ཧྭ་ཝེ་ AR ཚད་འཇལ་གྱི་སྤྱོད་པ་པོའི་གྲོས་མཐུན།
གསར་བསྒྱུར་བྱས་པའི་ཚེས་གྲངས། 2021ལོའི་ཟླ་9པའི་ཚེས་22ཉིན།
1 ང་ཚོའི་སྐོར།
གཤམ་གྱི་དོན་ཚན་ནི་ཁྱེད་དང་ཧྭ་ཝེའི་མཐའ་སྣེ་ཚད་ཡོད་ཀུང་སི་དང་འབྲེལ་ཡོད་ཀུང་སི་(གཤམ་ནས་གཅིག་གྱུར་གྱིས་ཧྭ་ཝེ་ཞེས་འབོད།)ཡི་བར་བཞག་པའི་ཁྲིམས་ནུས་ལྡན་པའི་གྲོས་ཡིག་ཅིག་ཡིན། ནན་ཏན་གྱིས་ཧྭ་ཝེ་ AR ཚད་འཇལ་གྱི་སྤྱོད་པ་པོའི་གྲོས་མཐུན་འདི་དང་ཞབས་ཞུ་འདི་དང་འབྲེལ་བའི་སྲིད་ཇུས་གཞན་དག་ (གཤམ་ནས་མཉམ་དུ་གྲོས་མཐུན་འདི་ཞེས་འབོད།) ལ་དཔེ་ཀློག་བྱས་ནས་ཁྱེད་རང་གིས་གྲོས་མཐུན་འདིའི་ནང་གི་དོན་ཚན་ཁག་ལ་བསམ་ཤེས་གང་ལེགས་ཐུབ་པ་བྱེད་དགོས། གྲོས་མཐུན་འདིས་ཁྱེད་ཀྱིས་ཧྭ་ཝེ་ AR ཚད་འཇལ་གྱི་ཞབས་ཞུ་(གཤམ་དུ་སྤྱི་མིང་ལ་ཞབས་ཞུ་འདི་ཞེས་འབོད་རྒྱུ།)བེད་སྤྱོད་སྐབས་བཅའ་ཁྲིམས་ཀྱི་འགན་འཁྲི་དང་ཁེ་དབང་ཡོད་པ་གཏན་འཁེལ་བྱེད། གྲོས་མཐུན་འདིའི་ཁྲོད། ཁྱེད་ཅེས་པ་ནི་ཞབས་ཞུ་འདི་བེད་སྤྱོད་དང་ལྟ་སྤྱོད་བྱེད་པའི་མི་སྒེར་གང་རུང་ལ་ཟེར། ཁྱེད་ཀྱིས་གྲོས་མཐུན་འདི་ལ་མོས་མཐུན་ཡོད་པར་རྡེབ་པ་དང་ཉེར་སྤྱོད་འདིར་ཐོ་འཇུག་བྱས་ན། ཁྱེད་ཀྱིས་གྲོས་མཐུན་འདིའི་དོན་ཚན་ཡོད་ཚད་ལ་དཔེ་ཀློག་བྱས་པ་མ་ཟད་དང་ལེན་བྱས་པར་བརྩི་རྒྱུ་ཡིན། གལ་ཏེ་ཁྱེད་ཀྱིས་གྲོས་མཐུན་འདིའི་ནང་དོན་གང་རུང་ལ་མི་འཐད་ན། ཁྱེད་ལ་མྱུར་དུ་ཞབས་ཞུ་འདི་བཀོལ་སྤྱོད་བྱེད་མཚམས་འཇོག་པའི་དབང་ཆ་ཡོད།
2 ཞབས་ཞུ་འདི་བེད་སྤྱོད་བྱེད་པའི་རེ་འདུན།
གལ་ཏེ་ཁྱེད་ནི་སྐྱེ་བོ་ལོ་ན་མ་སོན་པ་ཡིན་ན། ཁྱེད་ཀྱིས་ཞབས་ཞུ་འདི་བཀོལ་སྤྱོད་བྱེད་མིན་ཐག་མ་བཅད་གོང་ལ། ཁྱེད་རང་དང་ཕ་མའམ་ཡང་ན་ཁྲིམས་བཀོད་ཀྱི་ལྟ་སྐྱོང་བྱེད་མི་གཉིས་མཉམ་དུ་གྲོས་མཐུན་འདི་དཔེ་ཀློག་གནང་སྟེ་ཁོ་ཚོས་གྲོས་མཐུན་འདིའི་ནང་དོན་རྒྱུས་ལོན་བྱེད་པར་ཁག་ཐེག་བྱ་དགོས། ཕ་མ་དང་ཁྲིམས་བཀོད་ཀྱི་ལྟ་སྐྱོང་བྱེད་མི་ཡི་མོས་མཐུན་མ་ཐོབ་སྔོན་ལ་ཁྱེད་ཀྱིས་ཞབས་ཞུ་འདི་བཀོལ་སྤྱོད་མ་བྱེད་རོགས། དུས་མཚུངས་སུ། ང་ཚོས་ཁྱིམ་བདག་དང་ཁྲིམས་བཀོད་ལྟ་སྐྱོང་བྱེད་མིས་ཁྱེད་ཀྱི་ཕྲུ་གུར་འཕྲིན་སྦྲེལ་དྲ་བ། ལག་འཁྱེར་ཁ་པར་དང་སྒྲིག་ཆས་གཞན་དག་བེད་སྤྱོད་བྱེད་པའི་བྱ་སྤྱོད་ལ་ལུགས་དང་མཐུན་པའི་ལྟ་སྐུལ་དང་ཁྲིད་སྟོན་བྱ་རྒྱུའི་གྲོས་འགོ་འདོན་རྒྱུ་ཡིན།
3 ཞབས་ཞུ་འདི་ལ་ལྟ་སྤྱོད་བྱེད།
ཧྭ་ཝེ་ཡིས་ཁྱེད་ལ་གྲོས་མཐུན་འདི་གཞིར་བཟུང་ནས་ཞབས་ཞུ་འདིར་ལྟ་སྤྱོད་དང་བེད་སྤྱོད་བྱེད་པའི་ཚད་ཡོད་དང་ཁེར་རྐྱང་མིན་པ། བཤུག་སྤྲོད་བྱ་མི་ཆོག་པ། བརྒྱུད་སྤྲོད་བྱ་མི་ཆོག་པ། འོན་ཀྱང་ཕྱིར་འཐེན་བྱ་ཆོག་པའི་ཆོག་མཆན་སྤྲད་ཡོད།
4 ཞབས་ཞུའི་ནང་དོན།
ཞབས་ཞུ་འདིས་ཁྱེད་ལ་ཧྭ་ཝེ་ AR ཚད་འཇལ་གྱི་ཞབས་ཞུ་འདོན་སྤྲོད་བྱས་པ་དང་། རྩོལ་ནུས་གཙོ་བོ་གཤམ་ལྟར།
(1) དངོས་གཟུགས་ཚད་འཇལ་རྩོལ་ནུས།
དངོས་གཟུགས་ཚད་འཇལ་རྩོལ་ནུས་བེད་སྤྱོད་ན། ཁྱེད་ཀྱིས་དངོས་གཟུགས་ཚད་འཇལ་བདེམས་དགོས་པ་མ་ཟད། དྲ་ངོས་ཀྱི་གསལ་འདེབས་ལྟར་བཀོལ་སྤྱོད་བྱས་ཏེ། དངོས་གཟུགས་ཀྱི་རིང་ཚད་དང་། རྒྱ་ཁྱོན། བོངས་ཚད་ཀྱི་ཚད་འཇལ་མངོན་འགྱུར་བྱ་དགོས།
(2) མིའི་གཟུགས་པོའི་ཚད་འཇལ་རྩོལ་ནུས།
མིའི་གཟུགས་པོའི་ཚད་འཇལ་རྩོལ་ནུས་བེད་སྤྱད་ན། ཁྱེད་ཀྱིས་མིའི་གཟུགས་པོའི་ཚད་འཇལ་བདེམས་དགོས་པ་མ་ཟད། དྲ་ངོས་ཀྱི་གསལ་འདེབས་ལྟར་བཀོལ་སྤྱོད་བྱས་ཏེ། གཟུགས་པོའི་རིང་ཚད་དང་། སྙིང་ཕྱོད་དང་དེ་བཞིན་འབྱིན་རྔུབ་ཕྱོད་(འཕྲུལ་ཆས་ཁ་ཤས་ཀྱིས་རྒྱབ་སྐྱོར་བྱེད་པ་ཙམ་ཡིན།)ཀྱི་ཚད་འཇལ་ཐུབ་པར་བྱེད་དགོས།
5 བེད་སྤྱོད་ཀྱི་སྒྲིག་གཞི།
