mung sumadhiya ing model piranti tartamtu).
5 Syarat Panggunaan
Sampeyan sarujuk kanggo nggunakake Layanan kanthi bener, nampa kasepakatan iki, lan bakal netepi samubarang ukum lan paugeran sing ditrapake. Kanthi ngakses lan nggunakake Layanan, sampeyan janji lan sarujuk kanggo ngleksanakake kanthi cara sing sah lan etis sarta miturut Kasepakatan iki. Sampeyan ora entuk nggunakake Layanan kanggo ngirimake materi liwat transmisi, utawa melu kagiyatan sing:
(a) Ngunggah, ngundhuh, nyimpen, nggawe duplikat, nerbitake, ngirim liwat transmisi, ngirim liwat email, utawa malah nyedhiyakake konten sing dilarang dening ukum, paugeran, lan kabijakan sing ditrapake;
(b) Nglanggar prinsip dhasar Konstitusi;
(c) Ngganggu keamanan nasional, mbocorake rahasia negara, nggulingake kuwasa negara, utawa ngrusak manunggale negara;
(d) Ngganggu pakurmatan lan kapentingan nasional;
(e) Ngojok-ojoki supaya sengit utawa diskriminasi etnis, utawa ngganggu solidaritas etnis;
(f) Ngganggu kabjiakan agamane negara utawa ngumumake pamujan setan utawa ideologi feodal lan tahayul;
(g) Nyebarake kabar angin, ngganggu tatanan sosial, utawa ngrusak stabilitas sosial;
(h) Nyebarake utawa nggambarake konten sing ngandhut bab sing saru, pornografi, judhi, aniaya, rajapati, teror, utawa sekongkol bab durjana;
(i) Ngina, fitnah, utawa nglanggar hak ukum lan kapentingan wong liya;
(j) Mbebayani moralitas sosial utawa kaunggulan tradhisi budaya;
(k) Nglanggar samubarang hak paten, hak cipta, hak merek dagang, hak reputasi, utawa hak lan kapentingan liyane sing sah; utawa
(l) Dipenging dening ukum utawa paugeran administratif.
Kanthi iki, sampeyan njamin lan janji:
(a) Ora niru, ngowahi, utawa modifikasi, kabeh utawa bagean Layanan sing endi wae, utawa ngidini Layanan utawa bageane sing endi wae kanggo digabungake karo, utawa dilebokake ing, program liyane sing endi wae;
(b) Ora ngentukake utawa ngupaya ngentukake akses tanpa otorisasi menyang utawa ngrusak samubarang aspek Layanan utawa sistem utawa jaringane sing gegandhengan;
(c) Ora mbongkar, mbrengkal, ngrekayasa walik, utawa nggawe karya turunan adhedhasar kabeh utawa bagean Layanan sing endi wae, utawa nyoba nindakake kuwi ngluwihi wates sing diidinake dening ukum sing ditrapake;
(d) Ora nyebarake, menehi lisensi, nyewakake, ngadol, dol tinuku, transfer, nampilake kanggo umum, nindakake ing ngarep umum, ngirim liwat transmisi, nggawe streaming, nyiarake, utawa nyalahgunakake Layanan;
(e) Ora nyedhiyakake utawa ngupayakake sumadhiyane Layanan kanthi wutuh utawa sabagean (kalebu objek lan kode sumber), awujud apa wae kanggo sapa wae tanpa palilah tinulis kita sadurunge;
(f) Ora nyamar dadi wong liya utawa nggawe pranyatan palsu utawa nggawe gambaran sing salah babagan afiliasi sampeyan karo wong utawa entitas liya;
(g) Ora nggunakake Layanan (utawa bagean Layanan sing endi wae) kanthi cara apa wae sing nglanggar ukum, kanggo tujuan apa wae sing nglanggar ukum, utawa kanthi cara apa wae sing ora selaras karo Kasepakatan iki, utawa tumindak apus-apus utawa jahat, kalebu tanpa watesan, kanthi ngretas utawa nglebokake kode jahat, kalebu virus, utawa data sing mbebayani, menyang Layanan (utawa menyang situs web sing kagayut karo Layanan) utawa samubarang sistem operasi;
