កិច្ចព្រមព្រៀងអ្នកប្រើការវាស់តាម HUAWEI AR
បានធ្វើបច្ចុប្បន្នភាពចុងក្រោយនៅ៖ ថ្ងៃទី 22 ខែកញ្ញា ឆ្នាំ 2021
1 អំពីយើង
លក្ខខណ្ឌខាងក្រោមបង្កើតបានជាកិច្ចព្រមព្រៀងភ្ជាប់កាតព្វកិច្ចផ្លូវច្បាប់រវាងអ្នក និង Huawei Device Co., Ltd. (ចាប់ពីពេលនេះតទៅហៅកាត់ថា “Huawei”)។ សូមអានដោយយកចិត្តទុកដាក់នូវកិច្ចព្រមព្រៀងអ្នកប្រើការវាស់តាម HUAWEI AR នេះ និងគោលការណ៍ផ្សេងទៀតដែលទាក់ទងនឹងសេវាកម្មទាំងនេះ (រួមគ្នាហៅកាត់ថា “កិច្ចព្រមព្រៀង” នេះ) ដើម្បីធានាថាអ្នកយល់ពីលក្ខខណ្ឌនៃកិច្ចព្រមព្រៀងនេះទាំងស្រុង។ កិច្ចព្រមព្រៀងនេះចែងអំពីការទទួលខុសត្រូវ និងសិទ្ធិតាមផ្លូវច្បាប់របស់អ្នកទាក់ទងនឹងការប្រើរបស់អ្នកនូវសេវាកម្មវាស់តាម HUAWEI AR (ចាប់ពីពេលនេះតទៅហៅកាត់ថា “សេវាកម្មទាំងនេះ”)។ ក្នុងកិច្ចព្រមព្រៀងនេះ “អ្នក” សំដៅលើបុគ្គលទាំងឡាយណាដែលប្រើ និងចូលប្រើសេវាកម្មទាំងនេះ។ តាមរយៈការប៉ះ យល់ព្រម ដើម្បីយល់ព្រមនឹងកិច្ចព្រមព្រៀងនេះ និងការចុះឈ្មោះចូលទៅកម្មវិធីនេះ អ្នកបង្ហាញថាអ្នកបានអានទាំងស្រុង និងទទួលយកលក្ខខណ្ឌទាំងអស់នៃកិច្ចព្រមព្រៀងនេះ។ ប្រសិនបើអ្នកមិនយល់ព្រមតាមខ្លឹមសារណាមួយនៃកិច្ចព្រមព្រៀងនេះទេ អ្នកមានសិទ្ធិឈប់ប្រើសេវាកម្មទាំងនេះភ្លាមៗ។
2 លក្ខខណ្ឌតម្រូវលើការប្រើសេវាកម្មទាំងនេះ
ប្រសិនបើអ្នកជាអនីតិជន អ្នកត្រូវអានកិច្ចព្រមព្រៀងនេះជាមួយឪពុកម្តាយ ឬអាណាព្យាបាលស្របច្បាប់របស់អ្នក ដើម្បីធានាថាពួកគេយល់ច្បាស់អំពីខ្លឹមសារនៃកិច្ចព្រមព្រៀងនេះ មុនពេលសម្រេចចិត្តប្រើសេវាកម្មទាំងនេះ។ មុនពេលទទួលបានការយល់ព្រមពីឪពុកម្តាយ ឬអាណាព្យាបាលស្របច្បាប់របស់អ្នក សូមកុំប្រើសេវាកម្មទាំងនេះ។ លើសពីនេះទៀត យើងណែនាំឱ្យឪពុកម្តាយ ឬអាណាព្យាបាលស្របច្បាប់អនុវត្តការត្រួតពិនិត្យ និងការណែនាំសមស្របលើការប្រើប្រាស់អ៊ីនធឺណិត ទូរសព្ទ និងឧបករណ៍ផ្សេងទៀតរបស់កូនពួកគេ។
3 ការចូលប្រើសេវាកម្មទាំងនេះ
យើងផ្តល់ឱ្យអ្នកនូវអាជ្ញាបណ្ណដែលមានកំណត់ មិនផ្តាច់មុខ មិនអាចផ្ទេរបាន មិនអាចផ្ដល់អាជ្ញាបណ្ណបន្តបាន និងអាចដកហូតបាន ដើម្បីចូលប្រើ និងប្រើសេវាកម្មទាំងនេះ ដោយស្ថិតនៅក្រោម និងស្របតាមកិច្ចព្រមព្រៀងនេះ។
4 ខ្លឹមសារនៃសេវាកម្មទាំងនេះ
សេវាកម្មទាំងនេះផ្តល់ជូនអ្នកនូវសេវាកម្មវាស់តាម HUAWEI AR ដែលជាចម្បងរួមមានមុខងារដូចខាងក្រោម៖
(1) ការវាស់វត្ថុ
ដើម្បីប្រើមុខងារវាស់វត្ថុ អ្នកត្រូវជ្រើសរើស វត្ថុ និងធ្វើប្រតិបត្តិការដូចដែលបានណែនាំ ដើម្បីវាស់ប្រវែង ផ្ទៃក្រឡា និងបរិមាណវត្ថុមួយ។
(2) ការវាស់រាងកាយមនុស្ស
ដើម្បីប្រើមុខងារវាស់រាងកាយមនុស្ស អ្នកត្រូវជ្រើសរើស មនុស្ស និងធ្វើប្រតិបត្តិការដូចដែលបានណែនាំ ដើម្បីវាស់កម្ពស់ ចង្វាក់បេះដូង និងចង្វាក់ដង្ហើម (ដែលមានតែនៅលើម៉ូដែលឧបករណ៍ជាក់លាក់ប៉ុណ្ណោះ)។
5 លក្ខខណ្ឌប្រើប្រាស់
អ្នកយល់ព្រមប្រើសេវាកម្មទាំងនេះឱ្យបានត្រឹមត្រូវ ទទួលយកកិច្ចព្រមព្រៀងនេះ ហើយនឹងគោរពតាមច្បាប់ និងបទប្បញ្ញត្តិជាធរមានទាំងឡាយដែលពាក់ព័ន្ធ។ តាមរយៈការចូលប្រើ និងការប្រើប្រាស់សេវាកម្មទាំងនេះ អ្នកសន្យា និងយល់ព្រមធ្វើបែបនេះដោយស្របតាមច្បាប់ និងក្រមសីលធម៌ ព្រមទាំងយោងតាមកិច្ចព្រមព្រៀងនេះ។ អ្នកមិនត្រូវប្រើសេវាកម្មទាំងនេះ ដើម្បីបញ្ជូនឯកសារ ឬចូលរួមក្នុងសកម្មភាពណាមួយដែល៖