ཁྱེད་ཀྱིས་ལུགས་མཐུན་ངང་ཞབས་ཞུ་འདི་བེད་སྤྱོད་གཏོང་བ་མ་ཟད་གྲོས་མཐུན་འདིར་དང་ལེན་དང་ནུས་ལྡན་གྱི་བཅའ་ཁྲིམས་ཁྲིམས་སྲོལ་གང་རུང་བརྩི་སྲུང་བྱེད་པར་མོས་མཐུན་ཡོད། ཁྱེད་ཀྱིས་ཁྲིམས་མཐུན་ཀུན་སྤྱོད་ཀྱི་བྱ་ཐབས་ལྟར་གྲོས་མཐུན་འདིར་གཞིགས་ཏེ་ཞབས་ཞུ་འདི་ལ་ལྟ་སྤྱོད་དང་བེད་སྤྱོད་གཏོང་བར་ཁས་ལེན་དང་མོས་མཐུན་བྱས་ཡོད་ལ། ཁྱེད་ཀྱིས་ཞབས་ཞུ་འདི་བརྒྱུད་ནས་གཤམ་གསལ་གྱི་ངོ་བོ་ལྡན་པའི་ཆ་འཕྲིན་གང་ཡང་བརྒྱུད་གཏོང་བྱེད་མི་ཆོག་པའམ་ཡང་ན་བྱ་ཐབས་གཞན་དག་བརྒྱུད་ནས་གཤམ་གསལ་གྱི་ངོ་བོ་ལྡན་པའི་བྱེད་སྒོ་གང་རུང་ནང་ཞུགས་མི་ཆོག་པ་སྟེ།
(a) ཡར་སྐྱེལ་དང་། ཕབ་ལེན། གསོག་ཉར། འདྲ་བཟོ། ཁྱབ་བསྒྲགས། བརྒྱུད་གཏོང་། གློག་ཡིག་བསྐུར་བའམ་ཡང་ན་བྱ་ཐབས་གཞན་དག་ལ་བརྟེན་ནས་གཤམ་གསལ་གྱི་བཅའ་ཁྲིམས་དང་ཁྲིམས་སྲོལ་དང་སྲིད་ཇུས་ཀྱིས་བཀག་སྡོམ་བྱེད་པའི་ནང་དོན་མཁོ་འདོན་བྱེད་པ།
(b) རྩ་ཁྲིམས་ནང་གཏན་ལ་ཕབ་པའི་གཞི་རྩའི་རྩ་དོན་ལ་ངོ་རྒོལ་བྱེད་པ།
(c) རྒྱལ་ཁབ་ཀྱི་བདེ་འཇགས་ལ་གནོད་སྐྱོན་གཏོང་བ། རྒྱལ་ཁབ་ཀྱི་གསང་དོན་ཕྱིར་བསྒྲགས་བྱེད་པ། རྒྱལ་ཁབ་ཀྱི་སྲིད་དབང་རྩ་སློག་བྱེད་པ། རྒྱལ་ཁབ་ཀྱི་གཅིག་གྱུར་ལ་གཏོར་བཤིག་གཏོང་བ།
(d) རྒྱལ་ཁབ་ཀྱི་མཚན་སྙན་དང་ཁེ་དབང་ལ་གནོད་འཚེ་གཏོང་བ།
(e) མི་རིགས་འཁོན་འཛིན་ལ་ངན་སྐུལ་བྱེད་པ་དང་མི་རིགས་མཐོང་ཆུང་བྱེད་པ། མི་རིགས་མཐུན་སྒྲིལ་གཏོར་བཤིག་གཏོང་བ།
(f) རྒྱལ་ཁབ་ཀྱི་ཆོས་ལུགས་ཀྱི་སྲིད་ཇུས་ལ་གནོད་འཚེ་གཏོང་བ། ལོག་ཆོས་དང་བཀས་བཀོད་རྒྱུད་འཛིན་དང་རྨོངས་དད་ཁྲོམ་བསྒྲགས་བྱེད་པ།
(g) དཀྲོག་གཏམ་སྤེལ་བ། སྤྱི་ཚོགས་ཀྱི་སྒྲིག་གཞི་གཏོར་བ། སྤྱི་ཚོགས་ཀྱི་བརྟན་བརླིང་ལ་གནོད་པ་གཏོང་བ།
(h) འདོད་སྲེད་དང་། ཆགས་སྲེད། རྒྱན་འཛུགས། དྲག་ཤུགས། དམར་གསོད། འཇིགས་སྐུལ་ཁྱབ་སྤེལ་ལམ་ཡང་ན་ངན་སྐུལ་བྱས་ནས་བྱས་ཉེས་བསགས་རིགས།
(i) གཞན་ལ་བརྙས་བཅོས་སམ་སྐྱོན་འདོགས་པ། གཞན་གྱི་ཁྲིམས་མཐུན་གྱི་ཁེ་དབང་ལ་འཚེ་བ།
(j) སྤྱི་ཚོགས་ཐུན་མོང་གི་སྤྱོད་བཟང་ངམ་མི་རིགས་ཀྱི་ཕུལ་བྱུང་རིག་གནས་སྲོལ་རྒྱུན་ལ་གནོད་འཚེ་གཏོང་བ།
(k) ཕྱོགས་གསུམ་པ་གང་རུང་ཞིག་གི་ཆེད་ཁེའི་བདག་དབང་དང་། རྩོམ་གྱི་བདག་དབང་། ཚོང་རྟགས་ཀྱི་བདག་དབང་། མིང་གྲགས་ཐོབ་དབང་བཅས་དང་ཡང་ན་ཁྲིམས་མཐུན་ཁེ་དབང་གཞན་དག་གང་རུང་ཞིག་ལ་གནོད་འཚེ་བཏང་རིགས།
(l) བཅའ་ཁྲིམས་དང་སྲིད་འཛིན་ཁྲིམས་སྲོལ་ནང་གཏན་འགོག་བྱས་པའི་ནང་དོན་གཞན་དག་གི་ཆ་འཕྲིན་ཡོད་པ།
ཁྱེད་ཀྱིས་གཤམ་གྱི་བྱ་འགུལ་ཅི་ཡང་མི་སྤེལ་བར་འཐད་པ་དང་ཁས་ལེན་བྱེད་པ་ཡིན།
(a) ཞབས་ཞུ་དེ་ཉིད་ཀྱི་ནང་དོན་ཡོངས་རྫོགས་སམ་ཆ་ཤས་འདྲ་བཟོ་བྱེད་པའམ་བཟོ་བཅོས་བྱེད་པ། ཡང་ན་ཞབས་ཞུ་དེ་ཉིད་དམ་ཡང་ན་དེའི་ནང་གི་ཆ་ཤས་གང་ཞིག་གོ་རིམ་གཞན་དག་གང་རུང་ཞིག་དང་ཟླ་སྒྲིལ་བྱེད་པའམ་གོ་རིམ་གཞན་དག་གང་ཞིག་ཏུ་ཟླ་སྒྲིལ་བྱེད་པ།
(b) དབང་སྤྲོད་མེད་པར་ལྟ་སྤྱོད་དང་ཚོད་ལྟས་ལྟ་སྤྱོད་ཡང་ན་ཞབས་ཞུ་འདི་ཡང་ན་འབྲེལ་ཡོད་རྒྱུད་ཁོངས་དང་དྲ་བའི་ཁག་གང་རུང་ལ་གནོད་འཚེ་བཏང་བ།
(c) དབྱེ་ཕྲལ་དང་ཨང་འགྲོལ་བའམ་ཡང་ན་ལྡོག་ཕྱོགས་ནས་ཞབས་ཞུ་དང་དེའི་ལས་འགན་ཆ་ཤས་ཤིག་གསར་སྤེལ་བྱེད་པ། ཡང་ན་ཞབས་ཞུ་འདིའམ་ཡང་ན་དེའི་ཆ་ཤས་ཤིག་འཁུར་ནས་བསྐྱར་འགྱུར་གྱི་བརྩམས་ཆོས་གསར་སྐྲུན་བྱེད་པ། ཡང་ན་བཅའ་ཁྲིམས་བཀག་འགོག་བྱེད་པའི་རིགས་འདྲའི་བྱེད་སྒོར་བཞུགས་པ།
(d) བགོས་སྤྲོད། ཆོག་འཐུས། བོགས་མ་གཏོང་བ། ཕྱིར་འཚོང་། བརྒྱུད་སྤྲོད། བཤུག་སྤྲོད། ཡོངས་གྲགས་སུ་བཤམས་སྟོན། ཡོངས་གྲགས་སུ་འཁྲབ་སྟོན། བརྒྱུད་གཏོང་། ཁྱབ་གཏོང་། ཡང་ན་བྱེད་ཐབས་གཞན་དག་སྤྱད་ནས་ཞབས་ཞུ་འདི་བཀོལ་སྤྱོད་བྱེད་པ།
(e) ཧྭ་ཝེ་ཡིས་སྔོན་ལ་ཡིག་ཐོག་ནས་ཆོག་མཆན་མ་བཀོད་པར་རྣམ་པ་གང་རུང་གི་སྒོ་ནས་རང་གི་ཞབས་ཞུའི་ནང་དོན་ཚང་མའམ་ཡང་ན་ཁག་གཅིག་(དམིགས་བྱའི་དངོས་པོ་དང་ཁུངས་ཀྱི་ཚབ་ཨང་འདུས།)མཁོ་འདོན་བྱེད་པའམ་ཡང་ན་བྱེད་སྟངས་གཞན་གྱི་ཐོག་ནས་མི་གཞན་ལ་མཁོ་སྤྲོད་བྱེད་པ།