(h) Ora nglanggar hak kekayaan intelektual Huawei utawa pihak katelu endi wae sing gegandhengan karo akses lan/utawa panggunaan Layanan dening sampeyan;
(i) Ora ngumpulake informasi pangguna, utawa ngakses Layanan utawa sistem kita, nggunakake sarana otomatis utawa nyoba ngudhari samubarang transmisi menyang utawa saka server sing nglakokake Layanan;
(j) Ora ngembangake, ndhukung, utawa nggunakake perangkat lunak, piranti, skrip, utawa samubarang sarana utawa proses liyane (kalebu crawler, plug-in lan add-on peramban, utawa teknologi utawa karya manual liyane) kanggo nggolek informasi saka Layanan utawa nyalin profil lan data liyane saka Layanan;
(k) Ora njupuk manfaat komersial saka Layanan tanpa palilah tinulis saka kita;
(l) Ora nggunakake Layanan kanggo melu samubarang transaksi bisnis ilegal, kayata dodolan senjata api, narkoba, zat ilegal, perangkat lunak bajakan, utawa barang sing dilarang liyane;
(m) Ora nyedhiyakake informasi judhi utawa ngojok-ojoki wong liya supaya judhi liwat samubarang cara;
(n) Ora ngumpulake informasi login utawa ngakses akun duweke wong liya;
(o) Ora nindakake pencucian uang, panarikan dhuwit ilegal, utawa rencana dodolan skema piramida kanthi nggunakake Layanan;
(p) Ora ngupayakake, menehi fasilitas, utawa nganjurake palanggaran tumrap Kasepakatan iki (utawa bageane sing endi wae); lan
(q) Ora nggunakake Layanan kanthi cara apa wae sing bisa ngrusak, nonaktifake, ngabot-aboti, ngganggu, utawa mbebayani Layanan, sistem kita, utawa keamanan, utawa ngganggu pangguna liyane utawa sistem komputer pihak liyane utawa ngretas utawa ngentukake akses tanpa otorisasi menyang Layanan utawa Konten Huawei (dijlentrehake ing ngisor) utawa data.
6 Konten Huawei
Huawei lan/utawa sing menehi lisensi upstream, tetep nduweni kabeh hak, hak kapemilikan, lan kapentingan ing lan tumrap informasi, sing awujud apa wae kalebu nanging ora diwatesi dening teks, video lan audio, gambar, ikon, apl, rancangan, perangkat lunak, skrip, program, hak cipta, merek dagang, jeneng dagang, logo, uga materi lan layanan liyane sing sumadhiya ing utawa liwat Layanan, kalebu tampilan lan rasane (kanthi bebarengan diarani “Konten Huawei”). Akses lan/utawa panggunaan Layanan dening sampeyan iki ora ngalihake hak kapamilikan utawa hak liyane ing utawa menyang Layanan, utawa kontene, menyang sampeyan utawa wong liyane, kejaba yen ditemtokake liya ing Kasepakatan iki.
Sampeyan ora entuk nggawe owah-owahan, salinan, ekstraksi, modifikasi, utawa tambahan menyang Konten Huawei, utawa ngadol, nyalin, nyebar, menehi lisensi, utawa nyalahgunakake Konten Huawei nganggo cara apa wae. Yen sampeyan kepengin nerbitake maneh, ngekstrak, nggawe maneh, nyebarake, utawa nggunakake samubarang Konten Huawei, sampeyan kudu ngontak Huawei sadurunge lan ngentukake palilah tinulis Huawei sadurunge, kejaba yen tinulis sawalike ing Kasepakatan iki. Iki tanpa ngurangi samubarang hak sing bisa uga sampeyan duweni miturut ukum wajib sing ditrapake.
Yen sampeyan yakin menawa Layanan utawa bagean Layanan sing endi wae nglanggar hak cipta, merek dagang, paten, rahasia dagang, utawa hak kekayaan intelektual liyane sing endi wae, utawa yen sampeyan nduweni uneg-uneg liyane babagan Layanan, kabari kita nggunakake informasi kontak sing disedhiyakake ing bagean "Ngontak Kita".