(a) ទាញបញ្ចូល ទាញយក រក្សាទុក ចម្លងឱ្យស្ទួន បោះពុម្ពផ្សាយ បញ្ជូន ផ្ញើតាមអ៊ីមែល ឬផ្តល់ខ្លឹមសារដែលហាមឃាត់ដោយច្បាប់ បទប្បញ្ញត្តិ និងគោលនយោបាយជាធរមាន
(b) រំលោភគោលការណ៍គ្រឹះនៃរដ្ឋធម្មនុញ្ញ
(c) ប៉ះពាល់ដល់សន្តិសុខជាតិ បញ្ចេញការសម្ងាត់រដ្ឋ ផ្តួលរំលំអំណាចរដ្ឋ ឬធ្វើឱ្យអន្តរាយដល់ឯកភាពជាតិ
(d) ធ្វើឱ្យខូចកិត្តិយស និងផលប្រយោជន៍ជាតិ
(e) ញុះញង់ឱ្យមានការស្អប់ខ្ពើម ឬការរើសអើងជាតិពន្ធុ ឬបង្អាក់ដល់សាមគ្គីភាពជាតិពន្ធុ
(f) បង្អាក់គោលការណ៍សាសនារបស់ប្រទេស ឬផ្សព្វផ្សាយជាសាធារណៈនូវវប្បធម៌អាក្រក់ ឬមនោគមវិជ្ជាសក្តិភូមិ និងអបិយជំនឿ
(g) ផ្សព្វផ្សាយពាក្យចចាមអារ៉ាម រំខានដល់សណ្តាប់ធ្នាប់សង្គម ឬបំផ្លាញស្ថិរភាពសង្គម
(h) ផ្សព្វផ្សាយ ឬពណ៌នាខ្លឹមសារដែលពាក់ព័ន្ធនឹងភាពអាសអាភាស រូបភាពអាសអាភាស ល្បែងស៊ីសង អំពើហិង្សា ឃាតកម្ម អំពើភេរវកម្ម ឬជួយដល់ការប្រព្រឹត្តបទល្មើស
(i) ជេរប្រមាថ បរិហារកេរ្តិ៍ ឬរំលោភលើសិទ្ធិ និងផលប្រយោជន៍ស្របច្បាប់របស់អ្នកដទៃ
(j) ធ្វើឱ្យសីលធម៌សង្គម ឬឧត្តមភាពនៃប្រពៃណីវប្បធម៌ជាតិធ្លាក់ដុនដាប
(k) រំលោភលើសិទ្ធិប្រកាសនីយបត្រតក្កកម្ម ការរក្សាសិទ្ធិ សិទ្ធិពាណិជ្ជសញ្ញា សិទ្ធិកេរ្តិ៍ឈ្មោះរបស់ភាគីទីបីណាមួយ ឬសិទ្ធិ និងផលប្រយោជន៍ស្របច្បាប់ណាមួយផ្សេងទៀត ឬ
(l) បើមិនដូច្នោះទេត្រូវបានហាមឃាត់ដោយច្បាប់ ឬបទប្បញ្ញត្តិរដ្ឋបាល។
អ្នកសូមធានា និងសន្យាដូចខាងក្រោម៖
(a) មិនផលិតឡើងវិញ ធ្វើការកែប្រែ ឬការកែសម្រួលផ្នែកទាំងមូល ឬផ្នែកណាមួយនៃសេវាកម្មទាំងនេះ ឬអនុញ្ញាតឱ្យសេវាកម្មទាំងនេះ ឬផ្នែកណាមួយនៃសេវាកម្មទាំងនេះបញ្ចូលគ្នាជាមួយ ឬរួមបញ្ចូលក្នុងកម្មវិធីផ្សេងណាមួយឡើយ
(b) មិនទទួល ឬប៉ុនប៉ងទទួលការចូលប្រើដោយគ្មានការអនុញ្ញាតនូវ ឬធ្វើឱ្យអន់ថយដល់ផ្នែកណាមួយនៃសេវាកម្មទាំងនេះ ឬប្រព័ន្ធ ឬបណ្ដាញពាក់ព័ន្ធរបស់សេវាកម្មទាំងនេះឡើយ
(c) មិនរុះរើ បំប្លែង បញ្ច្រាសវិស្វកម្ម ឬបង្កើតស្នាដៃចម្លង ដោយផ្អែកលើផ្នែកណាមួយ ឬផ្នែកទាំងអស់នៃសេវាកម្មទាំងនេះ ឬប៉ុនប៉ងធ្វើបែបនេះហួសពីវិសាលភាពដែលអនុញ្ញាតដោយច្បាប់ជាធរមាន
(d) មិនចែកចាយ ផ្ដល់អាជ្ញាបណ្ណ ធ្វើភតិសន្យា លក់ លក់បន្ត ផ្ទេរ បង្ហាញជាសាធារណៈ ធ្វើជាសាធារណៈ បញ្ជូន ស្ទ្រីម ផ្សាយ ឬកេងប្រវ័ញ្ចសេវាកម្មទាំងនេះឡើយ
(e) មិនផ្ដល់ ឬធ្វើឱ្យសេវាកម្មទាំងនេះមានទាំងអស់ ឬដោយផ្នែក (រួមមានកូដវត្ថុ និងកូដប្រភព) ក្នុងទម្រង់ណាមួយដល់បុគ្គលណាម្នាក់ដោយគ្មានការយល់ព្រមជាលាយលក្ខណ៍អក្សរជាមុនពីយើងឡើយ
(f) មិនក្លែងខ្លួនធ្វើជានរណាម្នាក់ ឬថ្លែងមិនពិត ឬថ្លែងបោកប្រាស់អំពីសម្ព័ន្ធភាពរបស់អ្នកជាមួយនឹងបុគ្គល ឬស្ថាប័នមួយឡើយ
(g) មិនប្រើសេវាកម្មទាំងនេះ (ឬផ្នែកណាមួយនៃសេវាកម្មទាំងនេះ) ក្នុងលក្ខណៈខុសច្បាប់ ក្នុងគោលបំណងណាមួយដែលខុសច្បាប់ ឬក្នុងលក្ខណៈមួយដែលមិនស្របតាមកិច្ចព្រមព្រៀងនេះ ឬធ្វើសកម្មភាពបោកប្រាស់ ឬព្យាបាទ រួមមានជាអាទិ៍ ការលួចចូល ឬការបញ្ចូលកូដគ្រោះថ្នាក់រួមមានមេរោគ ឬទិន្នន័យគ្រោះថ្នាក់នានា ទៅក្នុងសេវាកម្មទាំងនេះ (ឬទៅក្នុងគេហទំព័រដែលភ្ជាប់ជាមួយនឹងសេវាកម្មទាំងនេះ) ឬប្រព័ន្ធប្រតិបត្តិការណាមួយឡើយ