(f) མི་གཞན་པར་བརྫུས་པའམ་ཡང་ན་རྫུན་མིང་ངམ་ཡང་ན་བྱེད་སྟངས་གཞན་གྱི་ཐོག་ནས་ཁྱེད་རང་དང་མི་ག་གེ་མོའམ་ཡང་ན་གདོས་བཅས་གང་རུང་ཞིག་བར་གྱི་འབྲེལ་བ་རྫུན་ཞུ་བྱས་པ།
(g) ཁྲིམས་འགལ་གྱི་དམིགས་ཡུལ་བཅངས་ནས་ཁྲིམས་འགལ་གྱི་རྣམ་པ་གང་རུང་ངམ་ཡང་ན་གྲོས་མཐུན་འདི་དང་འགལ་བའི་རྣམ་པས་རང་གི་ཞབས་ཞུའི(ཡང་ན་ཆ་ཤས་གང་རུང་།)སྤྱོད་པ། ཡང་ན་མགོ་སྐོར་དང་བསམ་ངན་གྱི་བྱ་སྤྱོད་གང་རུང་སྤེལ་བ། དེའི་ནང་དུ་ཞབས་ཞུ་འདིར་གནོད་པ་(ཡང་ན་ཞབས་ཞུ་འདིའི་འབྲེལ་མཐུད་བྱེད་པའི་དྲ་གནས།)ཡང་ན་བཀོལ་སྤྱོད་རྒྱུད་ཁོངས་གང་རུང་ངམ་ཡང་ན་དེར་བསམ་ངན་གྱི་ཚབ་ཨང་སྤྱོད་པ། དེའི་ནང་དུ་ནད་དུག་དང་གནོད་པ་ཡོད་པའི་གཞི་གྲངས་ཚུད། ད་དུང་དེས་མི་ཚད།
(h) ཞབས་ཞུ་འདི་ལ་ལྟ་སྤྱོད་བྱེད་པའམ་/ཡང་ན་བཀོལ་སྤྱོད་བྱེད་སྐབས་ཧྭ་ཝེ་དང་ཕྱོགས་གསུམ་པའི་ཤེས་བྱའི་ཐོན་དབང་ལ་གནོད་འཚེ་གཏོང་བ།
(i) ཞབས་ཞུ་འདིའི་སྤྱོད་མཁན་གྱི་ཆ་འཕྲིན་འཚོལ་བསྡུ། ཡང་ན་རང་འགུལ་ཅན་གྱི་བྱ་ཐབས་སྤྱད་ནས་ཞབས་ཞུ་འདི་འམ་ཧྭ་ཝེའི་རྒྱུད་ཁོངས་ལྟ་སྤྱོད་བྱེད་པ། ཡང་ན་ཡིག་སྒྱུར་རྟོལ་ནས་ཞབས་ཞུ་འདི་འཁོར་སྐྱོད་བྱེད་པའི་ཞབས་ཞུ་ཆས་སུ་ནང་དོན་གང་རུང་སྐྱེལ་འདྲེན་བྱེད་པའམ་དེའི་ནང་ནས་ནང་དོན་གང་རུང་ལེན་ཐབས་བྱེད་པ།
(j) མཉེན་ཆས། སྒྲིག་ཆས། མ་གཞུང་ངམ་གཞན་གྱི་བྱེད་ཐབས་སམ་འཕེལ་རིམ་ (དེའི་ནང་དུ་འཛེག་འབུའི་མཉེན་ཆས། བཤར་ཆས་ཀྱི་བར་གཞུག་གམ་གཞན་གྱི་ལག་རྩལ་ལམ་མིས་བྱེད་པའི་ལས་ཀ་གང་རུང་ཞིག་ཚུད་ཡོད།) བཅས་གསར་སྤེལ་རྒྱབ་སྐྱོར་རམ་བེད་སྤྱོད་ནས་ཞབས་ཞུ་འདི་ཧབ་བསྡུ་བྱེད་པའམ་གཞན་གྱི་བྱ་ཐབས་ཐོག་ནས་ཞབས་ཞུ་འདིའི་ནང་གི་སྤྱོདམཁན་གྱི་ཆ་འཕྲིན་དང་གཞན་གྱི་གཞི་གྲངས་འདྲ་བཤུ་བྱེད་པ།
(k) ཧྭ་ཝེ་ཡིས་སྔོན་ལ་ཡིག་ཐོག་གི་ཆོག་མཆན་མ་བརྒྱུད་པར་ཞབས་ཞུ་འདི་ཚོང་ལས་ཀྱི་སྤྱོད་ཡུལ་དུ་གཏོང་བ།
(l) ཞབས་ཞུ་དེ་བེད་སྤྱད་ནས་ཁྲིམས་འགལ་གྱི་ཚོང་ལས་ཉོ་ཚོང་གང་རུང་ཞིག་བྱེད་པ། དཔེར་ན། གོ་མཚོན་དང་། དུག་རྫས། ཁྲིམས་འགལ་གྱི་དངོས་རྫས། པར་གཞི་རྐུ་སྤྱོད་ཀྱི་མཉེན་ཆས་སམ་བཀག་རྒྱའི་དངོས་རྫས་གཞན་དག
(m) རྒྱན་འགྱེད་ཆ་འཕྲིན་འདོན་སྤྲོད་བྱེད་པའམ་ཡང་ན་བྱེད་ཐབས་གང་རུང་སྤྱད་ནས་མི་གཞན་པར་རྒྱན་འགྱེད་པར་སླུ་བྲིད་བྱེད་པ།
(n) མི་གཞན་གྱི་ཐོ་འགོད་ཆ་འཕྲིན་ལེན་པའམ་ཡང་ན་མི་གཞན་པའི་རྩིས་ཐོའི་ཨང་གྲངས་ལ་ལྟ་སྤྱོད་བྱེད་པ།
(o) དངུལ་བཀྲུ་དང་ལག་དངུལ་གྱི་ཁེ་བཟང་ཐོབ་ཐབས་བྱེད་པའམ་བརྒྱུད་འཚོང་བཅས་ཀྱི་བྱེད་སྒོའི་ནང་དུ་ཞུགས་པ།
(p) གྲོས་མཐུན་འདི་དང་འགལ་བ།(ཡང་ན་དེའི་ནང་གི་ཆ་ཤས་གང་རུང་།)ཡང་ན་བྱ་སྤྱོད་དེ་རིགས་ལ་སྐུལ་འདེད་དང་ངན་སྐུལ་བྱེད་པ།
(q) ཞབས་ཞུ་འདི་བེད་སྤྱོད་སྐབས་ཞབས་ཞུ་འདི། ཧྭ་ཝེའི་རྒྱུད་ཁོངས་ཡང་ན་དེའི་བདེ་འཇགས་ལ་གནོད་སྐྱོན་དང་། བཀག་འགོག ཞན་དུ་གཏོང་བའམ་ཡང་ན་ཉེན་ཁ་བཟོས་པ་དང་། ཡང་ན་དེའི་ཐེག་བརྒལ་བྱས་ནས་སྤྱོད་མཁན་གཞན་དག་གམ་ཡང་ན་ཕྱོགས་གཞན་དག་གི་གློག་ཀླད་རྒྱུད་ཁོངས་ལ་འགོག་རྐྱེན་བཟོ་བ། དབང་སྤྲོད་མེད་པའི་སྒོ་ནས་ཞབས་ཞུ་འདི་དང་ཧྭ་ཝེ་ཡི་ནང་དོན་ཡང་ན་གཞི་གྲངས་ལ་བཙན་འཛུལ་བྱེད་པའམ་ཡང་ན་ལྟ་སྤྱོད་བྱེད་པ།
6 ཧྭ་ཝེའི་ནང་དོན།
ཧྭ་ཝེ་དང་/ཡང་ན་ཧྭ་ཝེ་ཡི་སྟོད་རྒྱུད་ཆོག་མཆན་སྤྲོད་མཁན་གྱིས་ཞབས་ཞུ་འདིའམ་ཞབས་ཞུ་འདི་བརྒྱུད་ནས་ཐོབ་པའི་ཆ་འཕྲིན་ཚང་མ་སྟེ། དེའི་ནང་ཡི་གེ་དང་། བརྙན་ཟློས་དང་སྒྲ་ཟློས། པར་རིས། རིས་རྟགས། ཉེར་སྤྱོད། འཆར་འགོད། མཉེན་ཆས། མ་གཞུང་། བྱ་རིམ། པར་དབང་། ཚོང་རྟགས། ཚོང་ཁང་། མཚོན་རྟགས། དེ་མིན་གྱི་དཔྱད་གཞི་དང་ཞབས་ཞུ། གོང་བརྗོད་ནང་དོན་གྱི་ཕྱི་དབྱིབས་དང་ཉམས་ཞིབ་བཅས་(གཤམ་ལ་མཉམ་དུ་ཧྭ་ཝེའི་ནང་དོན་ཞེས་འབོད་རྒྱུ།)ལ་བདག་དབང་ཚང་མ་ཉར་ཚགས་བྱེད། གྲོས་མཐུན་འདིར་གཏན་འབེབས་གཞན་པ་ཡོད་པ་ཕུད། ཁྱེད་ཀྱིས་ཞབས་ཞུ་འདི་ལ་ལྟ་སྤྱོད་དང་ཡང་ན་བེད་སྤྱོད་བྱེད་པས་ཞབས་ཞུ་འདིའམ་འདིའི་ནང་གི་ནང་དོན་གྱི་བདག་དབང་ངམ་ཁེ་དབང་གཞན་པ་གང་རུང་ཁྱེད་ཡང་ན་མི་གཞན་པ་གང་རུང་ལ་བརྒྱུད་སྤོ་བྱེད་པར་མི་བརྩི།
