HUAWEI AR Хэмжилт болон Нууцлалын тухай мэдэгдэл
Сүүлд шинэчилсэн: 2022 оны есдүгээр сарын 26
HUAWEI AR Хэмжилт нь Huawei Device Co., Ltd. (цаашид "Huawei", "бид", "бидэнд" эсвэл "манай" гэх)-с нийлүүлж буй апликэйшн бөгөөд танд бодит биет болон хүний биеийг хэмжих боломжийг олгоно.Huawei нь таны хувийн мэдээлэл, нууцлалыг чухалчилж авч үздэг бөгөөд холбогдох хууль тогтоомж болон салбарын тогтсон аюулгүй байдлын стандартын дагуу таны хувийн мэдээллийг хамгаалах зохих хамгаалалтын арга хэмжээг авах үүрэгтэй.
1 Бид таны хувийн мэдээллийг хэрхэн цуглуулж, ашиглах тухай
Бид танд доор тайлбарласан онцлогийг HUAWEI AR Хэмжилтээр дамжуулан хүргэнэ. Гэрээний үүргээ биелүүлж, таныг ийм онцлогийг ашиглах боломжийг нягтлахын тулд бид таныг ийм онцлогийг ашиглах үед доор тайлбарласны дагуу онцлогийг нийлүүлэхэд шаардлагатай мэдээллийг боловсруулах болно.Та холбогдох мэдээллийг өгөхгүй бол таны энэ апликэйшний онцлогийн хэрэглээнд нөлөөлнө.
Биет болон хүн хэмжих
Биетийн урт, талбай, эзлэхүүн, мөн хүний өндөр, зүрхний цохилт, амьсгалын тоог хэмжихийн тулд (төхөөрөмжийн загвараас хамаарч онцлог нь ялгаатай байж болно) бид таны камерын урьдчилан үзэх урсгал, хурдатгал хэмжигчийн мэдээлэл, гироскопын мэдээлэл, таталцлын мэдрэгчийн мэдээлэл, соронзон хэмжигчийн мэдээлэл, дэлгэцийн чиглэл мэдрэгчийн мэдээлэл, системийн шинж чанар, төхөөрөмжийн загвар зэргийг төхөөрөмж дээр боловсруулах шаардлагатай. Хэрэв AR Хэмжилт ашиглан хэмжилтийн дэлгэцийн зургийг авч, хадгалбал бид таны дэлгэцийн зургийг төхөөрөмж дээр боловсруулж, хадгалах болно.
Мөн HUAWEI AR Хэмжилт нь танд биетийн хэмжилтийн өгөгдлөө (урт, талбай, эзлэхүүн зэрэг) гуравдагч этгээдийн апликэйшнтэй хуваалцах боломжийг олгоно. Өгөгдлийг хувь хүнтэй холбохгүй. Гуравдагч этгээдийн програм хангамжаас HUAWEI AR Хэмжилтийг эхлүүлэхээс өмнө гуравдагч этгээдийн нууцлалын бодлогыг анхааралтай уншина уу.
2 Шаардлагатай зөвшөөрөл
Камер: Энэхүү зөвшөөрөл нь таныг энэ апликэйшний хэмжилтийн үйлчилгээг ашиглах үед камерын урьдчилан үзэх урсгалаар дамжуулан AR алгоритм ашиглан бодит биет болон хүний биеийг тодорхойлоход шаардлагатай. Хэрэв та энэ зөвшөөрлийг олгохгүй бол та энэ апликэйшний хэмжилтийн онцлогийг ашиглах боломжгүй болно.
Хадгалах сан (эсвэл Медиа болон файл): Энэхүү зөвшөөрөл нь бидэнд таныг товчлуур дээр дарж хэмжилтийн үр дүнг хадгалах үед хэмжилтийн дэлгэцийн зургийг авч, хадгалахад шаардлагатай. Хэрэв танд ийм үйлчилгээ хэрэггүй бол та энэ зөвшөөрлийг хүссэн үедээ цуцлах боломжтой. Энэ нь таныг бусад үйлчилгээг ашиглахад нөлөөлөхгүй.
Та энэ апликэйшний зөвшөөрлийг системийн Тохиргоо хэсгээс удирдах боломжтой.
3 Бидэнтэй холбогдох
Бид хувийн мэдээллийн хамгаалалт хариуцсан хэлтэс, ажилтантай. Та Нууцлалын Асуулт хуудас руу очин бидэнтэй холбоо барьж болно. Бид аль болох хурдан хугацаанд хариу өгөх болно.
Хэрэв танд бидний хариулт хангалтгүй санагдаж байвал, ялангуяа хувийн мэдээллийг ашиглаж, боловсруулах арга хэлбэр нь таны хуулийн эрх ба/буюу ашиг сонирхлыг хөндөж байна гэж та үзэж байвал холбогдох харьяаллын иргэний шүүхэд нэхэмжлэл гаргах, салбарын өөрөө зохицуулах холбоо, засгийн газрын тохируулагч агентлагт гомдол гаргах эсвэл бусад арга замаар гаднын байгууллагаар шийдвэрлүүлэх бүрэн боломжтой. Та мөн гомдлоо илэрхийлэх боломжтой сувгуудын талаар биднээс зөвлөгөө авч болно.
Huawei-н зүгээс таны хувийн мэдээллийг цуглуулж, ашиглахыг нууцлалын бодлогынхоо дагуу зохицуулна.Нэмэлт мэдээлэл авахыг хүсвэл Huawei Хэрэглэгчийн бизнес нууцлалын мэдэгдлээс лавлана уу.