(h) មិនរំលោភកម្មសិទ្ធិបញ្ញារបស់ Huawei ឬកម្មសិទ្ធិបញ្ញារបស់ភាគីទីបីណាមួយ ទាក់ទងនឹងការចូលប្រើ និង/ឬការប្រើសេវាកម្មទាំងនេះរបស់អ្នកឡើយ
(i) មិនប្រមូលព័ត៌មានរបស់អ្នកប្រើ ឬចូលប្រើសេវាកម្មទាំងនេះ ឬប្រព័ន្ធរបស់យើង ដោយប្រើមធ្យោបាយស្វ័យប្រវត្តិ ឬប៉ុនប៉ងដោះកូដនៃការបញ្ជូនទាំងឡាយទៅកាន់ ឬពីម៉ាស៊ីនមេដែលដំណើរការសេវាកម្មទាំងនេះឡើយ
(j) មិនអភិវឌ្ឍ គាំទ្រ ឬប្រើសូហ្វវែរ ឧបករណ៍ ស្គ្រីប ឬមធ្យោបាយ ឬដំណើរការផ្សេងទៀតទាំងឡាយ (រួមមានកម្មវិធីធ្វើសន្ទស្សន៍ កម្មវិធីជំនួយ និងកម្មវិធីបន្ថែមក្នុងកម្មវិធីរុករក ឬបច្ចេកវិទ្យា ឬការងារប្រើដៃផ្សេងទៀតទាំងឡាយ) ដើម្បីប្រមូលព័ត៌មានពីសេវាកម្មទាំងនេះ ឬចម្លងប្រវត្តិរូប និងទិន្នន័យផ្សេងទៀតពីសេវាកម្មទាំងនេះឡើយ
(k) មិនទាញប្រយោជន៍ពីសេវាកម្មទាំងនេះក្នុងគោលបំណងពាណិជ្ជកម្ម ដោយគ្មានការយល់ព្រមជាលាយលក្ខណ៍អក្សរជាមុនរបស់យើងឡើយ
(l) មិនប្រើសេវាកម្មទាំងនេះ ដើម្បីចូលរួមក្នុងប្រតិបត្តិការអាជីវកម្មខុសច្បាប់ទាំងឡាយដូចជា ការលក់កាំភ្លើង ថ្នាំញៀន សារធាតុខុសច្បាប់ សូហ្វវែរលួចចម្លង ឬវត្ថុដែលបានហាមឃាត់ផ្សេងទៀតឡើយ
(m) មិនផ្ដល់ព័ត៌មានអំពីល្បែងស៊ីសង ឬលើកទឹកចិត្តឱ្យអ្នកដទៃលេងល្បែងស៊ីសងតាមរយៈមធ្យោបាយណាមួយ
(n) មិនស្នើសុំព័ត៌មានចុះឈ្មោះចូលប្រព័ន្ធ ឬចូលប្រើគណនីដែលជារបស់អ្នកផ្សេងឡើយ
(o) មិនចូលរួមក្នុងការសម្អាតប្រាក់ បុរេប្រទានជាសាច់ប្រាក់ខុសច្បាប់ ឬគម្រោងលក់ជាទម្រង់ពីរ៉ាមីត ដោយទាញយកប្រយោជន៍ពីសេវាកម្មទាំងនេះឡើយ
(p) មិនប៉ុនប៉ង សម្របសម្រួល ឬលើកទឹកចិត្តឱ្យមានការបំពានណាមួយមកលើកិច្ចព្រមព្រៀងនេះ (ឬផ្នែកណាមួយនៃកិច្ចព្រមព្រៀងនេះ) ឡើយ និង
(q) មិនប្រើសេវាកម្មទាំងនេះក្នុងលក្ខណៈមួយដែលអាចបង្កការខូចខាត បិទ ដាក់បន្ទុកហួសហេតុ ធ្វើឱ្យអន់ថយ ឬបង្កផលប៉ះពាល់ដល់សេវាម្មទាំងនេះ ប្រព័ន្ធ ឬសន្តិសុខរបស់យើង ឬជ្រៀតជ្រែកជាមួយអ្នកប្រើផ្សេងទៀត ឬប្រព័ន្ធកុំព្យូទ័ររបស់ភាគីទីបីផ្សេងទៀតណាមួយ ឬលួចចូល ឬទទួលបានការចូលប្រើដោយគ្មានការអនុញ្ញាតលើសេវាកម្មទាំងនេះ ឬទិន្នន័យ ឬខ្លឹមសាររបស់ Huawei (ដូចបានកំណត់ខាងក្រោម) ឡើយ។
6 ខ្លឹមសាររបស់ Huawei
Huawei និង/ឬអ្នកផ្តល់អាជ្ញាបណ្ណនៅជាន់ថ្នាក់ដំបូងរបស់ខ្លួន រក្សាសិទ្ធិ កម្មសិទ្ធិ និងផលប្រយោជន៍គ្រប់យ៉ាងនៅក្នុង និងចំពោះព័ត៌មាននេះ នៅគ្រប់ទម្រង់រួមមានជាអាទិ៍ អត្ថបទ វីដេអូ និងសំឡេង រូបភាព រូបតំណាង កម្មវិធី ការរចនា សូហ្វវែរ ស្គ្រីប កម្មវិធី ការរក្សាសិទ្ធិ ពាណិជ្ជសញ្ញា ពាណិជ្ជនាម រូបសញ្ញា ព្រមទាំងសម្ភារ និងសេវាកម្មផ្សេងទៀតដែលមាននៅលើ ឬតាមរយៈសេវាកម្មទាំងនេះ រួមទាំងរូបរាង និងអារម្មណ៍របស់ពួកវា (រួមគ្នាហៅកាត់ថា “ខ្លឹមសាររបស់ Huawei”)។ ការចូលប្រើ និង/ឬការប្រើសេវាកម្មណាមួយរបស់អ្នកមិនធ្វើឱ្យមានការផ្ទេរទៅឱ្យអ្នក ឬបុគ្គលផ្សេងទៀតណាមួយនូវភាពជាម្ចាស់កម្មសិទ្ធិ ឬសិទ្ធិដទៃទៀតនៅក្នុង ឬចំពោះសេវាកម្មទាំងនេះ ឬខ្លឹមសាររបស់ពួកវានោះទេ លើកលែងតែមានចែងផ្សេងពីនេះក្នុងកិច្ចព្រមព្រៀងនេះ។