ཁྱེད་ཀྱིས་བྱེད་ཐབས་གང་རུང་བརྒྱུད་དེ་ཧྭ་ཝེའི་ནང་དོན་ལ་བཟོ་བཅོས་དང་འདྲ་བཤུས། བསྡུ་ལེན། དག་བཅོས་སམ་ཁ་སྣོན་བྱེད་མི་ཆོག་ཅིང་། ཕྱིར་ཚོང་དང་འདྲ་བཤུ། ཁྱབ་བརྡལ། ཆོག་མཆན་བཀོད་པའམ་གང་འདོད་དུ་ཧྭ་ཝེའི་ནང་དོན་བེད་སྤྱོད་མི་ཆོག གལ་ཏེ་ཁྱེད་ཀྱིས་ཧྭ་ཝེའི་ནང་དོན་བསྐྱར་དུ་ཁྱབ་སྤེལ་དང་ལེན་པ། འདྲ་བཤུས། བརྒྱུད་བསྒྲགས་སམ་དེ་མིན་གྱི་བྱ་ཐབས་སྤྱོད་དགོས་ན། ངེས་པར་དུ་སྔ་ནུར་དུ་ཧྭ་ཝེ་དང་འབྲེལ་བ་དགོས་པ་མ་ཟད་ཧྭ་ཝེའི་དོན་སྒྲུབ་ཀྱི་ཡིག་ཐོག་ཆོག་མཆན་རག་པ་བྱེད་དགོས། གྲོས་མཐུན་འདིས་གསལ་པོར་གསལ་བཤད་བྱས་པའི་གནས་ཚུལ་ཕུད། འདིས་ཁྱེད་ཀྱིས་སྤྱད་འཐུས་ཀྱི་བཙན་ཤེད་བཅའ་ཁྲིམས་ལྟར་ལོངས་སུ་སྤྱོད་པའི་ཁེ་དབང་གང་རུང་ལ་ཤུགས་རྐྱེན་མི་ཐེབས།
གལ་ཏེ་ཁྱེད་ཀྱིས་ཞབས་ཞུ་འདིའམ་འདིའི་ཁག་ཅིག་གིས་པར་དབང་དང་ཚོང་རྟགས། ཆེད་ཁེ། ཚོང་དོན་སྒེར་གསང་ཡང་ན་ཤེས་རིག་ཐོན་དབང་གཞན་པར་གནོད་སྐྱོན་གཏོང་བར་ངོས་འཛིན་པའམ། ཡང་ན་ཁྱེད་ལ་ཞབས་ཞུ་འདིའི་སྐོར་གྱི་དོགས་གནད་གང་རུང་ཡོད་ན། ང་ཚོ་དང་འབྲེལ་གཏུག་ཅེས་པའི་ས་བཅད་ནང་གི་འབྲེལ་གཏུག་ཆ་འཕྲིན་བརྒྱུད་ནས་འཕྲལ་དུ་ང་ཚོ་ལ་བཤད་རོགས།
7 ཁྱེད་ཀྱི་ནང་དོན།
སྤྱོད་མཁན་གྱི་ནང་དོན་ནི་སྤྱོད་མཁན་གྱིས་ཞབས་ཞུ་འདི་བེད་སྤྱོད་པ་བརྒྱུད་ནས་གྲུབ་པའི་ཆ་འཕྲིན་དང་ནང་དོན། རྒྱུ་ཆ་བཅས་ལ་ཟེར་བ་སྟེ། དཔེར་ན་པར་རིས། ཡི་གེ། བརྙན་རིས། སྐད་སྒྲ། བརྙན་ཟློས། མཉེན་ཆས། གཞི་གྲངས་ཡིག་ཆ་སོགས། ཁྱེད་ཀྱིས་སྒེར་ཚིགས་ཀྱིས་ཁྱེད་དམ་ཁྱེད་ཀྱི་དྲ་གྲངས་ཀྱི་མིང་ནས་ཡར་བསྐུར་བ་དང་ཕབ་ལེན། ཁྱབ་སྤེལ། གློག་ཡིག་བརྒྱུད་ནས་བསྐུར་བ་དང་བརྒྱུད་སྐུར། ཉར་གསོག་བཅས་བྱས་པའི་སྤྱོད་མཁན་གྱི་ནང་དོན་གང་རུང་ལ་ཡོངས་རྫོགས་ཀྱི་འགན་འཁྲི་འཁུར་དགོས། ཧྭ་ཝེ་ཡིས་སྤྱོད་མཁན་ནང་དོན་ལ་མི་ཐུག་པའམ་ཚོད་འཛིན་མི་བྱེད་པས། ཧྭ་ཝེ་ཡིས་སྤྱོད་མཁན་གྱི་ནང་དོན་གང་རུང་གི་ཡང་དག་རང་བཞིན་དང་ཆ་ཚང་རང་བཞིན། འོས་འཚམས་རང་བཞིན་བཅས་ལ་འགན་ལེན་བྱེད་མི་ཐུབ། ཁྱེད་ཀྱིས་ཞབས་ཞུ་འདིའི་སྤྱོད་མཁན་གཞན་གྱི་སྤྱོད་མཁན་ནང་དོན་བེད་སྤྱོད་ནས་བྱུང་བའི་ཉེན་ཁ་ལ། ཁྱེད་རང་ཉིད་ཀྱིས་རང་སྒེར་གྱིས་ཉེན་ཁ་ཆ་ཚང་འཁུར་བ་དང་། ཧྭ་ཝེ་ཡིས་ཁྱེད་ཀྱིས་འདོད་པར་རྙིང་རུལ་དང་ཞེན་ལོག མི་ལེགས་པ་ཡང་ན་མི་འཚམས་པའི་སྤྱོད་མཁན་ནང་དོན་གང་རུང་ལ་འགན་འཁྲི་གང་ཡང་མི་འཁུར་བར་མོས་མཐུན་བྱེད།
8 ཞབས་ཞུ་འདིའི་དོ་དམ།
ཁྱེད་ཀྱིས་མོས་མཐུན་བྱ་རྒྱུར། སྤྱད་འཐུས་ཀྱི་བཅའ་ཁྲིམས་ཁྲིམས་སྲོལ་དང་མཐུན་པའི་སྔོན་འགྲོའི་ཆ་རྐྱེན་འོག་ཏུ། ཚོང་གཉེར་དང་ཞབས་ཞུ་འདི་ལེགས་བཅོས་བྱ་རྒྱུའི་དམིགས་ཡུལ་(དེའི་ནང་དུ་གཡོ་ཁྲམ་འགོག་ཟོན་དང་ཉེན་ཁར་དཔྱད་དཔོག བརྟག་དཔྱད་དང་མཁོ་མཁན་གྱི་རྒྱབ་སྐྱོར་བཅས་ཚུད་ཡོད་དེས་མི་ཚད།)ལ་གཞིགས་ན། ང་ཚོར་བྱ་ཐབས་སྤེལ་བའི་དབང་ཆ་ཡོད་དེ། ཁྱེད་ཀྱིས་གྲོས་མཐུན་འདི་དང་སྤྱད་འཐུས་བཅའ་ཁྲིམས། ཡང་ན་ཁྲིམས་ཁང་དང་སྲིད་རྒྱ། སྲིད་འཛིན་ལས་ཁུངས་སམ་དེ་མིན་གྱི་སྲིད་གཞུང་ལས་ཁུངས་ཀྱི་བཀའ་རྒྱའམ་རེ་བར་བརྩི་སྲུང་ཞུ་བ་ཁག་ཐེག་བྱེད་ཆེད་ཡིན། ང་ཚོས་ག་དུས་ཡིན་ཡང་ཁྱེད་ཀྱི་ནང་དོན་གྲོས་མཐུན་འདི་དང་འཚམ་མིན་དང་ཡང་ན་མཐུན་མིན་ལ་ཞིབ་ལྟ་བྱེད་པའི་དབང་ཆ་ཡོད། གལ་ཏེ་ང་ཚོས་ཁྱེད་ཀྱི་ནང་དོན་ནི་གྲོས་མཐུན་འདི་དང་འགལ་བ་གསར་རྙེད་བྱུང་བའམ་ཡང་ན་སྤྱི་སྒྲིག་སྲོལ་བཟང་དང་མི་མཐུན་ཚེ། ང་ཚོས་སྔོན་ལ་བརྡ་ཐོ་མ་བཏང་བའི་གནས་ཚུལ་འོག་གནས་ཚུལ་ལ་གཞིགས་ནས་སྔོན་ལ་ཁྱེད་ཀྱི་ནང་དོན་ལ་ཞིབ་བཤེར་དང་། གནས་སྤོ། ཁས་མི་ལེན་པ། བཟོ་བཅོས་དང་/ཡང་ན་སྤོ་བའི་དབང་ཆ་ཡོད།