7 Konten Sampeyan
Konten Pangguna ngrujuk marang informasi, konten, lan materi sing digawe dening pangguna liwat panggunaan Layanan, kayata grafik, teks, gambar, swara, video, perangkat lunak, lan file data. Sampeyan bakal mikul sakabehe tanggung jawab tumrap konten pangguna sing diunggah, diundhuh, dirilis, dikirim liwat email, dikirim liwat transmisi, utawa disimpen dening sampeyan utawa nganggo jenenge akun sampeyan. Amarga Huawei ora ngontrol utawa ngakses konten pangguna, Huawei ora njamin akurasi, integritas, utawa kapantesan konten pangguna sing endi wae. Sampeyan sarujuk yen bakal nanggung dhewe risiko sing muncul amarga nggunakake konten pangguna duweke pangguna liyane sing nggunakake Layanan. Huawei ora tanggung jawab tumrap konten pangguna sing endi wae sing sampeyan anggep vulgar, kasar, saru, utawa ora pantes.
8 Ngawasi Layanan
Sampeyan ngakoni lan sarujuk yen, miturut ukum lan paugeran sing ditrapake, kita bisa uga kapan wae, miturut tetimbangan kita dhewe lan tanpa ngabari sampeyan, ngleksanakake tumindak-tumindak sing kita putusake dibutuhake kanggo tujuan nglakokake lan ningkatake Layanan (kalebu nanging ora winates kanthi tujuan nyegah apus-apus, mbiji risiko, investigasi, lan ndhukung pelanggan), mesthekake kapatuhan sampeyan karo Kasepakatan iki, ukum sing ditrapake, prentah utawa arahan samubarang pengadilan, kaputusan kasepakatan, badan administrasi, utawa badan pamarentah liyane. Kita tetep nduweni hak kapan wae kanggo nemtokake yen Konten Sampeyan cocog lan manut karo Kasepakatan iki, lan bisa uga sadurunge nyaring, mindhah, nolak, ngowahi lan/utawa mbusak Konten Sampeyan kapan wae, tanpa kabar sadurunge lan kanthi tetimbangan kita, yen Konten Sampeyan jebule nglanggar Kasepakatan iki utawa nglanggar aturan umum lan adat sosial.
9 Privasi lan Pangumpulan Data
Kanggo nyedhiyakake layanan kanthi luwih apik, Huawei bakal ngumpulake lan mroses informasi pribadi kanthi palilah sampeyan sing wis diinformasekake miturut ukum lan paugeran sing ditrapake.
10 Selakan
Layanan mung entuk digunakake dening sampeyan dhewe lan ora entuk digunakake dening pihak katelu. Sampeyan sarujuk yen Huawei lan afiliasine, pejabat, direktur, karyawan, kontraktor, agen, panyedhiya pambayaran pihak katelu, mitra, sing menehi lisensi, lan distributore (bebarengan “Pihak Huawei”) ora tanggung jawab tumrap samubarang karugen amarga samubarang panggunaan Layanan sing ora sah.
Panggunaan Layanan dening sampeyan bisa uga kena interupsi, katundha, utawa kaganggu sajrone wektu sing ora dingerteni amarga alesan sing ora bisa kita kendhalekake. Sampeyan sarujuk yen Pihak Huawei ora bakal tanggung jawab tumrap klaim sing disebabake utawa sing gegandhengan karo interupsi, panundhan, gangguan utawa kegagalan sing memper.