អ្នកមិនអាចធ្វើការកែប្រែ ការចម្លង ការដកស្រង់ ការកែសម្រួល ឬការបន្ថែមទៅលើខ្លឹមសាររបស់ Huawei ឬលក់ ចម្លង ផ្សព្វផ្សាយ ផ្ដល់អាជ្ញាបណ្ណ ឬប្រើប្រាស់ខ្លឹមសាររបស់ Huawei ដោយមិនត្រឹមត្រូវតាមវិធីណាមួយឡើយ។ ប្រសិនបើអ្នកចង់បោះពុម្ពឡើងវិញ ដកស្រង់ ផលិតឡើងវិញ ផ្សព្វផ្សាយ ឬប្រើប្រាស់ខ្លឹមសាររបស់ Huawei អ្នកត្រូវទាក់ទង Huawei ជាមុន និងត្រូវទទួលបានការយល់ព្រមជាលាយលក្ខណ៍អក្សរជាមុនពី Huawei លើកលែងតែមានចែងយ៉ាងច្បាស់ក្នុងកិច្ចព្រមព្រៀងនេះ។ ការណ៍នេះមិនប៉ះពាល់ដល់សិទ្ធិទាំងឡាយដែលអ្នកអាចមានតាមច្បាប់ចាំបាច់ជាធរមានឡើយ។
ប្រសិនបើអ្នកជឿថា សេវាកម្មទាំងនេះ ឬផ្នែកណាមួយនៃសេវាកម្មទាំងនេះ រំលោភការរក្សាសិទ្ធិ ពាណិជ្ជសញ្ញា ប្រកាសនីយបត្រតក្កកម្ម ឬអាថ៌កំបាំងពាណិជ្ជកម្មណាមួយ ឬសិទ្ធិកម្មសិទ្ធិបញ្ញាផ្សេងទៀត ឬប្រសិនបើអ្នកមានកង្វល់ផ្សេងៗពាក់ព័ន្ធនឹងសេវាកម្មទាំងនេះ សូមជូនដំណឹងមកយើងដោយប្រើព័ត៌មានទំនាក់ទំនងដែលផ្ដល់ជូននៅក្នុងផ្នែក “ការទាក់ទងមកយើង”។
7 ខ្លឹមសាររបស់អ្នក
ខ្លឹមសារអ្នកប្រើសំដៅលើព័ត៌មាន ខ្លឹមសារ និងសម្ភារដែលបង្កើតឡើងដោយអ្នកប្រើតាមរយៈការប្រើសេវាកម្មទាំងនេះដូចជា ក្រាហ្វិច អត្ថបទ រូបភាព សំឡេង វីដេអូ សូហ្វវែរ និងឯកសារទិន្នន័យ។ អ្នកត្រូវទទួលខុសត្រូវទាំងស្រុងចំពោះខ្លឹមសារអ្នកប្រើដែលបានទាញបញ្ចូល ទាញយក ចេញផ្សាយ ផ្ញើតាមអ៊ីមែល បញ្ជូន ឬរក្សាទុកដោយអ្នក ឬក្នុងនាមគណនីរបស់អ្នក។ ដោយសារ Huawei មិនគ្រប់គ្រង ឬចូលប្រើខ្លឹមសារអ្នកប្រើនោះ Huawei មិនធានានូវភាពត្រឹមត្រូវ សុចរិតភាព ឬភាពសមស្របនៃខ្លឹមសារអ្នកប្រើណាមួយឡើយ។ អ្នកយល់ព្រមថាអ្នកត្រូវរ៉ាប់រងហានិភ័យនានាទាំងស្រុងដែលកើតឡើងពីការប្រើប្រាស់របស់អ្នកនូវខ្លឹមសារអ្នកប្រើរបស់អ្នកប្រើដទៃទៀតនៃសេវាកម្មទាំងនេះ។ Huawei មិនទទួលខុសត្រូវលើខ្លឹមសារអ្នកប្រើណាមួយដែលអ្នកចាត់ទុកថាអសុរោះ ប្រមាថមើលងាយ មិនសមគួរ ឬមិនសមរម្យឡើយ។
8 ការពិនិត្យតាមដានសេវាកម្មទាំងនេះ
អ្នកទទួលស្គាល់ថា យោងតាមច្បាប់ និងបទប្បញ្ញត្តិជាធរមាន នៅគ្រប់ពេលវេលា តាមឆន្ទានុសិទ្ធិទាំងស្រុងរបស់យើង និងដោយមិនជូនដំណឹងទៅអ្នក យើងអាចចាត់វិធានការបែបនេះ នៅពេលយើងសម្រេចថាមានការចាំបាច់សម្រាប់គោលបំណងនៃការធ្វើប្រតិបត្តិការ និងការកែលម្អសេវាកម្មទាំងនេះ (រួមមានជាអាទិ៍ គោលបំណងទប់ស្កាត់ការបោកបន្លំ វាយតម្លៃហានិភ័យ ស៊ើបអង្កេត និងគាំទ្រអតិថិជន) ដោយធានាបាននូវការអនុលោមរបស់អ្នកតាមកិច្ចព្រមព្រៀងនេះ ច្បាប់ជាធរមាន ដីកា ឬសេចក្ដីណែនាំរបស់តុលាការណាមួយ សេចក្តីសម្រេចតាមការព្រមព្រៀង ទីភ្នាក់ងាររដ្ឋបាល ឬស្ថាប័នរដ្ឋាភិបាលផ្សេងទៀត។ យើងរក្សាសិទ្ធិក្នុងការសម្រេចបានគ្រប់ពេលថាតើខ្លឹមសាររបស់អ្នកសមស្រប និងអនុលោមតាមកិច្ចព្រមព្រៀងនេះឬអត់ ហើយអាចពិនិត្យមើលជាមុន ផ្លាស់ទី បដិសេធ កែសម្រួល និង/ឬយកខ្លឹមសាររបស់អ្នកចេញបានគ្រប់ពេលដោយគ្មានការជូនដំណឹងជាមុន និងតាមឆន្ទានុសិទ្ធិរបស់យើងប្រសិនបើខ្លឹមសាររបស់អ្នកត្រូវបានរកឃើញថាបំពានកិច្ចព្រមព្រៀងនេះ ឬបំពានវិធានច្បាប់សាធារណៈ និងទំនៀមទម្លាប់សង្គម។
9 ឯកជនភាព និងការប្រមូលទិន្នន័យ
ដើម្បីផ្តល់ជូនអ្នកនូវសេវាកម្មនានាឱ្យបានកាន់តែប្រសើរ Huawei នឹងប្រមូល និងដំណើរការព័ត៌មានផ្ទាល់ខ្លួនរបស់អ្នកដោយមានការយល់ព្រមដែលមានការយល់ដឹងពីអ្នក យោងតាមច្បាប់ និងបទប្បញ្ញត្តិជាធរមាន។