9 སྒེར་གསང་དང་གཞི་གྲངས་ཀྱི་འཚོལ་བསྡུ།
ཁྱེད་ལ་སྔར་ལས་ལྷག་པའི་དགོ་ནས་ཞབས་ཞུ་འདི་འདོན་སྤྲོད་བྱེད་ཆེད། ཧྭ་ཝེ་ཡིས་བཅའ་ཁྲིམས་དང་ཁྲིམས་སྲོལ་གྱི་བླང་བྱ་དང་། ཤེས་སུ་འཇུག་པ་མ་ཟད། ཁྱེད་རང་གི་མོས་མཐུན་ཐོབ་པའི་སྔོན་འགྲོའི་ཆ་རྐྱེན་འོག་ཁྱེད་ཀྱི་མི་སྒེར་གྱི་ཆ་འཕྲིན་བསྡུ་རུབ་དང་ཐག་གཅོད་བྱེད།
10 འོས་འགན་མེད་པའི་གསལ་བཤད།
ཞབས་ཞུ་འདི་ནི་ཁྱེད་མི་སྒེར་ཁོ་ནར་བེད་སྤྱོད་པར་མཁོ་འདོན་བྱས་པ་ཡིན། ཕྱོགས་གསུམ་པ་གང་རུང་གིས་བེད་སྤྱོད་པར་མཁོ་འདོན་བྱ་མི་རུང་། ཁྱེད་ཀྱིས་མོས་མཐུན་གནང་བར། དབང་སྤྲོད་མེད་པར་ཞབས་ཞུ་དེ་ཉིད་སྤྱད་པའི་རྐྱེན་གྱིས་གྱོང་གུན་གང་འདྲ་ཞིག་བྱུང་ཡང་ཧྭ་ཝེ་དང་ཧྭ་ཝེའི་འབྲེལ་ཡོད་ཀུང་སི་དང་། འགན་འཁུར་བ། ལས་འཛིན་པ། ལས་མི། འགན་གཙང་ལེན་མཁན། ལས་ཚབ། ཕྱོགས་གསུམ་པའི་གཏོང་སྤྲོད་ཞབས་ཞུ་མཁོ་འདོན་ཚོང་པ། མཉམ་ལས་རོགས་ཟླ། ཆོག་འཐུས་ཕྱོགས་བཅས་དང་དེ་བཞིན་བརྒྱུད་འཚོང་མཁན་(གཤམ་ལ་མཉམ་དུ་ཧྭ་ཝེ་ཕྱོགས་ཞེས་འབོད།)གྱིས་འགན་འཁྲི་གང་ཡང་འཁུར་གྱི་མེད།
ཞབས་ཞུ་འདི་བེད་སྤྱོད་པའི་བརྒྱུད་རིམ་ཁྲོད་ཚོད་འཛིན་མི་ཐུབ་པའི་རྒྱུ་མཚན་ལ་བརྟེན་དུས་ཡུན་རྒྱུས་མེད་ནང་མཚམས་འཇོག་པ་དང་ནར་འགྱངས་པ་ཡང་ན་བར་ཆད་ཐེབས་སྲིད། ཁྱེད་ཀྱིས་མོས་མཐུན་བྱ་རྒྱུར། གོང་བརྗོད་ཀྱི་བར་མཚམས་ཆད་པ་དང་ནར་འགྱངས། འགལ་རྐྱེན་བཟོ་བའམ་རིགས་འདྲའི་ཆག་སྐྱོན་གྱིས་བཟོས་པའམ་དེ་དང་འབྲེལ་ཡོད་ཀྱི་རྒྱུ་མཚན་ཞུ་འབུལ་གང་རུང་ཐད་ལ། ཧྭ་ཝེའི་ཕྱོགས་ཀྱིས་འགན་འཁྲི་གང་ཡང་མི་འཁུར།
བཅའ་ཁྲིམས་སྤྱད་ན་འཚམས་པའི་ཁྱབ་ཁོངས་ཆེ་ཤོས་ནང་ཁྱེད་རང་ངམ་ཡང་ན་མི་གཞན་དག་གང་ཞིག་ཡིན་རུང་གཤམ་གསལ་གྱི་རྒྱུ་མཚན་ལས་ལྟ་སྤྱོད་བྱེད་མི་ཐུབ་པའམ་ཡང་ན་ཞབས་ཞུ་དེ་སྤྱོད་མི་ཐུབ་པའི་རྐྱེན་གྱིས་གྱོང་གུན་བཟོས་རིགས་ལ་ཧྭ་ཝེའི་ཕྱོགས་ཀྱིས་འགན་འཁྲི་གང་ཡང་འཁུར་མི་དགོས།
(a) ཧྭ་ཝེ་ཡིས་རྒྱུད་ཁོངས་དང་མཉེན་མཁྲེགས་ཆས་ལ་སྲུང་སྐྱོང་དང་། ཡང་ན་རིམ་སྤོར་བྱས་པའི་དབང་གིས་ཞབས་ཞུ་འདི་བར་མཚམས་འཇོག་པའམ་ཡང་ན་མཇུག་བསྒྲིལ་བ།
(b) ཧྭ་ཝེ་ལ་དབང་བ་མིན་པའམ་ཚོད་འཛིན་བྱེད་པ་མིན་པའི་རྒྱུད་ཁོངས་སམ་དྲ་རྒྱ་འཕྲིན་གཏོང་ནར་འགྱངས་བྱས་པའམ། ཡང་ན་ཆག་སྐྱོན་བྱུང་བ།
(c) ཧྭ་ཝེ་དང་ཕྱོགས་གསུམ་པའི་དངུལ་སྤྲོད་ཞབས་ཞུ་མཁོ་འདོན་ཚོང་པ་གང་ཞིག་བར་གྱི་གན་རྒྱ་འམ་དེ་མིན་གྱི་ཁ་ཆད་བར་མཚམས་འཇོག་པ་དང་འདོར་བ། ཡང་ན་མཇུག་བསྒྲིལ་བ།
(d) མགྲོན་ནག་གིས་རྒོལ་བའམ་ཡང་ན་དེ་དང་འདྲ་བའི་བདེ་འཇགས་ཀྱི་ཤུགས་རྐྱེན་གྱིས་ནོར་འཁྲུལ་བཟོས་པའམ་ཆད་པ། ཡང་ན།
(e) ཧྭ་ཝེའི་ལུགས་མཐུན་ཚོད་འཛིན་ལས་བརྒལ་བའི་རྒྱུ་མཚན་གཞན་དག
ཞབས་ཞུ་འདི་ད་ལྟའི་གནས་ཚུལ་དང་ད་ཡོད་ལྟར་མཁོ་འདོན་བྱེད་པ་ལས། རྣམ་པ་གང་རུང་གི་ཁག་ཐེག་གམ་རྒྱབ་ཤོག་ཏུ་མིང་རྟགས་མི་འགོད། ཁྲིམས་འཛིན་མངའ་ཁོངས་སྤྱད་འཐུས་ཀྱི་ཁྲིམས་ལུགས་ཀྱིས་ཆོག་མཆན་བྱེད་པའི་ཆེས་ཆེ་བའི་ཁྱབ་ཁོངས་སུ། ཧྭ་ཝེ་ཡིས་གཤམ་གསལ་གྱི་ཕྱོགས་ལ་མངོན་སུམ་མམ་ཟུར་གྱིས་ཁས་ལེན་དང་ཆ་རྐྱེན་ཡང་ན་གྲོས་ཆིངས་དག་ངོན་ལེན་མི་བྱེད་ན། དེ་ལ་ཁག་ཐེག་དང་དམ་བཅའ། གསལ་བསྒྲགས་སམ་ཁས་ལེན་བྱས་མེད།
(a) ཞབས་ཞུ་དེ་ཉིད་དམ་ཞབས་ཞུ་དེ་ཉིད་ལ་གཞིགས་ནས་ཐོབ་པའི་ནང་དོན་གང་རུང་གི་ཆ་ཚང་རང་བཞིན་དང་། གནད་འཁེལ་རང་བཞིན། ཡིད་རྟོན་རང་བཞིན་ནམ་དུས་ཐོག་རང་བཞིན།
(b) ཞབས་ཞུ་འདིའམ་ཞབས་ཞུ་འདི་ཐེག་འཁུར་བྱེད་པའི་ཞབས་ཞུ་ཆས་ལ་ཞན་ཆ་དང་ནོར་འཁྲུལ། ནད་དུག སྐྱོན་ཆ་དང་ཡང་ན་གཞན་པའི་གནོད་པའི་གཞི་རྒྱུ་ཡོད་མེད།
(c) ཞབས་ཞུ་འདིའི་འཁོར་སྐྱོད་དམ་རྩོལ་ནུས་ཐད་ཀྱི་ཞན་ཆ་དག་བཅོས་བྱེད་སྲིད་མིན།