Nganti maksimal sing diidinake dening ukum, Pihak Huawei ora tanggung jawab marang sampeyan utawa sapa wae kanggo samubarang karusakan yen sampeyan utawa sapa wae ora bisa ngakses utawa nggunakake Layanan iki amarga:
(a) Samubarang panundhan utawa palerenan Layanan iki dening Huawei supaya pangopenan utawa panganyaran sistem, perangkat lunak, utawa perangkat keras bisa ditindakake;
(b) Samubarang panundhan komunikasi utawa kagagalan sistem utawa jaringan duweke utawa sing dikendhalekake dening wong saliyane Huawei;
(c) Panundhan, pawurungan utawa palerenan apa wae tumrap kontrak utawa pangaturan liyane antarane Huawei lan panyedhiya layanan pambayaran pihak katelu kita;
(d) Samubarang error utawa interupsi amarga upaya ngretas utawa palanggaran keamanan sing memper; utawa
(e) Samubarang kedadeyan utawa prastawa liyane sing ora bisa dikontrol kanthi wajar dening Huawei.
Layanan disedhiyakake kanthi dhasar “apa anane” lan “nalika sumadhiya” tanpa pranyatan utawa dhukungan awujud apa wae. Nganti maksimal sing diidinake dening ukum sing ditrapake, Pihak Huawei nyelaki kabeh garansi, katemtuan, utawa syarat liyane awujud apa wae, kasurat utawa kasirat, lan ora menehi jaminan, janji, pranyatan, utawa garansi kanggo perkara ing ngisor iki:
(a) Kalengkapan, akurasi, kaandelan, utawa katepatan wektu konten sing disedhiyakake ing utawa liwat Layanan;
(b) Layanan utawa server sing dadi host bebas saka cacat, kasalahan, virus, bug, utawa unsur sing mbebayani liyane;
(c) Samubarang cacat ing operasi utawa fungsi Layanan bakal didandani;
(d) Fungsi khusus Layanan tartamtu, kaandelan, kualitas, utawa akurasi samubarang informasi sing sampeyan entukake minangka asil panggunaan utawa akses sampeyan menyang Layanan bisa dijamin;
(e) Keamanan utawa sipat Layanan sing bebas kasalahan; lan
(f) Kaandelan, kualitas, akurasi, kasedhiyan, utawa kabisane Layanan kanggo netepi kaperluan sampeyan, nyedhiyakake output tartamtu, utawa nggayuh asil tartamtu. Pihak Huawei ora tanggung jawab tumrap sakabehe utawa sabagean karugen utawa karusakan amarga sampeyan ngandelake, nggunakake, utawa napsirake Layanan utawa informasi liyane sing dientukake liwat akses menyang lan/utawa panggunaan Layanan dening sampeyan (utawa wong liya).
Ukum sawetara negara ora ngidini garansi, jaminan, utawa tanggung jawab tartamtu ora dikatutake utawa diwatesi dening kontrak. Yen ukum iki ditrapake kanggo sampeyan, sawetara utawa kabeh eksklusi utawa watesan ing ndhuwur bisa uga ora ditrapake kanggo sampeyan. Kasepakatan iki ora mangaruhi hak sing sampeyan duweni kanthi sah minangka pelanggan.
11 Ganti Rugi
Nganti tekan maksimal sing diidini dening ukum sing ditrapake ing yurisdiksi sampeyan, sampeyan kudu tansah mratelakake yen Pihak Huawei ora nanggung ganti rugi saka klaim, tuntutan, utawa tumindak sing muncul saka utawa gegandhengan karo:
(1) Konten Sampeyan;
(2) Panggunaan Layanan dening sampeyan;
(3) Palanggaran sampeyan tumrap Kasepakatan utawa samubarang perangan EULA sing ditrapake;
(4) Palanggaran sampeyan tumrap kekayaan intelektual pihak katelu utawa samubarang hak liyane; utawa
(5) Tumindak utawa palanggaran dening sapa wae sing nggunakake ID HUAWEI sampeyan,
Kalebu samubarang kuwajiban, karusakan, beya, beya litigasi, lan beya pengacara sing ditanggung amarga pasulayan, pasambat lan tuntutan ukum saka kahanan kasebut ing ndhuwur mau. Sampeyan janji lan sarujuk kanggo langsung mbantu lan kerja sama nalika diperlokake dening Pihak Huawei sing endi wae.