10 សេចក្តីប្រកាសបដិសេធ
សេវាកម្មទាំងនេះគឺសម្រាប់ការប្រើប្រាស់ផ្ទាល់ខ្លួនរបស់អ្នកប៉ុណ្ណោះ ហើយមិនត្រូវប្រើដោយភាគីទីបីណាមួយឡើយ។ អ្នកយល់ព្រមថា Huawei និងក្រុមហ៊ុនសម្ព័ន្ធ មន្ត្រី នាយក និយោជិត អ្នកចុះកិច្ចសន្យា ភ្នាក់ងារ ក្រុមហ៊ុនផ្ដល់សេវាទូទាត់ប្រាក់ជាភាគីទីបី ដៃគូ អ្នកផ្ដល់អាជ្ញាបណ្ណ និងអ្នកចែកចាយរបស់ខ្លួន (រួមគ្នាហៅកាត់ថា “ភាគីរបស់ Huawei”) មិនទទួលខុសត្រូវលើការបាត់បង់ទាំងឡាយ ដែលបណ្ដាលមកពីការប្រើប្រាស់សេវាកម្មទាំងនេះដោយគ្មានការអនុញ្ញាតឡើយ។
ការប្រើសេវាកម្មទាំងនេះរបស់អ្នកអាចមានការរអាក់រអួល ពន្យារពេល ឬរំខានក្នុងរយៈពេលមិនដឹងដោយសារមូលហេតុដែលហួសពីការគ្រប់គ្រងបានរបស់យើង។ អ្នកយល់ព្រមថាភាគីរបស់ Huawei នឹងមិនទទួលខុសត្រូវលើការទាមទារទាំងឡាយ ដែលកើតឡើងចេញពី ឬពាក់ព័ន្ធនឹងការរអាក់រអួល ការពន្យារពេល ការរំខាន ឬបញ្ហាស្រដៀងនេះឡើយ។
តាមវិសាលភាពអតិបរមាដែលច្បាប់ជាធរមានបានអនុញ្ញាត ភាគីរបស់ Huawei មិនទទួលខុសត្រូវចំពោះអ្នក ឬអ្នកផ្សេងលើការខូចខាតទាំងឡាយឡើយ ប្រសិនបើអ្នក ឬនរណាម្នាក់ទៀតមិនអាចចូលប្រើ ឬប្រើប្រាស់សេវាកម្មទាំងនេះ ដោយសារ៖
(a) ការផ្អាក ឬការបញ្ឈប់សេវាកម្មទាំងនេះដោយ Huawei ដើម្បីអាចឱ្យធ្វើការជួសជុលថែទាំ ឬធ្វើបច្ចុប្បន្នភាពប្រព័ន្ធ សូហ្វវែរ ឬហាតវែរ
(b) រាល់ការពន្យារពេលនៃការប្រាស្រ័យទាក់ទង ឬការមិនដំណើរការប្រព័ន្ធ ឬបណ្តាញដែលជាកម្មសិទ្ធិរបស់ ឬគ្រប់គ្រងដោយនរណាម្នាក់ក្រៅពី Huawei
(c) ការផ្អាក ការលុបចោល ឬការបញ្ចប់កិច្ចសន្យាណាមួយ ឬការរៀបចំផ្សេងៗរវាង Huawei និងក្រុមហ៊ុនផ្ដល់សេវាទូទាត់ប្រាក់ជាភាគីទីបីណាមួយរបស់ខ្លួន
(d) បញ្ហា ឬការរអាក់រអួលទាំងឡាយដោយសារការប៉ុនប៉ងលួចចូល ឬការបំពានសន្តិសុខស្រដៀងនេះ ឬ
(e) ព្រឹត្តិការណ៍ ឬហេតុការណ៍ទាំងឡាយផ្សេងទៀតដែលលើសពីការគ្រប់គ្រងសមហេតុផលរបស់ Huawei។
សេវាកម្មទាំងនេះត្រូវបានផ្ដល់ជូន “តាមជាក់ស្ដែង” និង “តាមដែលមាន” ដោយមិនមានការអះអាង ឬការគាំទ្រក្នុងប្រភេទណាមួយឡើយ។ នៅក្នុងវិសាលភាពអតិបរមាដែលបានអនុញ្ញាតដោយច្បាប់ជាធរមាន ភាគីរបស់ Huawei ប្រកាសបដិសេធចំពោះការធានា លក្ខខណ្ឌ ឬខចែងផ្សេងទៀតទាំងអស់ មិនថាធ្វើឡើងដោយបង្ហាញច្បាស់ ឬដោយបង្កប់ន័យ និងមិនធ្វើការរ៉ាប់រង ការសន្យា ការអះអាង ឬការធានាចំពោះចំណុចដូចខាងក្រោមឡើយ៖
(a) ភាពពេញលេញ ភាពត្រឹមត្រូវ ភាពអាចទុកចិត្តបាន ឬភាពទាន់ពេលវេលានៃខ្លឹមសារដែលមាននៅលើ ឬតាមរយៈសេវាកម្មទាំងនេះ
(b) សេវាកម្មទាំងនេះ ឬម៉ាស៊ីនមេដែលបង្ហោះពួកវាមិនមានការខូច កំហុស មេរោគ បញ្ហា ឬធាតុផ្សំគ្រោះថ្នាក់ផ្សេងទៀត
(c) ការខូចទាំងឡាយនៅក្នុងប្រតិបត្តិការ ឬការបំពេញមុខងាររបស់សេវាកម្មទាំងនេះនឹងត្រូវបានកែតម្រូវ
(d) មុខងារជាក់លាក់នៃសេវាកម្មទាំងនេះ ភាពអាចទុកចិត្តបាន គុណភាព ឬភាពត្រឹមត្រូវនៃព័ត៌មានទាំងឡាយដែលអ្នកទទួលបាន ដោយសារការប្រើប្រាស់ ឬការចូលប្រើសេវាកម្មទាំងនេះរបស់អ្នកអាចត្រូវបានធានា។
(e) សន្តិសុខ ឬលក្ខណៈគ្មានកំហុសនៃសេវាកម្មទាំងនេះ និង