(d) ཞབས་ཞུ་འདིའི་དམིགས་བསལ་གྱི་རྩོལ་ནུས་དང་འབྲེལ་བའི་ཁག་ཐེག་བྱེད་པའམ་ཡང་ན་ཁྱེད་ཀྱིས་ཞབས་ཞུ་འདིར་བཀོལ་སྤྱོད་དང་ལྟ་སྤྱོད་གནང་སྐབས་ཐོབ་པའི་ཆ་འཕྲིན་གང་རུང་ལ་བློས་འཁེལ་ཐུབ་མིན་དང་། སྤུས་དག་ཡིན་མིན་ནམ་ཡང་དག་ཡིན་མིན།
(e) ཞབས་ཞུ་འདི་བདེ་འཇགས་ཡིན་ལ་ནོར་འཁྲུལ་མེད་པ་ཡིན་མིན། དེ་བཞིན།
(f) ཞབས་ཞུ་འདི་བློ་གཏད་ཆོག་པ་དང་སྤུས་ལེགས། ཡང་དག བེད་སྤྱོད་རུང་བ་ཡིན་མིན། ཡང་ན་ཁྱེད་ཀྱི་དགོས་མཁོ་སྐོང་ཐུབ་མིན། ཆེད་བཙུགས་ཀྱི་མཇུག་འབྲས་ཐོན་མིན་ནམ་ཆེད་བཙུགས་ཀྱི་མཇུག་འབྲས་སམ་གྲུབ་འབྲས་མངོན་འགྱུར་ཐུབ་མིན། ཞབས་ཞུ་འདིའི་ཆ་ཚང་ངམ་ཁ་ཤས་ལ་བརྟེན་ཐབས་དང་བེད་སྤྱོད་དམ་འགྲེལ་བཤད་བྱ་བའམ་ཁྱེད་ (ཡང་ན་མི་གཞན་གང་རུང་།) ཀྱིས་ཞབས་ཞུ་འདི་ལྟ་སྤྱོད་དང་ཡང་ན་བེད་སྤྱོད་དུས་ཐོབ་པའི་ཆ་འཕྲིན་གྱིས་རྐྱེན་པའི་གྱོང་གུན་དང་གནོད་འཚེ་གང་ཞིག་ལ་ཧྭ་ཝེ་ཡིས་འགན་འཁྲི་ཅི་ཡང་མི་འཁུར།
རྒྱལ་ཁབ་ཁ་ཤས་ཀྱི་བཅའ་ཁྲིམས་ཀྱིས་གན་རྒྱའི་ནང་དུ་འགན་ལེན་ཁག་ཐེག་གམ་འོས་འགན་རྐྱེན་སེལ་ལམ་བཀག་སྡོམ་བྱེད་མི་ཆོག གལ་ཏེ་བཅའ་ཁྲིམས་འདི་དག་ཁྱེད་ལ་སྤྱད་ཆོག་ན། གོང་དུ་བཤད་པའི་ཕྱིར་འབུད་དམ་ཚོད་འཛིན་དོན་ཚན་ཚང་མ་དང་ཆ་ཤས་ཕལ་ཆེར་སྤྱད་ན་མི་འཚམ། གྲོས་མཐུན་འདིའི་ནང་གི་ནང་དོན་གང་རུང་གིས་ཁྱེད་རང་འཛད་སྤྱོད་པ་ཡིན་པའི་ཆ་ནས་ཁྲིམས་གཏན་ཁེ་དབང་ལ་ཤུགས་རྐྱེན་མི་ཐེབས།
11 གྱོང་གུན་ཁ་གསབ།
ཁྱེད་ཉིད་གནས་སའི་ཁྲིམས་འཛིན་མངའ་ཁོངས་སུ་སྤྱོད་འཐུས་པའི་བཅའ་ཁྲིམས་ཀྱི་ཁྱབ་ཁོངས་ཆེ་ཤོས་ནང་། ཁྱེད་ཀྱིས་ཧྭ་ཝེའི་ཕྱོགས་ལ་གཤམ་གསལ་གྱི་ནང་དོན་ལས་བྱུང་བའམ་ཡང་ན་དེ་དང་འབྲེལ་བ་ཡོད་པའི་གུན་གསབ་རེ་ཞུ་དང་གཏུག་བཤེར་རམ་ཡང་ན་ཞུ་གཏུག་གི་གནོད་འཚེ་མི་ཡོང་བའི་འགན་ལེན་བྱ་དགོས།
(1) ཁྱེད་ཀྱི་ནང་དོན།
(2) ཁྱེད་ཀྱིས་ཞབས་ཞུ་འདི་བཀོལ་སྤྱོད་བྱེད་པ།
(3) ཁྱེད་ཀྱིས་གྲོས་མཐུན་འདི་དང་འགལ་བའམ་སྤྱོད་གོ་ཆོད་པའི་མཐའ་མའི་སྤྱོད་པ་པོའི་ཆོག་མཆན་གྲོས་མཐུན་ཁྲོད་ཀྱི་ཆ་ཤས་གང་རུང་ཞིག
(4) ཁྱེད་ཀྱིས་ཕྱོགས་གསུམ་པའི་ཤེས་བྱའི་ཐོན་དངོས་བདག་དབང་ངམ་ཡང་ན་ཁེ་དབང་གཞན་དག་ལ་གནོད་འཚེ་བཏང་བ།
(5) མི་སུ་འདྲ་ཞིག་གིས་ཀྱང་ཁྱེད་ཀྱི་ཧྭ་ཝེའི་ཐོ་ཨང་བེད་སྤྱད་ནས་ལག་བསྟར་བྱེད་པའི་དེ་དང་འདྲ་བའི་བྱ་སྤྱོད་དམ་ཡང་ན་གོང་སྨོས་ཀྱི་ནང་དོན་དང་འགལ་བ།
དེའི་ནང་དུ་གོང་གསལ་གནས་ཚུལ་གྱིས་བཟོས་པའི་རྩོ་ད་གཞི་དང་གཏུག་བཤེར། ཞུ་གཏུག་ཁག་ལས་བྱུང་བའི་འགན་འཁྲི་དང་གནོད་འཚེ། འགྲོ་གྲོན། ཞུ་གཏུག་འགྲོ་གྲོན་དང་ཁྲིམས་རྩོད་པའི་འགྲོ་གྲོན་གང་རུང་ཚུད་ཡོད། ཁྱེད་ཀྱིས་ཧྭ་ཝེ་ཕྱོགས་གང་རུང་གིས་ལུགས་མཐུན་གྱི་རེ་བ་འདོན་སྐབས་མྱུར་དུ་ནུས་ཤུགས་ཡོད་དགུས་དེར་གཞོགས་འདེགས་བྱེད་པར་ཁག་ཐེག་དང་མོས་མཐུན་གནང་ཡོད།
12 ཁྱེད་ཀྱིས་མཇུག་སྒྲིལ་བ།
ཁྱེད་ཀྱིས་ཉེར་སྤྱོད་ནང་གི་སྒྲིག་བཀོད་དྲ་ངོས་བརྒྱུད་ནས་པར་ཆས་དང་གསོག་འཇོག་གི་དབང་ཚད་ཁ་རྒྱག་ཆོག ཉེར་སྤྱོད་ཀྱི་མིའི་གཟུགས་པོའི་ཚད་འཇལ་རྩོལ་ནུས་སྤྱོད་པའི་བར་ལ། ཁྱེད་ཀྱིས་རྩོལ་ནུས་ཀྱི་དྲ་ངོས་ཁྲོད་དབང་སྤྲོད་མེད་པར་བཟོས་པ་མཟད་ཞབས་ཞུ་མཚམས་འཇོག་ཆོག
ཁྱེད་ཀྱི་དྲ་གྲངས་མཇུག་སྒྲིལ་རྗེས། ཧྭ་ཝེ་ཡིས་འཕྲལ་དུ། གཏན་དུ་ཁྱེད་ཀྱི་དྲ་གྲངས་འོག་གི་དཔྱད་གཞི་དང་ཡིག་ཆ། ཉར་གསོག་བྱེད་པའི་ནང་དོན་སུབ་ཆོག འོན་ཀྱང་ཁྲིམས་ལུགས་དང་དོན་དངོས་ཀྱི་རྒྱུ་རྐྱེན་འགའ་རེར་གཞིགས་ནས། ཧྭ་ཝེ་ཡིས་གཞི་གྲངས་འདི་དག་གི་གྲབས་ཉར་བུ་ཡིག་སུབ་ཐབས་བྲལ་སྲིད། དུས་མཚུངས་སུ། ཁྱེད་ཀྱིས་སྤྱོད་མཁན་གཞན་པར་བསྐུར་བའི་ནང་དོན་ཏེ་བརྡ་འཕྲིན་ཚུད་པ་དེ་སུབ་ཐབས་བྲལ་སྲིད།
ཁྱེད་ཀྱི་ཐོ་ཨང་མཇུག་སྒྲིལ་རྗེས། ཁྱེད་ཀྱིས་མཇུག་སྒྲིལ་ཉིན་(ཚུད།)སྔོན་གྱི་སྤྲོད་དགོས་པའི་གྲོན་དངུལ་གང་རུང་གི་འོས་འགན་མེད་པར་བཟོ་མི་སྲིད། དེ་མ་ཟད་ཧྭ་ཝེ་དང་ཕྱོགས་གསུམ་པ་གང་རུང་གིས་ཁྱེད་ཀྱིས་ཐོ་ཨང་མཇུག་སྒྲིལ་རྗེས་ཞབས་ཞུ་འདི་ཐོབ་མི་ཐུབ་པའི་མཇུག་འབྲས་བྱུང་བ་ལ་འགན་འཁྲི་གང་ཡང་མི་འཁུར།