12 Palerenan dening Sampeyan
Sampeyan bisa njabut izin Kamera lan Simpenan saka layar setelan apl. Nalika nggunakake fitur pangukuran awak ing apl, sampeyan bisa njabut otorisasi lan mandheg nggunakake layanan kasebut saka layar fitur.
Sawise mbusak akun sampeyan, Huawei bisa uga langsung lan kanggo salawase mbusak samubarang lan sakabehe materi, file, lan konten sing disimpen nganggo akun sampeyan. Nanging, adhedhasar faktor legal lan praktik tartamtu, Huawei bisa uga ora bisa mbusak salinan serep data kasebut. Kejaba saka kuwi, konten sing sampeyan kirim menyang pangguna liyane, kalebu pesen, mbokmenawa ora bisa dibusak.
Pambusakan akun sampeyan ora mbebasake sampeyan saka samubarang kuwajiban kanggo mbayar beya apa wae sing kakumpul nalika utawa sadurunge tanggal pambusakan. Huawei utawa pihak katelu sing endi wae ora tanggung jawab tumrap samubarang konsekuensi sing muncul amarga sampeyan ora bisa ngakses Layanan sawise akun sampeyan dibusak.
13 Panundhan utawa Pelerenan dening Huawei
Tundhuk karo ukum sing ditrapake, kita bisa nundha, matesi, murungake, utawa nglereni akses sampeyan menyang sabagean utawa sakabehe Layanan sawayah-wayah, tanpa nduweni tanggung jawab tumrap individu utawa pihak katelu sing endi wae. Kita bakal ngupaya ngabari sampeyan sadurunge nindakake iki. Nanging, kita bisa uga langsung nundha, matesi, murungake, utawa nglereni akses sampeyan menyang sabagean utawa sakabehe Layanan tanpa ngabari sadurunge ing kahanan kaya ing ngisor iki:
(a) Yen sampeyan nglanggar, utawa Huawei yakin yen sampeyan bakal nglanggar, Kasepakatan iki, kalebu samubarang kasepakatan, kabijakan, utawa pandhuan sing kagabung ing kene;
(b) Yen sampeyan, utawa sapa wae sing makili sampeyan, nindakake apus-apus utawa nglanggar ukum, utawa menehi Huawei informasi palsu utawa mblasukake;
(c) Kanggo nanggepi panjalukan saka panegak ukum utawa badan pamarentah liyane miturut proses ukum sing sah;
(d) Yen ana pangopenan ndadak utawa panganyaran ndadak tumrap sistem utawa perangkat keras; utawa
(e) Amarga alesan teknis, kaslametan, bisnis, utawa alesan keamanan sing ora kenyana-nyana.
Kedaluwarsane utawa palerenane Kasepakatan iki ora mangaruhi operasional utawa paleksanan Kasepakatan sing tinulis utawa ditrapake sawise kedaluwarsane utawa palerenane, lan ora ngurangi kabeh hak uga kuwajiban sing isih kudu dibayar utawa kuwajiban sing kudune isih ana sawise Kasepakatan kedaluwarsa utawa dilereni.
Samubarang aturan saka Kasepakatan iki sing tinulis utawa kanthi sipate dimaksudake supaya tetep ditrapake sawise palerenan Kasepakatan iki, bakal terus dileksanakake lan ditrapake kabeh sateruse sanajan dilereni, nganti aturan kuwi ditetepi utawa kedaluwarsa dhewe.
14 Owah-owahan ing Kasepakatan iki
Huawei terus nganyarake, ngowahi, lan ngapikake Layanan. Huawei bisa uga nambah utawa mbusak fungsi utawa fitur, nggawe watesan anyar tumrap Layanan, utawa nundha utawa ngendhegake Layanan kanggo sauntara utawa salawase. Huawei bisa uga ngowahi Kasepakatan iki kapan wae adhedhasar panganyaran Layanan.
Kasepakatan sing wis dianyarake bakal ngganteni Kasepakatan asli sawise dirilis. Kita bakal nyurung kabar panganyaran kasepakatan ing apl ing wektu sing pas. Yen sampeyan ora nampa syarat sing dianyarake, langsung mandheg nggunakake Layanan. Yen sampeyan terus ngakses utawa nggunakake Layanan, sampeyan dianggep nampa Kasepakatan sing dianyarake.