(f) ភាពអាចទុកចិត្តបាន គុណភាព ភាពត្រឹមត្រូវ លទ្ធភាពមាន ឬសមត្ថភាពនៃសេវាកម្មទាំងនេះក្នុងការបំពេញតាមតម្រូវការរបស់អ្នក ផ្ដល់ធាតុចេញជាក់លាក់ ឬសម្រេចបានលទ្ធផល ឬផលសម្រេចជាក់លាក់។ ភាគីរបស់ Huawei មិនទទួលខុសត្រូវលើការបាត់បង់ ឬការខូចខាតចំពោះអ្នក ដែលមួយផ្នែក ឬទាំងស្រុងបណ្ដាលមកពីអ្នកពឹងផ្អែក ប្រើប្រាស់ ឬបកស្រាយអំពីសេវាកម្មទាំងនេះ ឬព័ត៌មានផ្សេងៗដែលទទួលបានតាមរយៈការចូលប្រើ និង/ឬការប្រើប្រាស់របស់អ្នក (ឬរបស់អ្នកផ្សេង) លើសេវាកម្មទាំងនេះឡើយ។
ច្បាប់នៃប្រទេសមួយចំនួនមិនអនុញ្ញាតឱ្យមានការលើកលែង ឬការដាក់កំហិតលើការធានា ការរ៉ាប់រង ឬការទទួលខុសត្រូវជាក់លាក់តាមកិច្ចសន្យាឡើយ។ ប្រសិនបើច្បាប់ទាំងនេះអនុវត្តចំពោះអ្នក ការលើកលែង ឬការដាក់កំហិតខាងលើមួយចំនួន ឬទាំងអស់អាចនឹងមិនអនុវត្តឡើយ។ គ្មានអ្វីមួយនៅក្នុងកិច្ចព្រមព្រៀងនេះប៉ះពាល់ដល់សិទ្ធិដែលអ្នកទទួលបានដោយស្របច្បាប់ក្នុងនាមជាអ្នកប្រើប្រាស់ឡើយ។
11 ការផ្តល់សំណង
ក្នុងវិសាលភាពអតិបរមាដែលច្បាប់ជាធរមានអនុញ្ញាតនៅក្នុងដែនយុត្តាធិការរបស់អ្នក អ្នកនឹងមិនធ្វើឱ្យប៉ះពាល់ដល់ និងផ្តល់សំណងដល់ភាគីរបស់ Huawei ដោយសារការទាមទារ បណ្ដឹង ឬចំណាត់ការដែលកើតចេញពី ឬពាក់ព័ន្ធនឹង៖
(1) ខ្លឹមសាររបស់អ្នក
(2) ការប្រើសេវាកម្មទាំងនេះរបស់អ្នក
(3) ការបំពាន ឬការរំលោភរបស់អ្នកលើកិច្ចព្រមព្រៀងនេះ ឬផ្នែកណាមួយនៃ EULA ដែលពាក់ព័ន្ធ
(4) ការរំលោភរបស់អ្នកលើកម្មសិទ្ធិបញ្ញារបស់ភាគីទីបី ឬសិទ្ធិផ្សេងទៀតណាមួយ ឬ
(5) សកម្មភាព ឬការបំពានស្រដៀងនេះដោយបុគ្គលណាម្នាក់ដែលប្រើ HUAWEI ID របស់អ្នក
រាប់បញ្ចូលទាំងបំណុល ជំងឺចិត្ត ការចំណាយ ថ្លៃបណ្តឹងវិវាទ និងថ្លៃឈ្នួលមេធាវីដែលកើតឡើងដោយវិវាទ ពាក្យបណ្តឹង និងរឿងក្តីដែលកើតចេញពីស្ថានភាពដែលបានរៀបរាប់ខាងលើ។ អ្នកសន្យា និងយល់ព្រមជួយ និងសហការភ្លាមៗយ៉ាងពេញលេញ នៅពេលភាគីរបស់ Huawei ណាមួយតម្រូវឱ្យធ្វើដូច្នោះដោយសមហេតុផល។
12 ការបញ្ចប់ដោយអ្នក
អ្នកអាចដកហូតការអនុញ្ញាតកាមេរ៉ា និងឧបករណ៍ផ្ទុកពីអេក្រង់ការកំណត់កម្មវិធី។ នៅពេលប្រើមុខងារវាស់រាងកាយមនុស្សរបស់កម្មវិធី អ្នកអាចដកការអនុញ្ញាត ហើយឈប់ប្រើសេវាកម្មទាំងឡាយពីអេក្រង់មុខងារនេះបាន។
បន្ទាប់ពីការបញ្ចប់គណនីរបស់អ្នក Huawei អាចលុបភ្លាមៗ និងជាអចិន្ត្រៃយ៍នូវសម្ភារ ឯកសារ និងខ្លឹមសារដែលបានរក្សាទុកណាមួយ និងទាំងអស់ក្រោមគណនីរបស់អ្នក។ ទោះជាយ៉ាងណាក៏ដោយ ដោយផ្អែកលើកត្តាច្បាប់និងអនុវត្តជាក់ស្តែងជាក់លាក់ Huawei ប្រហែលជាមិនអាចលុបច្បាប់ចម្លងបម្រុងទុកនៃទិន្នន័យបែបនេះបានទេ។ លើសពីនេះទៀត ខ្លឹមសារដែលអ្នកផ្ញើទៅអ្នកប្រើផ្សេងទៀត រួមទាំងសារផងដែរ ប្រហែលជាមិនអាចលុបបានទេ។
ការបញ្ចប់គណនីរបស់អ្នកនឹងមិនធ្វើឱ្យអ្នករួចពីកាតព្វកិច្ចណាមួយក្នុងការបង់ថ្លៃសេវាណាមួយដែលបានកើតឡើងនៅ ឬមុនកាលបរិច្ឆេទបញ្ចប់នោះឡើយ។ ទាំង Huawei និងភាគីទីបីណាមួយនឹងមិនទទួលខុសត្រូវចំពោះផលវិបាកណាមួយដែលកើតឡើងដោយសារតែអ្នកមិនអាចចូលប្រើសេវាកម្មទាំងនេះបាន បន្ទាប់ពីគណនីរបស់អ្នកត្រូវបានបញ្ចប់ឡើយ។
13 ការផ្អាក ឬការបញ្ចប់ដោយ Huawei