13 ཧྭ་ཝེ་ཡིས་མཚམས་འཇོག་པའམ་ཡང་ན་མཇུག་བསྒྲིལ་བ།
ང་ཚོས་སྤྱད་འཐུས་བཅའ་ཁྲིམས་ལ་གཞིགས་ནས་བར་མཚམས་འཇོག་པ། ཚོད་འཛིན་བྱེད་པ། དོར་བའམ་ཡང་ན་ཁྱེད་རང་འཚམས་འདྲིའི་ཞབས་ཞུ་ཡོངས་རྫོགས་སམ་ཡང་ན་ཆ་ཤས་མཚམས་འཇོག་བྱེད་པ་ལས་མི་སྒེར་རམ་ཡང་ན་ཕྱོགས་གསུམ་པ་གང་རུང་ལ་འགན་འཁྲི་གང་ཡང་འཁུར་གྱི་མེད། ང་ཚོས་གོང་བརྗོད་ཀྱི་བྱ་སྤྱོད་མ་སྤེལ་གོང་ནུས་ཤུགས་ཡོད་རྒུས་ཁྱེད་ལ་བརྡ་ཐོ་གཏོང་སྲིད། འོན་ཀྱང་གཤམ་གྱི་དོན་ཚན་ཐོན་ཚེ། ང་ཚོས་ཁྱེད་རང་ལ་བརྡ་ཐོ་མ་བཏང་བའི་གནས་ཚུལ་འོག་འཕྲལ་དུ་ཁྱེད་ཀྱི་ཞབས་ཞུ་འདིའི་ཚང་མའམ་ཁག་གཅིག་ལྟ་སྤྱོད་བྱེད་པ་བར་མཚམས་འཇོག་པ། མཚམས་འཇོག་པ་དང་འདོར་བ། དེ་བཞིན་ཚད་བཀག་བཟོ་སྲིད།
(a) ཁྱེད་ཀྱིས་རྒྱབ་འགལ་བྱས་པའམ་ཧྭ་ཝེ་ཡིས་ཁྱེད་ཀྱིས་མི་འགྱངས་པར་གྲོས་ཡིག་འདིར་འགལ་བར་འདོད་པ་ལ་རྒྱུ་མཚན་ཡོད་པ་སྟེ། དེའི་ཁྲོད་འདུས་པའི་ཁ་ཆད་གང་རུང་དང་སྲིད་ཇུས་སམ་ཕྱོགས་སྟོན་འདུས།
(b) ཁྱེད་དམ་ཁྱེད་ཀྱི་ཚབ་བྱས་ནས་དོན་སྒྲུབ་པའི་མི་སུ་ཡིན་རུང་མགོ་སྐོར་གཡོ་འཕྲུལ་ལམ་ཁྲིམས་འགལ་གྱི་བྱ་སྤྱོད་གང་ཞིག་སྤེལ་བའམ། ཡང་ན་ཧྭ་ཝེ་ལ་ཆ་འཕྲིན་རྫུན་མ་དང་ལོག་པར་འཁྲིད་པའི་ཆ་འཕྲིན་མཁོ་འདོན་བྱེད་པ།
(c) ཕན་ནུས་ལྡན་པའི་བཅའ་ཁྲིམས་ཀྱི་གོ་རིམ་ལྟར་ཁྲིམས་བསྟར་སྡེ་ཁག་གམ་སྲིད་གཞུང་ལས་ཁུངས་ཀྱིས་བཏོན་པའི་བླང་བྱ་དང་ལེན་བྱེད་པ།
(d) ཛ་དྲག་ཆེ་བའི་རྒྱུད་ཁོངས་དང་མཁྲེགས་ཆས་སྲུང་སྐྱོང་དང་གསར་སྒྱུར་བྱེད་པའི་བྱ་བ་སྒྲུབ་པ། ཡང་ན།
(e) བློ་ཡུལ་ལས་འདས་པའི་ལག་རྩལ། བདེ་འཇགས་དང་ལས་སྒོའི་རྒྱུ་མཚན་ཡིན་པ།
གྲོས་མཐུན་འདིའི་དུས་བཀག་ཏུ་སླེབས་པའམ་ཡང་ན་མཚམས་བཞག་པ་ཡིས་གྲོས་མཐུན་འདིའི་ནང་དེའི་ནུས་པ་ཤོར་བའམ་ཡང་ན་མཇུག་སྒྲིལ་རྗེས་སྔར་བཞིན་བཀོལ་སྤྱོད་དམ་མུ་མཐུད་དུ་ནུས་ལྡན་ཡིན་པའི་ཆ་རྐྱེན་གསལ་བཤད་བྱས་པར་ཤུགས་རྐྱེན་མི་ཐེབས་ལ། བརྩི་བྱའི་ཁེ་དབང་ངམ་འོས་འགན་གང་རུང་། ཡང་ན་གྲོས་མཐུན་འདིའི་ནུས་པ་ཤོར་བའམ་ཡང་ན་མཇུག་སྒྲིལ་རྗེས་མུ་མཐུད་དུ་ཕན་ནུས་ལྡན་པའི་ཁེ་དབང་ངམ་འོས་འགན་གང་རུང་ལའང་ཤུགས་རྐྱེན་མི་ཐེབས།
གྲོས་མཐུན་འདི་གང་ཞིག་ཡིན་རུང་དེའི་ངོ་བོ་ནི་གྲོས་མཐུན་མཚམས་བཞག་རྗེས་མུ་མཐུད་དུ་གོ་ཆོད་པའི་དོན་ཚན་ཡིན་དགོས་པ་དང་། དོན་ཚན་དེ་དག་ནང་གི་ཆ་རྐྱེན་འཛོམས་པའམ་ཡང་ན་དེའི་ངོ་བོ་ལ་གཞིགས་ནས་དུས་ལོངས་དགོས་པའི་བར་གྲོས་ཡིག་འདི་མཚམས་བཞག་རྗེས་དེའི་ནུས་པ་ཆ་ཚང་མུ་མཐུད་དུ་སྲུང་འཛིན་བྱ་དགོས།
14 གྲོས་མཐུན་འདིའི་དག་བཅོས།
ཧྭ་ཝེ་ཡིས་རྟག་པར་ཞབས་ཞུ་འདི་གསར་སྒྱུར། དག་བཅོས་དང་ལེགས་བཅོས་བྱེད་བཞིན་ཡོད། ཧྭ་ཝེ་ཡིས་ཞབས་ཞུ་འདིའི་རྩོལ་ནུས་སམ་གཤིས་ནུས་སུབ་པའམ་མང་དུ་གཏོང་སྲིད། ཞབས་ཞུ་གཞན་དག་ལ་ཚད་བཀག་གསར་པའམ་གནས་སྐབས་མཚམས་འཇོག ཡང་ན་ཡུན་རིང་མཚམས་འཇོག་བྱ་རྒྱུར་སྒྲིག་འགོད་བྱེད། ཧྭ་ཝེ་ཡིས་ཀྱང་ཞབས་ཞུ་འདིའི་གསར་སྒྱུར་ལྟར་གྲོས་མཐུན་འདིར་དུས་གང་རུང་དུ་བཟོ་བཅོས་བྱེད་སྲིད།
གསར་སྒྱུར་བྱས་རྗེས་ཀྱི་གྲོས་མཐུན་གྱི་དོན་ཚན་ནམ་ཞིག་ལ་ཁྱབ་བསྒྲགས་བྱེད་པའམ་སྔོན་གྱི་གྲོས་མཐུན་གྱི་དོན་ཚན་ཚབ་བྱེད་ངེས། ང་ཚོས་APP དྲ་ངོས་སྟེང་དུས་ཐོག་ཏུ་གྲོས་མཐུན་དོན་ཚན་གྱི་བསྒྱུར་བཅོས་ཁྱབ་བསྒྲགས་བྱེད་ངེས། གལ་ཏེ་ཁྱེད་ཀྱིས་བཟོ་བཅོས་བྱས་རྗེས་ཀྱི་གྲོས་མཐུན་དང་ལེན་མ་བྱས་ན། ཞབས་ཞུ་འདི་འཕྲལ་མར་སྤྱོད་མཚམས་འཇོག་རོགས། ཁྱེད་ཀྱིས་ཞབས་ཞུ་འདི་མུ་མཐུད་དུ་ལྟ་སྤྱོད་ཡང་ན་བེད་སྤྱད་ཚེ་བཟོ་བཅོས་བྱས་རྗེས་ཀྱི་གྲོས་མཐུན་ལ་དང་ལེན་བྱེད་པར་བརྩི་བ་ཡིན།