Kita bakal ngabari sajrone wektu sing wajar babagan owah-owahan tumrap Kasepakatan iki sing bakal ngrugekake pangguna sakcara material, utawa matesi akses utawa panggunaan Layanan sakcara material. Kanggo owah-owahan ing Layanan sing kita perlokake kanggo nyukupi syarat keamanan, kaslametan, ukum, utawa paugeran, kita mbokmenawa uga ora bisa nyukupi jangka wektu ing ndhuwur lan kita bakal ngabari sampeyan babagan owah-owahan iki sacepete sawise bisa ditindakake.
15 Ukum lan Yurisdiksi sing Ngatur
Parumusan, tapsiran, lan paleksanan Kasepakatan diatur dening lan ditapsirake miturut ukum Republik Rakyat Tiongkok. Sampeyan lan Huawei sarujuk yen Kasepakatan iki ditapakastani ing Distrik Longgang, Shenzhen, Provinsi Guangdong, Tiongkok. Samubarang pasulayan sing kedadeyan saka paleksanan kontrak antarane rong pihak kasebut bakal dirampungake liwat rembugan. Yen rembugan gagal, salah sijine pihak bisa ngirimake tuntutan ukum menyang pengadilan ing yurisdiksi sing cocog karo panggonan Kasepakatan iki ditapakastani.
16 Syarat Umum
Layanan utawa pihak katelu bisa uga menehake tautan menyang situs web utawa sumber daya liyane. Sampeyan ngakoni lan sarujuk yen kita ora tanggung jawab tumrap kasedhiyane situs web utawa sumber eksternal kasebut, lan ora ndhukung sarta ora tanggung jawab utawa nduweni kuwajiban tumrap konten, iklan, produk, utawa materi apa wae liyane ing utawa sing sumadhiya saka situs web utawa sumber daya kasebut. Kita ora tanggung jawab utawa nduweni kuwajiban tumrap samubarang karusakan utawa karugen sing disebabake utawa dianggep disebabake dening utawa gegandhengan karo panggunaan utawa kapercayan sampeyan tumrap samubarang konten, barang, utawa layanan sing sumadhiya ing utawa liwat samubarang situs web utawa sumber kasebut.
Ora ana ing Kasepakatan iki sing bisa ditapsirake nggawe ubungan kemitraan utawa agensi antarane sampeyan lan Huawei, lan ora ana pihak sing nduwe hak utawa otoritas kanggo nanggung samubarang kuwajiban, utang, utawa beya, utawa nggawe kontrak utawa pangaturan liyane nganggo jeneng utawa makili pihak liyane.
Huawei ora tanggung jawab tumrap kagagalan utawa panundhan ing paleksanan kuwajibane miturut Kasepakatan iki utawa katemtuan Layanan sing disebabake dening utawa digandhengake karo prakara sing ora bisa dikendhalekake dening Huawei kanthi wajar.
Cabang lan anak perusahaane Huawei dadi panampa manfaat pihak katelu Kasepakatan iki. Kuwi kabeh bisa ngetrapake Kasepakatan iki minangka pihak ing Kasepakatan iki. Huawei nduwe hak kanggo nransfer, ngesubkontrakake, utawa ngganti hak lan kuwajiban Huawei miturut Kasepakatan iki tanpa ngilangake hak lan kapentingan sampeyan.
Yen ana katemtuan ing Kasepakatan iki sing ditemokake ora sah, ora valid, utawa ora bisa ditrapake, dening pengadilan saka yurisdiksi sing kompeten utawa otoritas liyane sing kompeten, katemtuan kuwi dianggep dibusak saka Kasepakatan iki lan kabeh katemtuan liyane saka Kasepakatan iki tetep dileksanakake lan ditrapake kanthi sah.
17 Ngontak Kita
Yen ana pitakonan babagan Kasepakatan iki, kontaken kita nggunakake informasi ing ngisor iki: 950800.