យោងតាមច្បាប់ជាធរមាន យើងអាចផ្អាក រឹតបន្តឹង លុបចោល ឬបញ្ចប់ការចូលប្រើរបស់អ្នកនូវសេវាកម្មទាំងនេះក្នុងផ្នែក(ខ្លះ) ឬទាំងស្រុងបានគ្រប់ពេល ដោយមិនមានការទទួលខុសត្រូវចំពោះបុគ្គល ឬភាគីទីបីណាមួយឡើយ។ យើងនឹងព្យាយាមផ្ដល់ការជូនដំណឹងដល់អ្នក មុននឹងយើងធ្វើបែបនេះ។ ទោះជាយ៉ាងណាក៏ដោយ យើងអាចផ្អាក រឹតបន្តឹង លុបចោល ឬបញ្ចប់ការចូលប្រើរបស់អ្នកនូវសេវាកម្មទាំងនេះក្នុងផ្នែក(ខ្លះ) ឬទាំងស្រុងភ្លាមៗ ដោយមិនមានការជូនដំណឹងជាមុន ក្រោមកាលៈទេសៈដូចខាងក្រោម៖
(a) ប្រសិនបើអ្នកបំពាន ឬ Huawei ជឿជាក់ថា អ្នកហៀបនឹងបំពានកិច្ចព្រមព្រៀងនេះ រួមទាំងកិច្ចព្រមព្រៀង គោលការណ៍ ឬគោលការណ៍ណែនាំដែលបានរួមបញ្ចូលក្នុងកិច្ចព្រមព្រៀងនេះ
(b) ប្រសិនបើអ្នក ឬអ្នកណាម្នាក់ដែលធ្វើសកម្មភាពជំនួសឱ្យអ្នក ប្រព្រឹត្តទង្វើក្លែងបន្លំ ឬខុសច្បាប់ ឬផ្ដល់ព័ត៌មានមិនពិត ឬព័ត៌មានដែលនាំឱ្យយល់ខុសណាមួយ ដល់ Huawei
(c) ដើម្បីឆ្លើយតបនឹងសំណើដោយទីភ្នាក់ងារពង្រឹងការអនុវត្តច្បាប់ ឬទីភ្នាក់ងាររដ្ឋាភិបាលផ្សេងទៀត ក្រោមដំណើរការច្បាប់ដែលមានសុពលភាព
(d) ក្នុងករណីនៃការធ្វើការងារជួសជុលថែទាំបន្ទាន់ ឬការធ្វើបច្ចុប្បន្នភាពបន្ទាន់មកលើប្រព័ន្ធ ឬហាតវែរ ឬ
(e) ដោយសារហេតុផលបច្ចេកទេស សុវត្ថិភាព អាជីវកម្ម ឬសន្តិសុខដែលមិនបានរំពឹងទុក។
ការផុតសុពលភាព ឬការបញ្ចប់កិច្ចព្រមព្រៀងនេះមិនប៉ះពាល់ដល់បទប្បញ្ញត្តិនៃកិច្ចព្រមព្រៀងនេះដែលត្រូវបានបង្ហាញថាមានអានុភាព ឬមានសុពលភាព បន្ទាប់ពីការផុតសុពលភាព ឬការបញ្ចប់កិច្ចព្រមព្រៀងនេះឡើយ ហើយមិនធ្វើឱ្យប៉ះពាល់ដល់សិទ្ធិ ឬកាតព្វកិច្ចបន្ថែម ឬសិទ្ធិ ឬកាតព្វកិច្ចណាមួយ ដែលសំដៅបន្តមានសុពលភាពក្រោយការផុតសុពលភាព ឬការបញ្ចប់នេះឡើយ។
បទប្បញ្ញត្តិទាំងឡាយនៃកិច្ចព្រមព្រៀងនេះដែលបង្ហាញយ៉ាងច្បាស់ថា ឬតាមចរិតលក្ខណៈរបស់វា សំដៅបន្តមានសុពលភាពក្រោយការបញ្ចប់កិច្ចព្រមព្រៀងនេះ ត្រូវបន្តមានសុពលភាព និងប្រសិទ្ធភាពពេញលេញ បន្ទាប់ពី និងដោយមិនគិតពីការបញ្ចប់បែបនេះ រហូតទាល់តែបទប្បញ្ញត្តិបែបនេះត្រូវបានបំពេញ ឬផុតសុពលភាពតាមចរិតលក្ខណៈរបស់វា។
14 ការផ្លាស់ប្ដូរចំពោះកិច្ចព្រមព្រៀងនេះ
Huawei ធ្វើបច្ចុប្បន្នភាព ផ្លាស់ប្តូរ និងកែលម្អសេវាកម្មរទាំងនេះជាបន្តបន្ទាប់។ Huawei អាចនឹងបន្ថែម ឬយកមុខងារ ឬលក្ខណៈពិសេសចេញ បង្កើតដែនកំណត់ថ្មីមកលើសេវាកម្មទាំងនេះ ឬផ្អាក ឬបញ្ឈប់សេវាកម្មទាំងនេះជាបណ្ដោះអាសន្ន ឬជាអចិន្ត្រៃយ៍។ Huawei ក៏អាចនឹងកែសម្រួលកិច្ចព្រមព្រៀងនេះនៅគ្រប់ពេលវេលា ដោយផ្អែកលើបច្ចុប្បន្នភាពចំពោះសេវាកម្មទាំងនេះផងដែរ។
កិច្ចព្រមព្រៀងដែលបានធ្វើបច្ចុប្បន្នភាពនឹងជំនួសកិច្ចព្រមព្រៀងដើមនៅពេលបានចេញផ្សាយ។ យើងនឹងជំរុញឱ្យមានសេចក្តីជូនដំណឹងអំពីបច្ចុប្បន្នភាពកិច្ចព្រមព្រៀងក្នុងកម្មវិធីឱ្យបានទាន់ពេលវេលា។ ប្រសិនបើអ្នកមិនទទួលយកលក្ខខណ្ឌដែលបានធ្វើបច្ចុប្បន្នភាពទេ សូមឈប់ប្រើសេវាកម្មទាំងនេះភ្លាមៗ។ ការបន្តចូលប្រើ ឬប្រើសេវាកម្មទាំងនេះរបស់អ្នកត្រូវបានចាត់ទុកថាជាការទទួលយករបស់អ្នកនូវកិច្ចព្រមព្រៀងដែលបានធ្វើបច្ចុប្បន្នភាព។
យើងនឹងជូនដំណឹងទៅអ្នកក្នុងរយៈពេលសមស្របមួយអំពីការផ្លាស់ប្ដូរទាំងឡាយចំពោះកិច្ចព្រមព្រៀងនេះដែលនឹងប៉ះពាល់ប្រយោជន៍របស់អ្នកប្រើជាសារវន្ត ឬដាក់កំហិតជាសារវន្តដល់ការចូលប្រើ ឬការប្រើប្រាស់របស់ពួកគេនូវសេវាកម្មទាំងនេះ។ សម្រាប់ការផ្លាស់ប្ដូរចំពោះសេវាកម្មទាំងនេះដែលយើងចាំបាច់ត្រូវធ្វើឡើង ដើម្បីបំពេញតាមលក្ខខណ្ឌតម្រូវផ្នែកសន្តិសុខ សុវត្ថិភាព ច្បាប់ ឬបញ្ញត្តិកម្ម យើងប្រហែលមិនអាចបំពេញតាមថិរវេលាដែលបានរៀបរាប់ខាងលើឡើយ ហើយយើងនឹងផ្ដល់ព័ត៌មានបច្ចុប្បន្នភាពដល់អ្នកអំពីការផ្លាស់ប្ដូរទាំងនេះឱ្យបានឆាប់តាមដែលអាចធ្វើបាន។