གལ་ཏེ་གྲོས་མཐུན་འདི་བཟོ་བཅོས་བྱས་ན་ཁྱེད་ལ་ཤུགས་རྐྱེན་ཚབས་ཆེན་ཐེབས་པའམ་ཡང་ན་ཁྱེད་ཀྱིས་ཞབས་ཞུ་འདིའི་འཚམས་འདྲི་དང་བཀོལ་སྤྱོད་ལ་ཚོད་འཛིན་ཚབས་ཆེན་ཐེབས་ན། ང་ཚོས་བསྒྱུར་བཅོས་མ་བྱས་གོང་གི་ལུགས་མཐུན་གྱི་དུས་ཚོད་ནང་ཁྱེད་ལ་བརྡ་ཐོ་གཏོང་ངེས། བདེ་འཇགས་དང་བཅའ་ཁྲིམས་སམ་ཡང་ན་ལྟ་སྐུལ་དོ་དམ་གྱི་རེ་བ་སྐོང་ཆེད་ཞབས་ཞུ་འདི་ལ་བཟོ་བཅོས་བརྒྱབ་ན། ང་ཚོས་གོང་དུ་བཤད་པའི་སྔོན་བརྡའི་དུས་ཚོད་ཀྱི་རེ་བ་སྐོང་མི་ཐུབ། འོན་ཀྱང་ང་ཚོས་གང་མགྱོགས་ངང་ཁྱེད་ལ་བརྡ་ཐོ་གཏོང་སྲིད།
15 སྤྱད་འཐུས་ཀྱི་བཅའ་ཁྲིམས་དང་མངའ་ཁོངས།
གྲོས་མཐུན་འདིའི་སྤྱད་འཐུས་བཅའ་ཁྲིམས་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བཅའ་ཁྲིམས་ཡིན། ཁྱེད་དང་ཧྭ་ཝེ་ཡིས་མོས་མཐུན་གནང་བར། གྲོས་མཐུན་འདི་འཇོག་གནས་ནི་ཀྲུང་གོའི་ཀོང་ཏུང་ཞིང་ཆེན་ཧྲེན་ཀྲེན་གྲོང་ཁྱེར་ལུང་སྒང་ཁུལ་ཡིན། གན་རྒྱ་ལག་བསྟར་བྱེད་པའི་བརྒྱུད་རིམ་ནང་གལ་ཏེ་ཕྱོགས་གཉིས་བར་རྩོད་གཞི་བྱུང་ན་གྲོས་མོལ་བྱས་ནས་ཐག་གཅོད་བྱ་དགོས་པ་དང་། གྲོས་མོལ་བྱ་མི་ཐུབ་པའི་རིགས་ལ་ཕྱོགས་གཉིས་ཀས་གྲོས་མཐུན་འཇོག་ཡུལ་དོ་བདག་བྱེད་དབང་ཡོད་པའི་མི་དམངས་ཁྲིམས་ཁང་ལ་གཏུག་བཤེར་གྱི་རྣམ་པས་ཐག་གཅོད་བྱ་དགོས།
16 སྤྱིར་བཏང་གི་དོན་ཚན།
ཞབས་ཞུ་འདིའམ་ཕྱོགས་གསུམ་པས་དྲ་ཚིགས་སམ་ཐོན་ཁུངས་གཞན་གྱི་འབྲེལ་ཐག་མཁོ་སྤྲོད་བྱེད་ཀྱང་སྲིད། ཁྱེད་རང་གིས་བསམ་ཤེས་དང་མོས་མཐུན་བྱ་རྒྱུར། ང་ཚོས་ཕྱི་ཕྱོགས་དྲ་ཚུགས་སམ་ཡང་ན་ཐོན་ཁུངས་དེ་རིགས་ཀྱི་སྤྱོད་རུང་རང་བཞིན་ལ་འགན་འཁུར་གྱི་མེད་ལ། དྲ་ཚུགས་སམ་ཡང་ན་ཐོན་ཁུངས་དེ་རིགས་ཀྱི་ཐོག་དང་། ཡང་ན་དེ་ལས་ཐོབ་པའི་ནང་དོན་དང་། བརྡ་ཁྱབ། ཐོན་རྫས་སམ་ཡང་ན་ཆ་འཕྲིན་གཞན་དག་ལ་རྣམ་པ་གང་རུང་གི་རྒྱབ་མཆན་ནམ་ཡང་ན་འགན་འཁྲི་གང་ཡང་མི་འཁུར། ཁྱེད་ཀྱིས་གཞི་འཛིན་ས་གང་རུང་བཀོལ་བའམ་བརྟེན་པ། ཡང་ན་དྲ་ཚིགས་སམ་ཐོན་ཁུངས་དེ་རིགས་བརྒྱུད་ནས་ཐོབ་པའི་ནང་དོན་དང་ཚོང་རྫས། ཡང་ན་ཞབས་ཞུ་གང་རུང་ལས་བཟོས་པའམ། ཡང་ན་དེའི་རྐྱེན་ལས་བྱུང་བའམ་དེ་དང་འབྲེལ་ཡོད་ཀྱི་གྱོང་གུན་ནམ་གནོད་འཚེ་གང་རུང་ལ་ང་ཚོས་འགན་འཁྲི་གང་ཡང་མི་འཁུར།
གྲོས་མཐུན་འདིའི་ནང་དོན་གང་རུང་ནི་ཁྱེད་དང་ཧྭ་ཝེའི་དབར་ལ་མཉམ་འབྲེལ་ལམ་ལས་ཚབ་ཀྱི་འབྲེལ་བ་ཡོད་པར་བརྩི་མི་ཆོག ཕྱོགས་གང་རུང་ཞིག་ལ་ཕྱོགས་ཅིག་ཤོས་ཀྱི་མིང་ཐོག་གམ་ཡང་ན་ཕྱོགས་ཅིག་ཤོས་ཀྱི་ཚབ་བྱས་ནས་བུ་ལོན་འཇལ་འགན་ནམ་མ་གནས་གང་རུང་ཞིག་བྱུང་བའམ་ཡང་ན་གན་རྒྱའམ་ཁ་ཆད་གཞན་དག་བཞག་མི་ཆོག
ཧྭ་ཝེ་ཡིས་ལུགས་མཐུན་ངང་ཚོད་འཛིན་ཁྱབ་ཁོངས་ཕུད་པའི་དོན་རྐྱེན་གྱིས་ཧྭ་ཝེ་ཡིས་གྲོས་མཐུན་འདི་དང་ཡང་ན་ཞབས་ཞུའི་ཆ་རྐྱེན་དེའི་ཁྲོད་ཀྱི་འོས་འགན་བསྒྲུབ་མ་ཐུབ་པ་དང་ཡང་ན་ལག་བསྟར་དུས་འགྱངས་བྱས་པ། ཧྭ་ཝེ་ཡིས་འགན་འཁྲི་གང་ཡང་འཁུར་མི་དགོས།
ཧྭ་ཝེ་ཀུང་སིའི་བྱེ་བྲག་ཀུང་སི་དང་ཡན་ལག་ཀུང་སི་ནི་གྲོས་མཐུན་འདིའི་ཁེ་ཐོབ་ཕྱོགས་ཡིན། དེ་ཚོས་གྲོས་མཐུན་འདིའི་འབྲེལ་མིའི་ཐོབ་ཐང་ལྟར་གྲོས་མཐུན་འདི་བཙན་གྱིས་ལག་བསྟར་བྱེད་ཆོག ཧྭ་ཝེ་ལ་ཁྱེད་ཀྱི་ཁེ་དབང་དང་ཁེ་ཕན་ཁག་ཇེ་ཉུང་དུ་མི་འགྲོ་བའི་སྔོན་འགྲོའི་འོག་གྲོས་མཐུན་འདིའི་འོག་གི་ཁེ་དབང་དང་འོས་འགན་ནང་བཤུག་དང་། འགན་གཙང་བགོ་བ། བརྗེ་རེས་བཅས་བྱེད་པའི་དབང་ཆ་ཡོད།
གལ་ཏེ་གྲོས་མཐུན་འདིའི་ནང་གི་དོན་ཚན་གང་ཞིག་བདག་སྤྲོད་བྱེད་དབང་ཡོད་པའི་ཁྲིམས་ཁང་ངམ་གཙོ་གཉེར་ལས་ཁུངས་གཞན་དག་གང་ཞིག་གིས་ནུས་མེད་བརྩི་རྒྱུ་དང་། ནུས་པ་ཤོར་བའམ་ཡང་ན་ལག་བསྟར་བྱེད་ཐབས་བྲལ་བ་ཡིན་ན། དོན་ཚན་འདི་གྲོས་མཐུན་འདིའི་ནང་ནས་བསུབས་ཟིན་པར་བརྩི་རྒྱུ། འོན་ཀྱང་དོན་ཚན་གཞན་དག་གང་ཞིག་ཡིན་རུང་སྔར་བཞིན་བཅའ་ཁྲིམས་ཀྱི་ནུས་པ་ལྡན་པ་ཡིན།
17 ང་ཚོར་འབྲེལ་གཏུག་བྱེད།
གལ་ཏེ་ཁྱེད་ལ་གྲོས་མཐུན་འདིར་དོགས་གཞི་ཅི་ཞིག་ཡོད་ན། གཤམ་གྱི་ཆ་འཕྲིན་ཏེ། 950800བརྒྱུད་ནས་ང་ཚོར་འབྲེལ་གཏུག་གནང་རོགས།