15 ច្បាប់គ្រប់គ្រង និងយុត្តាធិការ
ការបង្កើត ការបកស្រាយ និងការអនុវត្តកិច្ចព្រមព្រៀងនេះត្រូវគ្រប់គ្រងដោយ និងបកស្រាយតាមច្បាប់នៃសាធារណរដ្ឋប្រជាមានិតចិន។ អ្នក និង Huawei ព្រមព្រៀងថាកិច្ចព្រមព្រៀងនេះត្រូវបានចុះហត្ថលេខានៅស្រុកឡុងកាង សិនជិន ខេត្តគ័ងទុង ប្រទេសចិន។ វិវាទទាំងឡាយដែលកើតឡើងដោយសារការអនុវត្តកិច្ចសន្យារវាងភាគីទាំងពីរនឹងត្រូវដោះស្រាយតាមរយៈការចរចា។ ប្រសិនបើការចរចាបរាជ័យ ភាគីម្ខាងអាចប្តឹងទៅតុលាការប្រជាមានិតដែលមានយុត្តាធិការសមស្របនៅកន្លែងដែលបានចុះហត្ថលេខាលើកិច្ចព្រមព្រៀងនេះ។
16 លក្ខខណ្ឌទូទៅ
សេវាកម្មទាំងនេះ ឬភាគីទីបីអាចផ្តល់តំណទៅគេហទំព័រ ឬធនធានផ្សេងទៀត។ អ្នកទទួលស្គាល់ និងយល់ព្រមថា យើងមិនទទួលខុសត្រូវលើភាពអាចរកបាននៃគេហទំព័រ ឬធនធានខាងក្រៅបែបនោះឡើយ ហើយក៏មិនគាំទ្រ និងមិនទទួលខុសត្រូវ ឬរ៉ាប់រងលើខ្លឹមសារ ការផ្សាយពាណិជ្ជកម្ម ផលិតផល ឬសម្ភារផ្សេងៗ ដែលមាននៅលើ ឬអាចរកបានពីគេហទំព័រ ឬធនធានទាំងនោះឡើយ។ យើងមិនទទួលខុសត្រូវ ឬរ៉ាប់រងចំពោះការខូចខាត ឬការបាត់បង់ទាំងឡាយដែលបណ្ដាលមកពី ឬដែលត្រូវបានចោទថាបណ្ដាលមកពី ឬពាក់ព័ន្ធនឹងការប្រើ ឬការពឹងផ្អែករបស់អ្នកលើខ្លឹមសារ ទំនិញ ឬសេវាកម្មបែបនោះណាមួយដែលមាននៅលើ ឬអាចរកបានតាមរយៈគេហទំព័រ ឬធនធានទាំងនោះឡើយ។
គ្មានអ្វីនៅក្នុងកិច្ចព្រមព្រៀងនេះត្រូវបានបកស្រាយថា បង្កើតភាពជាដៃគូ ឬទំនាក់ទំនងជាទីភ្នាក់ងាររវាងអ្នក និង Huawei ឡើយ ហើយគ្មានភាគីណាមួយមានសិទ្ធិ ឬអំណាចជាប់ការទទួលខុសត្រូវ បំណុល ឬបន្ទុកចំណាយ ឬចុះកិច្ចសន្យាណាមួយ ឬការរៀបចំផ្សេងទៀតក្នុងនាម ឬជំនួសឱ្យភាគីម្ខាងទៀតឡើយ។
Huawei មិនទទួលខុសត្រូវចំពោះការខកខាន ឬការពន្យារការអនុវត្តកាតព្វកិច្ចរបស់ខ្លួនក្រោមកិច្ចព្រមព្រៀងនេះ ឬការផ្ដល់សេវាកម្មទាំងនេះ ដែលបង្កឡើងដោយ ឬបណ្ដាលមកពីបញ្ហា ដែលហួសពីការគ្រប់គ្រងសមហេតុផលរបស់ Huawei ឡើយ។
សាខា និងបុត្រសម្ព័ន្ធទាំងឡាយរបស់ Huawei គឺជាអ្នកទទួលផលជាភាគីទីបីនៃកិច្ចព្រមព្រៀងនេះ។ ពួកគេអាចអនុវត្តកិច្ចព្រមព្រៀងនេះក្នុងនាមជាភាគីនៃកិច្ចព្រមព្រៀងនេះ។ Huawei មានសិទ្ធិផ្ទេរ ធ្វើកិច្ចសន្យាបន្តនូវ ឬជំនួសសិទ្ធិ និងកាតព្វកិច្ចរបស់ Huawei ក្រោមកិច្ចព្រមព្រៀងនេះដោយមិនបន្ថយសិទ្ធិ និងផលប្រយោជន៍របស់អ្នកឡើយ។
ប្រសិនបើតុលាការដែលមានដែនសមត្ថកិច្ច ឬអាជ្ញាធរមានសមត្ថកិច្ចទាំងឡាយផ្សេងទៀត រកឃើញថា បទប្បញ្ញត្តិណាមួយនៃកិច្ចព្រមព្រៀងនេះ ត្រូវចាត់ទុកជាមោឃៈ គ្មានសុពលភាព ឬមិនអាចអនុវត្តបាន បទប្បញ្ញត្តិនោះត្រូវចាត់ទុកថា ត្រូវបានលុបចេញពីកិច្ចព្រមព្រៀងនេះ ហើយបទប្បញ្ញត្តិទាំងឡាយផ្សេងទៀតនៃកិច្ចព្រមព្រៀងនេះនឹងនៅបន្តចូលជាធរមានពេញលេញ និងមានប្រសិទ្ធភាពស្របច្បាប់ដដែល។
17 ការទាក់ទងមកយើង
ប្រសិនបើអ្នកមានសំណួរទាក់ទងនឹងកិច្ចព្រមព្រៀងនេះ សូមទាក់ទងមកយើងដោយប្រើព័ត៌មានដូចខាងក្រោម៖ 950800។